Útvarpstíðindi - 25.10.1948, Blaðsíða 11

ÚTVARPSTÍÐINDI
395
stendur. Hann vinnur í Kaliforníu,
því að í Danmörku var of þröngt
fyrir hann.
Þegar komið var til Stokkhólms,
var að sjálfsögðu byrjað á að leita
uppi gistihúsin, sem herbergi höfðu
verið fengin á fyrir okkur með góð-
um fyrirvara, en síðan farið í Med-
borgarhuset, þar sem mótið var
haldið í þrem stórum sölum. Þar
hittum við að sjálfsögðu fjölmarga
gamla kunningja, sem við höfðum
hitt áður í Svíþjóð, en einnig ný
andlit, sem báru þekkt nöfn á höf-
undum kennslubóka og merkra rit-
gerða. Þar gekk hinn síbrosandi
Darlington frá London, höfundur að
biblíu frumufræðinga, en þó ekki
nema hálffimmtugur, og þar sáum
við í fyrsta sinn hinn kröftuga pró-
fessor Haldane, sem er jafnvígur
á stærðfræði, erfðafræði manna og
skrif um almenna líffræði á alþýð-
legu máli, enda einn af meðritstjór-
um brezka kommúnistablaðsins Daily
Worker.
Ein af þeim kennslubókum í
erfðafræði, sem við lásum í Lundi,
var eftir Sansome og Philp, og nú
sáum við þá ljóslifandi, tvo menn
rúmlega fertuga. Sansome er lítill,
spilfjörugur Skoti með allar tennur
annaðhvort horfnar eðá skaðbrennd-
ar, prófessor í grasafræði í Ibadan
í Nígeríu, þar sem aðeins 60 hvítir
menn búa með milljón negrurn. Hann
sagði okkur, að Bretar væru sann-
færðir um, að negrarnir væru engu
ógáfaðri en hvítir menn, og nú ætli
Bretar að veita þéim aðstæður til
að lifa menningarlífi og keppa við
þá hvítu á öllum sviðum mannlegs
lífs, ekki sízt á sviði vísindanna.
Það er í Nigeríu, meðal annars, sem
Bretar byggja nú hvað mest upp
ræktun og kynbætur jarðhnetanna,
sem eiga að verða fituuppspretta
heimsins er fram sækir. Hvað verð-
ur þá um hina dýru síldarolíu og
á hverju ætla sjórnmálamennirnir
þá að láta íslendinga lifa? datt mér
í hug, þegar Sansome nefndi hina
ódýru jarðhnetuolíu.
Dr. Philp er líka Skoti, kunnur
fyrir skipulagningargáfu sína og
dugnað við að koma fótum undir
nýjar tilraunastöðvar. Hann var
fyrst í áratug að fræðilegum rann-
sóknum í Bretlandi, en fór síðan
til Egyptalands og kom tilrauna-
málum Egypta í gott lag á nokkrum
árum. Þaðan flutti hann til Suður-
Afríku og skipulagði kynbætur vissra
trjátegunda sem og landbúnaðardeild
við nýjan háskóla. Sem stendur
vinnur hann að skipulagningu nýrr-
ar kynbótastöðvar fyrir grænmeti í
Englandi.
Lítill Breti með grátt pípuskegg
og frekar illa til reika, ber í barm-
inum merki með nafninu Fisher.
Hann er prófessor í Cambridge og
einn þeirra fáu, sem lagt hafa grunn-
inn að hinni merku vísindagrein til-
raunastærðfræðinnar, sem allar góð-
ar tilraunir á sviði jarðræktar byggj-
ast á. Með honum fer oft samverka-
maður hans, dr. Yates, frá Rotham-
sted jarðvegsrannsóknarstöðinni, há-
vaxinn, dökkur og þrifalegur yfir-
stéttannaður, sem víða‘ hefir farið
og margt reynt.
Miðaldra kona, ólagleg og illa
klædd, en skarpeyg og gáfuleg, ber
nafnið Charlotte Auerbach. Hún býr
í Edinborg, en kom þangað flótta-
maður úr landi Gyðingaofsóknanna.
Nafn hennar stendur fremst á lista