Útvarpstíðindi - 09.12.1940, Side 6

Nokkrir rithöfundar á Norðurlöndum
ErindaflokUur Kristmanns GuSmundssonar skálds
Ég hitti Kristmann Guðmundsson
að máli eitt kvöldið og spyr hann um
þennan fyrirlestraflokk.
— Það er gert ráð fyrir, að þessi
erindi verði þrjú alls, segir Krist-
mann. 1 fyrsta erindinu mun ég segja
frá nokkrum ungum rithöfundum,
sem orðið hafa kunnir á síðustu ár-
um. Annað erindið, sem flutt verður
þriðjudaginn 17. des, verður um rit
Olavs Duun, og mun ég þar leitast við
að sýna fr.am á, hvert gildi hann hef-
ur haft fyrir norskar bókmenntir.
Síðar mun ég svo lesa smásögu eftir
hann, þar sem fram koma helztu ein-
kenni hans, sem rithöfundar. Saga
þessi er líka með beztu smásögum í
norskum bókmenntum. — Síðasta er-
indið fjallar um Tryggva Andersen.
Hann er einn af stílfærustu rithöf-
undum Norðmanna. Ég tel það illa
farið, hvað hann er lítið þekktur hér
á landi. Tryggvi Andersen hefur
einkum lagt alúð við að lýsa íbúurn
skógarbyggðanna í Austur-Noregi
(Upplöndum).
Samræða okkar berst nú brátt að
ýmsu öðru. Kristmann segir mér frá
elgs- og þiðraveiðum í skógum Upp-
landa, þar sem margar af sögum
Tryggva Andersen gerast. Þá berst
talið að bókum höfundarins sjálfs. Ég
spyr, hvort ekki sé von á neinum nýj-
um bókum frá honum á næstunni.
— Ég þýddi eina af stytztu sögum
mínum, er ég dvaldi að Húsafelli í
sumar. Annars býst ég við að fara
mér hægt í þeim sökum fyrst um sinn.
Ég hef í hyggju að hvíla mig dálítið
og hugsa í næði um þau verk, sem ég
hef í smíðum, því að auðvitað hefur
maður alltaf eitthvað nýtt á prjón-
unum. Helzt af öllu vildi ég skrifa á
íslenzku eingöngu, en það er erfitt
fjárhagsins vegna, þar sem markað-
ur fyrir íslenzkar bækur er mjög tak-
markaður.
— Þér dvölduð á Húsafelli í sum-
ar?
— Já, svarar Kristmann. Þar var
gott að vera. Ef ég ætti að bend.a á
íslenzkt sveitaheimili, sem bæði hefur
tekizt að varðveita kjarna hinnar
fornu sveitamenningar og flest það
bezta, sem nýi tíminn hefur fært
okkur, þá mundi ég nefna Húsafells-
heimilið. Bóndinn þar, Þorsteinn
Þorsteinsson, er góður fulltrúi hinna
sönnu, íslenzku bændahöfðingja, og
heimilið sjálft er mjög aðlaðandi og
118
ÚTVARPSTÍÐINDI