Morgunn - 01.06.1990, Blaðsíða 10
Undarleg atburðarás
MORGUNN
Stefán og Erlingur, fóru síðan að nota þessa jurt við krabba-
meinslækningar og náðu stundum undraverðum árangri."
Lengra náði viðtalið í Lesbók Morgunblaðsins ekki.
„Eg fór nú að kynna mér hvort Stefán væri enn á lífi",
heldur Anton nú áfram „og komst að því að hann var látinn
fyrir nokkru og einnig Erlingur bróðir hans. Eftir ýmsum
krókaleiðum, þar sem mér fannst stundum eins og ég væri
leiddur af einhverjum ósýnilegum hjálpanda, komst ég að
því að Asta, dóttir Erlings, var á lífi og hélt áfram starfi föður
síns. Eg setti mig í samþand við hana og hún kannaðist við
jurtina sem Stefán nefndi í viðtalinu. Hún bjó til fyrir mig
seyði af henni og nokkrum fleiri jurtum, sem hún notar
með, og nú er vinur minn farinn að drekka þetta seyði og
virðist vera heldur að hressast. En samt. - Einhvern veginn
fannst mér að þetta væri ekki alveg nægilegt. Sú hugsun
sækir á mig að örlítið meira þurfi til að lækna vin minn. - Og
ég veit, innst inni, að lausnin er við bæjardyrnar og kannski
erum við núna rétt í þessu að höndla hana. í gærmorgun,
þegar ég var að fara út í bílinn í vinnuna, talaði til mín rödd
sem sagði: „Nú færðu svarið í dag" og þegar þú komst inn
í búðina, eins og þú manst í gær, þá kom þessi sama rödd
aftur og sagði: „Þennan mann átt þú að tala við." Þess vegna
spurði ég þig þessarar undarlegu spurningar og e.t.v. hef ég
fengið svarið sem ég hef svo lengi verið að vonast eftir."
Tekið skal fram að við Anton höfðum aldrei áður sést og
vissum hvorugur um nafn hins eða nein önnur deili.
Eg skrifaði til Bandaríkjanna og fékk sendan í pósti mán-
aðarskammt af jurtablöndu Jason Winters. Vinur Antons
notaði hana, ásamt jurtaseyði Ástu Erlingsdóttur. Hann fór
að hressast og gat farið að vinna skömmu síðar.
Eg gerði svo ítrekaðar tilraunir til að panta meira en fékk
ekkert svar. Þannig gekk í meira en heilt ár, en þá fékk ég
loks bréf frá fyrirtæki í Kaliforníu, sem sagðist framleiða
jurtateið með leyfi Jason Winters. Jason hafði verið kærður
fyrir skottulækningar og óleyfilega framleiðslu á jurtatei
sínu og framleiðslan hafði því lagst niður um tíma. Reglur
voru rýmri í Kaliforníu og því mátti framleiða það þar en
ekki á austurströnd Bandaríkjanna.
8