Morgunn - 01.06.1990, Blaðsíða 29
White Eagle:
HJÓL
ENDURHOLDGUNARINNAR
Margskonar ruglingur er á sveimi varðandi þetta mikla
grundvallaratriði eða lögmál endurholdgunar. Sunrir finna
til tregðu eða ósamræmis við tilhugsunina um að þurfa að
f æðast af tur í j arðlíkama og geta ekki skilið hvers vegna þess
er þörf eftir að hafa farið í gegnum þetta jarðneska líf og að
þeir skuli verða neyddir til þess á ljóssins sviðum að snúa
aftur.
Það virðist ekki vera nein frambærileg ástæða eða röksemd
fyrir þessu lögmáli og það kemur ekki heim og saman, segja
þeir, við hugmyndir þeirra um alvitran og elskandi guð.
Þeir hugsa um lát einhvers ástkærs vinar, afturkomu hans
annað slagið frá heimi andans með skilaboð og lýsingar á
lífinu fyrir handan, þar sem þeir dveljast og þeir velta fyrir
sér hvers vegna, þegar þeir eru nú einu sinni frjálsir, þeir
þurfa að dragast aftur fil þessa táradals. Það virðist ekki nein
skynsemi í því. Ef sálin hefur tekið í sig það mikið af hinu
guðlega ljósi að það virðist óskiljanlegt að hún skuli endur-
fæðast til æðri og e.t.v. ógeðfelldari aðstæðna á jörðu, þá
hlýtur það að vera brot á hinni eilífu reglu um kærleika og
þroska.
Endurholdgun er geysilega yfirgripsmikið málefni og við
fullvissum ykkur um að þær hugmyndir sem eru ríkjandi
núna eru ekkert annað en gróf og ófullkomin lýsing á því
sem í raun á sér stað.
Þar til þið skiljið greinilega lögmál endurholdgunarinnar,
þá munu flest meiriháttar vandamál lífsins halda áfram að
vera torskilin og ykkur mun ekki takast að finna réttlæti í
lífinu, jafnvel þó að þið trúið því að guð sé góður, alvitur og
fullur kærleika.
27