Útvarpstíðindi - 26.01.1948, Blaðsíða 20

44
ÚT V ARPSTÍÐINDI
aði honum, leit hann við mér og sagði:
„Þeir skilja það ekki. En þeir verða
að skilja það. Það verða allir að skilja
það“.
Ég áttaði mig ekki á þessu og sagði:
„Hvað?“
„Gleði eins er gæfa annars“.
„Spakmæli númer tvö“, segir Harald-
ur hægt. „Þetta hefur verið allra bezti
karl“.
„Já“, sagði ég. „Það er rétt“.
Ég sá, að hann var orðinn blár í fram-
an og augun starandi. Hann kastaði til
höndunum, greip stundum í hvítt sæng-
urlínið og kreisti það. Það var froða í
munnvikum hans.
Svo hélt hann áfram:
„Þegar fyrsti sumardagur kemur, þá
birtir, þá fer ég með þau, Bjarghildur?
Hvar ert þú? Lyftu barninu upp í.
Hvar er lýsið? Nei, það má ekki merkja
hann í skólanum. Hann býður þess
aldrei bætur í sálinni. Betra að svelta
heima. Ekkert merki um hálsinn. Engar
matgjafir.___Nei. Við lögum það bráð-
um“.
„Merki um hálsinn? Hvað átti hann
við með því?“ Friðrik spyr með þurrum
og þvinguðum hósta.
„Börnin, sem fá matgjafir í skólan-
um eru merkt. Það er málmspjald, sem
hangir í bandi um hálsinn“.
„Já, það er alveg rétt. Ég hitti í vet-
ur telpu fyrir utan skólaportið. Hún var
grátandi og hélt krepptum hnefa um
eitthvað, sem var um hálsinn á henni“.
„Hann var með óráð. Það bráði af
honum einu sinni, og þá sagði hann:
„Það er afmælið núna, Stígur. Skilaðu
kveðju til félaganna“.
Og svo kom hjúkrunarkonan og rak
mig út.
Þorgrímur dó um kvöldið. Það var
ísing, þegar hann var jarðaður, og við
leiddum hver annan, félagarnir, því að
það var glerhált. Við fylgdum næstum
allir. Frissi talaði við gröfina, og það
var hörð ræða, bara verst hvað hann
var hás. Hann kvaddi Þorgrím fyrir
okkar hönd. Við þögðum, þegar sálmur-
inn var sunginn, en svo sungum við allt
í einu stríðssönginn okkar. Það var
Frissi ,sem byrjaði hásri röddu. Við
tókum allir undir. Þetta hafði aldrei
komið fyrir áður. Það var uppreisn. —
Kistan var svört, engin blóm, en ísingin
sindraði um hana. Það var flóð af geisl-
um. — Þorgrímur hafði svo breitt
brjóst... “
„í vetrinum tindrandi töfrar
titruðu á kistunni þinni“.
.„Þetta gæti verið gott upphaf. Ég
ætti að yrkja kvæði um þetta“, segir
ÚTVARPSVIÐGERÐASTOFA
Ottó B. Árnar
Klapparstljr 16 Reykjavtk
annagt allskonar viðgerðir í útvarps-
tjekjum og öðrum skyldum tækjum
Fyrsta flokks vinnustofa og góðir starfs-
kraftar. Sanngjarnt verð.
- 20 ára reynsla —
Sími 2799
Avallt glœsilegt úrval af öllum
tegundum skófatnaSar.
LÁRUS G. LÚÐVÍGSSON
Skóverzlun