Bankablaðið - 18.09.1935, Blaðsíða 16

30
BANKABLAÐIÐ
en 97 að meðtöldu bankaráði, banka-
stjórum og endurskoðendum.
Árið 1906 er þess getið í ítarlegri
grein um bankann í Lögréttu (eftir H.
J.), að afgreiðslur bankans árið áður
hefðu verið um 24 þús. í sparisjóði og
víxlum (en þá voru aðrar afgreiðslur
fremur litlar), og verður afgreiðslu-
fjöldi þá líklega ekki yfir 85 á dag að
meðaltali. Þá er þess og getið, að sama
ár (1905) hafi bankinn þurft 900 kr.
fyrir frímerki. Hér er vitanlega átt við
aðalbankann.
Síðastliðið ár (1934) var af-
greiðslufjöldinn í afgreiðslusal aðal-
bankans 249 þúsund, eða rúmar 800 af-
greiðslur á dag til jafnaðar. Og sama
ár voru send frá aðalbankanum 74 þús.
718 bréf og í burðargjald undir þau
greiddi hann kr. 16.026,49. Er þetta um
241 bréf á dag til jafnaðar. En bréf,
sem hann meðtók 1934, hafa verið um
eða yfir 100 þúsund.
1. jan. 1929 var stofnaður „eftir-
launasjóður starfsmanna Landsbanka
íslands“. Eignir sjóðsins voru 31. des.
sl. rúml. 210 þús. kr. Iðgjöld sjóðsins
nema nú árlega um 25 þús. kr.
Eins og áður er vikið að, mælir 1. gr.
í lögum bankans frá 18. sept. 1885 svo
fyrir, að höfuðverkefni hans og tilgang-
ur sé sá, að greiða fyrir peningavið-
skiptum í landinu, og styðja að fram-
förum atvinnuveganna. Vissulega verð-
ur ekki annað með sanni sagt nú á
fimmtugsafmælinu, heldur en að bank-
inn hafi innt þetta hlutverk sitt af
hendi sómasamlega. Hann hefir á lið-
inni hálfri öld stutt landbúnað og sjáv-
arútveg, verzlun, samgöngur og iðnað
o. fl., sem landsins synir og dætur hafa
ráðizt í, sjálfum sér og þjóðinni til
gagns og heilla.
Hann hefir áreiðanlega mörgum sinn-
um á hinum liðna tíma flutt framtaks-
semi, sparsemi, atorku og dugnað inn
á fjölda heimila í landinu, eins og Bene-
dikt Sveinsson sýslumaður óskaði að
hann gerði, þegar hann hóf göngu sína.
Og sú er nú vafalaust ósk þjóðarinn-
ar til bankans á þessum tímamótum, að
hann á ókomnum tímum haldi áfram að
flytja hinar góðu dyggðir inn í hús
landsmanna, og jafnframt, að hann
verði æfinlega það óbifanlega bjarg í
íslenzku þjóðlífi, sem stenzt alla brot-
sjói úr hvaða átt sem þeir koma.
OLIVETTI
sterkbyggðar, falleggar og með
skýru letri.
H. Ó/afsson & Bernhöft.