Útvarpstíðindi - 02.03.1941, Blaðsíða 8
Nýju viðfækin.
Samtal
við
Friðrik A.
Jónsson.
Friðrik A. Jónsson, starfsmaður hjá
Viðtækjaverzlun Ríkisins, er ættaður frá
Bolungarvík. Hann nam símritun í loft-
skeytaskólanum hór 1925, en frá því út-
varpið tók til starfa, 1930, var hann
starfsmaður þess, þar til hann, 1934, tók
við starfi því hjá Viðtækjaverzluninni,
sem hann hefur gegnt síðan.
Undanfarið hafa verið miklir örð-
ugleikar á útvegun nýrra viðtækja.
Ekkert tæki hefur verið fáanlegt í
Viðtækjaverzluninni svo vikum
skipti. „Hvenær koma nýju tækin“,
hafa menn sagt sín á milli. Nú hafa
„nýju tækin“ smátt og smátt verið
að koma undanfarið. Hafa því Út-
varpstíðindi snúið sér til Viðtækja-
verzlunarinnar og haft þar eftirfar-’
andi samtal við Friðrik Jónsson,
starfsmann þar:
— Hafið þér mikið úrval af við-
tækjum nú sem stendur?
— Þessa stundina höfum við eng-
in tæki til, fremur en stundum áður.
En við vonumst eftir þeim nú í marz.
— Nú, — fenguð þið ekki stóra
sendingu af viðtækjum alveg nýlega?
— Jú, við fengum nokkur hundr-
uð tæki fyrir jólin. En þau seldust
flest öll á einum degi. Eins og marg-
ir munu minnast, gekk sú sala svo
fjörugt, að nauðsynlegt var að lög-
reglan veitti aðstoð sína þann dag
allan. Viðskiptavinirnir, sem biðu af-
greiðslu, voru stundum um 200.
— Eru fleiri dæmi þessa úr starfs-
sögu Viðtækjaverzlunarinnar?
FerSaviðtæki.
— Nei, svo langt hefur það aldrei
gengið áður — ekki hjá okkur, og
líklega eru engin dæmi til slíks hjá
annarri verzlun hér á landi — nema
ef vera skyldi hjá Áfengisverlun
Ríkisins nú í seinni tíð. En yfirleitt
hefur það verið svo þrjú síðustu ár-
in, að vér höfum ekki getað fullnægt
eftirspurninni eftir viðtækjum.
Árin 1937—’39 stafaði þessi vönt-
,un af gjaldeyrisörðugleikum. Helzt
fengust þá innflutt viðtæki frá
Þýzkalandi, en einnig nokkuð frá
Hollandi. — Síðastliðið ár breyttist
þetta. Þýzkaland lokaðist, en innieign-
ir söfnuðust í Englandi, svo að síðan
hafa ekki verið neinir örðugleikar á
að fá keypt tæki þar. Þó hefur það
atvikast svo, að við höfum ekki feng-
ið nóg þaðan. Stafar það einkum af
hinni hraðvaxandi sölu hér heima,
en einnig af ýmsum töfum af völd-
um styrjaldarinnar við afgreiðslu
og flutning tækjanna hingað.
— Voru þá seld miklu fleiri tæki
síðastliðið ár en undanfarin?
— Já, miklu fleiri. Árið 1939 voru
seld um 550 viðtæki, en s. 1. ár um
1500. Flest þeirra voru frá Englandi.
— Hefur þessi flutningur við-
skiptanna frá einu landinu til ann-
ars ekki valdið ykkur örðugleikum á
útvegun varahluta?
— Jú. Sérstaklega að því er snert-
ir lampana. 1 Þýzkalandi er yfirleitt
296
ÚTVARPSTÍÐINDI