Morgunn - 01.06.1990, Blaðsíða 8
Undarleg atburðarás
MORGUNN
Sumarið 1989 var svo komið að mér fannst ekki lengur
stætt á því annað en segja opinberlega frá einhverjum
þessara undarlegu atburða, sérstaklega vegna þess að mér
fannst vera þrýst á núg að gera það og einnig vegna þess að
verið getur að það varði líf eða dauða margra einstaklinga
ef þær upplýsingar sem hér verður sagt frá eru réttar.
Ég skrifaði því grein um þessa undarlegu atburði í tímaritið
„Ganglera" haustið 1989. Grein sú sem hér birtist er að hluta
til sú sama, en ræðir auk þess nokkra „undarlega atburði”
sem orðið hafa síðan greinin í Ganglera var skrifuð.
Það mun hafa verið sumarið 1981 að sending barst mér frá
ókunnum aðila. Þetta var ljósrit úr amerísku tímariti, Health-
view Newsletter, af viðtali við mann að nafni Jason Winters,
sem taldi sig hafa læknað sjálfan sig af banvænu krabba-
meini með því að drekka seyði af nokkrum jurtum, sem
hann nafngreindi allar nema eina.
Daginn sem mér barst ljósritið hafði ég mikið að gera og
gat því ekki lesið viðtalið, sem var nokkuð langt, nema að
hluta. Mér virtist við fyrstu sýn að hér kynni að vera um
athyglisverðar upplýsingar að ræða og ákvað að lesa viðtal-
ið orð fyrir orð eins fljótt og ég gæti.
Daginn eftir átti ég erindi upp á Ártúnshöfða og í bakaleið-
inni ákvað ég að koma við í Bílanausti, sem þá var við
Síðumúla, til að kaupa ljósasamloku í bflinn sem ég var á.
Er ég var búinn að kaupa samlokuna og var að ganga út
kallaði einhver á mig innan úr búðinni og bað mig að koma
aftur inn. Þar heilsaði mér ókunnugur maður og kynnti sig
sem Anton Angantýsson, verslunarstjóra í búðinni. Hann
bað mig að koma inn á skrifstofu á bak við og ræða þar við
sig.
Þegar við vorum sestir, sneri hann sér beint að efninu og
sagði: „Getur þú kennt mér einhver ráð til að lækna krabba-
mein?'' Spurningin kom flatt upp á rnig, en um leið minntist
ég ljósritanna sem ég fékk daginn áður og svaraði að bragði:
„Þú spyrð undarlega, en þó er það e.t.v. ennþá undarlegra
að það er möguleiki á því að ég geti hjálpað þér."
Síðan sagði ég honum frá ljósritunum og lofaði að gefa
honum afrit af þeim daginn eftir.
6