Morgunn - 01.06.1991, Qupperneq 64

Lífið fyrir handan
MORGUNN
Tungumálaerfiðleikar eru ekki til í andlega heiminum. Allt
fólk, af hvaða þjóðerni sem er, talar sama tungumálið, þ.e.
hugsunina.
Það þarf ekki að bera fram nein orð, því hugmyndir berast
með hugsanaflutningi frá manni til manns.
Orð eru líka, þegar á allt er litið, einungis klaufalegir
staðgenglar hugsana. Þau eru gervi sem við notum til þess
að tjá hugsanir okkar til hvers annars. En orð geta aldrei
tjáð fullkomlega þær hugsanir sem við erum að reyna að
koma á framfæri. Sá dagur mun koma, þegar mannkynið
hefur þróast, að tungumálin hverfa. Þá munum við hafa
lært að senda hugmyndir okkar til hvers annars með hug-
boðum. Þá munu mörg alþjóðleg vandamál okkar hverfa.
í andlega heiminum eru hugsanir allra vitaðar, þær er ekki
hægt að fela. Þar er ekki hægt að blekkjast né þykjast.
Sérhver einstaklingur er þekktur fyrir það sem hann er.
Hann getur ekki svikið neinn því það er ómögulegt að segja
ósatt.
„Hvað með aldur?" spyrjið þið kannski. „Hvað gerist hjá
fólki sem deyr á gamals aldri?"
Líkamlegur aldur og huglægur þroski þróast ekki á sama
hraða. Við dæmum vitsmuni fólks af hvatvísi eftir aldri
efnislíkama þess hérna megin. Fyrir handan er það hugur-
inn sem lifir og huglægur þrosld byggist á framför í átt til
fuUkomnunar.
Lítil börn munu eldast. Gamla fólkið yngist í anda.
„Hvað starfa þau?" Hver einstaklingur leitast við að tjá
það sem honum er eðlilegast. í þessu jarðlífi okkar eru til
þúsundir af söngvurum sem aldrei hafa sungið, leikarar
sem aldrei hafa leikið, listmálarar sem aldrei hafa málað,
skáld sem aldrei hafa skrifað eina einustu línu af skáldskap,
tónlistarmenn sem aldrei hafa skapað eina einustu nótu í
tónlist.
Allir þessir hæfileikar hafa aldrei fengið tækifæri til tján-
ingar, fyrir þær sakir að vegna fjárhagslegra kringum-
stæðna oftast, hafa viðkomandi einstaklingar orðið að
stunda einhverja atvinnu til þess að tryggja afkomu sína.
62
1