Útvarpstíðindi - 25.10.1948, Blaðsíða 3

ÚTVARPSTÍÐINDI
387
koma út hálfsrnánaðarlega.
Árgangurinn kostar kr. 25.00 og
grciöist fyrirfram. — Uppsögn er
hundin við áramót. — Afgreiðsla
Brávallagötu 60. Sími 5046. Heima-
slini afgrciðslu 5441. l’ósthox 907.
Ctgefcindi: H.f. Hlustandinn.
Prentað í fsafoldarprentsmiðju h.f.
Ritstj. og ábyrgðarnrenn: Vilhjálm-
ur S. Vilhjdlmsson, Brávallagötu 50,
sími 4903, og Þorslcinn Jósepsson,
Grettisgötu 86.
Vetrardagskráin
UM ÞESSAR MUNDIR er út-
varpsráð að leggja síðustu hönd á
skipulagningu vetrardagskrárinnar.
Þó er því verki ekki svo langt kom-
ið, að hægt sé að skýra nákvæmlega
frá því í einstökum atriðum og sízt
hverjir muni koma fram í hinum
ýmsu þáttum. En samkvæmt upp-
lýsingum, sem Útvarpstíðindi fengu
hjá skrifstofu útvarpsráðs um leið
og blaðið var að fara í prentun, eru
þetta helztu atriðin í stórum drátt-
um.
Nokkur breyting er fyrirhuguð á
kvöldvökunum í vetur. Kvöldvökur
verða vikulega, á miðvikudögum.
Aðra vikuna verða kvöldvökurnar
með sama sniði og verið hefur und-
anfarin ár, en hina vikuna verður
reynt að hafa samfellt efni. Verður
þá til dæmis tekið ákveðið efni fyrir
og því gerð sem bezt skil í heild,
en ekki í þáttum. Munu ýmsir koma
fram í þessum kvöldvökum í máli
og músik. Má vel vera, að hér sé
fundið form, sem muni vel gefast.
Að minnsta kosti fagna hlustendur
því, þegar bryddað er upp á nýj-
ungum.
Andrés Björnsson, fulltrúi útvarps-
ráðs, mun lesa fornsögur í vetur.
Islendingasögur munu ekki verða
teknar til lesturs og munu kannske
einhverjir mótmæla því, en hann
mun taka aðrar sögur, sem njóta
mikilla vinsælda og öll eldri kyn-
slóðin þekkir, Fornaldarsögur Norð-
urlanda. Og mun hann byrja með
að lesa Hrólfs sögu kraka.
Þá er í ráði að taka upp tvo alveg
nýja þætti. Skákþátt og Bridgeþátt,
en þetta eru beztu samkvæmisleikir
nútímans og hafa náð miklum vin-
sældum hér. Mun Guðmundur Arn-
laugsson magister, en hann er góður
fræðimaður í skák, sjá um skákþátt-
inn, en Árni M. Jónsson stórkaup-
maður, sem er einn af fremstu
bridgespilamönnum landsins, sjá um
bridgeþáttinn. Er sjálfsagt t. d.
fyrir skákunnendur að fylgjast vel
með þætti Guðmundar og tefla við
hann í þáttunum.
Ný útvarpssaga hefst með vetrar-
komu. Er það sagan af Jakob eftir
norska öndvegisskáldið Alexander
Kielland, en þetta var síðasta skáld-
saga hans. Bárður Jakobsson lög-
fræðingur, sem eitt sinn var tíður
gestur í útvarpssal og naut mikilla
vinsælda, hefur þýtt söguna og mun
flytja hana. Þetta er ekki mjög löng
saga, að líkindum mátulega löng og
að því leyti eins og hlustendur munu
vilja hafa útvarpssögur. Er sagan
þrungin miklum örlögum og sterkum.