Bankablaðið - 01.12.1953, Blaðsíða 19
FIMMTUGSAFMÆU
Svanbjörn Frímannsson
aðalbókari Landsbanka íslands, varð
fimmtugur 14. júlí síðastliðið sumar. Hann
er fæddur á Akureyri 14. jtilí 1903 og ólst
þar upp.
Að loknu gagn'fræðaprófi á Akureyri vor-
ið 1920 varð hann starfsmaður við útibú
íslandsbanka þar á staðnum. Síðan hefur
Svanbjörn stundað bankastörf nær óslitið
eða um 30 ára skeið. Fyrst starfaði hann hjá
íslandsbanka og síðan Útvegsbankanum á
Akureyri frá 1920 til 1935. Þá sagði hann
lausu starfi sínu þar, fór utan og dvaldist
við nám í London.
Svanbjörn Frímannsson varð starfsmað-
ur Landsbanka íslands 11. marz 1936. Var
settur skrifstofustjóri og aðalféhirðir bank-
ans árið eftir og skipaður aðalféhirðir árið
1938. Hann fékk leyfi frá því starfi og var
skipaður formaður Viðskiptaráðs í ársbyrj-
un 1943. Því starfi gegndi hann þar til hann
tók við aðalbókarastarfinu 1. des. 1945.
Svanbjörn hefur gegnt ýmsum fleiri störf-
um en þeim, sem hér liafa verið talin, t. d.
hefur hann nú síðari árin oft gegnt störf-
um bankastjóra Landsbankans í forföll-
um þeirra.
Það er enn of snemmt að rekja starfs-
feril Svanbjarnar Frímannssonar. Hann er
enn á bezta aldri og á vafalaust eftir, hér
eftir sem hingað til, að vinna mörg og mikil-
væg þjóðnytjastörf. Það skiptir rnjög miklu,
í okkar litla þjóðfélagi, hvernig menn rækja
störf sín, hver á sínu sviði. Ég hygg að þeir
sem til þekkja, muni vera sammála um það,
að Svanbjörn Frímannsson hafi rækt sín
störf, sem yfirleitt hafa verið vandasöm
trúnaðarstörf, með þeim hætti að til fyrir-
myndar mætti vera mörgum öðrum. Enda
er óhætt að segja, að hann nýtur óskoraðs
trausts bæði yfirmanna sinna, starfsfélaga
og einnig viðskiptamanna bankans.
Svanbjörn er einnig góður félagsmaður
í Starfsmannafélagi bankans og tekur mik-
inn þátt í öllu félagslífi starfsmanna.
Þótt þetta blað sé nú seint á ferðinni vil
ég biðja það að flytja Svanbirni Frímanns-
syni beztu heillaóskir í tilefni fimmtugs-
afmælis hans.
E. H.
Inéibjörg Björnsdóttir,
gjaldkeri í Landsbanka íslands varð
fimmtug 14. sept. s. 1. Ingibjörg á langt starf
að baki í bankanum og hefur gætt kassans
með prýði á liðnum árum. Um áramótin
á hún 30 ára starfsafmæli í bankanum.
BANKABLAÐIÐ 9