Útvarpstíðindi - 11.11.1940, Blaðsíða 14

Útvarpstíðindi - 11.11.1940, Blaðsíða 14
fólkinu ofbauð, og það hristi af sér þrjár keisaraættir, Rómanova, Habs- borgara og Hohenzollara. Austan frá Kyrrahafi og vestur að Rínar- fljóti lét byltingin greipar sópa um þessi meginlandsstórveldi, kórón- urnar ultu í rennusteinunum, og enginn virtist freistast til að máta þær á nýjum höfðum. Og í löndum sigurvegaranna var mikil ólga, menn heimtuðu frið, sem væri í sam- ræmi við þau loforð, sem gefin höfðu verið, að þetta skyldi verða stríðið, er bindi enda á styrjaldir. Friðarráðstefnan í París 1919 var að því leyti frábrugðin Vínarfund- inum, að hún var ráðstefna sigur- vegaranna einna saman, en þó voru þar að nafninu til fulltrúar 4/5 alls mannkynsins. Það var eins og Vín- arþingið væri risði upp úr gröf sinni, að vísu ekki í ytri glæsileik, ekki í sinni tiginbornu léttúð. En andi þess sveif yfir vötnum Parísarborgar. Churchill hefur mjög komið viS sögu Evrópu ú 20. öldinni. Versalasamningurinn. Fimm stórveldi, Englands, Frakk- land, Ameríka, Ítalía og Japan mynduðu tíu manna ráð, sem gerði allar samþykktir og leiddu málin til lykta. (Maður minnist „átta manna ráðsins“ á Vínarþinginu !) En í raun- inni voru það þeir þremenningarnir, Wilson, Lloyd George og Clemen- ceau, sem sköpum réðu á þessari ráðstefnu, er útbjó friðarsáttmál- ann, sem síðar var undirritaður í Versölum. Átökin urðu allsnörp milli Wilsons og Clemenceaus, en Lloyd George miðlaði málum. Hann sagði um Wilson, að hann áliti sig vera Jesúm Krist, en Clemenceau þættist vera Napóleon I. Hinn amer- íski frelsari boðaði almennt þjóða- bandalag, sjálfsákvörðunarrétt þjóðanna og afvopnun, Clemenceau heimtaði öryggi Frakklandi til handa. Þjóðabandal. og öryggi Frakklands var tryggt með Versala- samningnum og öðrum milliríkja- samningum, sem gerðir voru næstu ár á eftir, en tuttugu árum síðar var hvorttveggja hrunið í rústir. 62 ÚTVARPSTÍÐINDI

x

Útvarpstíðindi

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Útvarpstíðindi
https://timarit.is/publication/715

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.