Bankablaðið - 01.07.1985, Blaðsíða 8

8
Frá skólanefndarfundi Bankamannaskólans. Talið E. Guðbjartsson, Þór Gunnarsson, Ari F. Guð-
frá vinstri; Björn Tryggvason, Sigurður Geirsson, mundsson, Þorsteinn Magnússon. Þess ber að
Snæþór Aðalsteinsson, Hannes Pálsson, Benedikt geta, að Guðmundur Eiríksson var fjarverandi.
TIIITUGU 06 FIMM
ARASAGA
íslenska bankakerfið er tiltölulega ungt,
um 100 ára, og helmingur bankanna er
yngri en 25 ára. Hömlur hafa verið tölu-
verðar á bankastarfseminni og miðstýr-
ing ríkisbanka áberandi, en síðustu tvo
áratugina hefur hlutur einkabanka í
hlutafélagaformi aukist. Nú nýverið var
samþykkt á Alþingi ný löggjöf um næst-
um alla bankastarfsemi í landinu, þar
sem enn er aukið á frjálsræði og sveigj-
anleika. Þróunin virðist vera sú að sörnu
reglur gildi um ríkisbanka og einkabanka
og sparisjóði. Slíkt leiðir til aukinnar
samkeppni og gerir meiri kröfur til hvers
banka um sjálfstæði og frumkvæði.
Óvíða er bankarekstur svo fyrirferð-
armikill í efnahagslífinu sem á íslandi,
en skýringar þess eru m.a. mikil verð-
bólga, góð efnahagsafkoma og mjög
mikil uppbygging og framkvæmdir.
Bankakerfið skipar hér nokkuð annan
sess en víða erlendis, og gegnir að sumu
leyti víðtækara hlutverki. Hvergi eru
tékkar notaðir svo mjög sem hér, og nú á
síðari árum greiðslukort. Um 3% af
mannafla þjóðarinnar starfar við banka-
og fjármálastofnanir, en í nágrannalönd-
um okkar er þetta hlutfall frá 2% upp í
2,5%. Um 3.500 manns starfa hjá lána-
stofnunum og þjónustufyrirtækjum
þeirra.
SAGA
BANKAMANNASKÓLANS
Skólinn hóf störf árið 1959 með nýliða-
námskeiðum, og hélt slík námskeið
a.m.k. einu sinni á ári lengi vel. Aðstæð-
ur voru þá erfiðar, og kennsla fór fram í
afgreiðslusölum eða matstofum bank-
anna eftir vinnutíma. Um 1965 fór að
gæta fjölbreytni í starfi skólans, með
ráðstefnuhaldi, sérnámskeiðum og um-
ræðufundum. Skólinn flutti þá í nýtt
húsnæði. Enn jókst skólastarfið þegar
ráðinn var fastur skólastjóri í fullt starf
1978. Framhaldsnám var tekið upp 1980
nýliðanámið endurskipulagt og sérnám-
skeiðum fjölgað. Skólinn heldur um
þessar mundir upp á aldarfjórðungsaf-
mæli sitt.
Nú starfar skólinn -á þrennum vett-
vangi, þ.e. með nýliðanámi, sémám-
skeiðum og framhaldsnámi, sem nánar
verður skýrt hér síðar.
SKÓLANEFNP
Skólinn er undir sameiginlegri stjóm
bankanna, sparisjóða og Sambands ís-
lenskra bankamanna. Viðskiptabankarn-
ir tilnefna fjóra fulltrúa í skólanefnd,
Seðlabankinn og Samband sparisjóða
einn fulltrúa hvor og SÍB tvo fulltrúa. í
skólanefnd eiga því sæti 8 fulltrúar.
HUSNÆPI SKÓLANS
Árið 1965 fékk skólinn aðstöðu fyrir
starfsemi sína að Laugavegi 103 í hús-
næði sem SÍB eignaðist þá. Þar eru tvær
kennslustofur og tvö skrifstofuherbergi.
Húsnæði þetta er í fullri notkun frá hausti
fram á vor, þó aðallega tvær fyrstu
stundirnar á morgninum, en minna síð-
degis. Þegar mest er umleikis, þarf skól-
inn að fá inni með ákveðin námskeið
annars staðar. Auk þess sækja sumir
nemendur tíma hjá kennslustofnunum úti
í bæ, t.d. í vélritunar- og í hluta af tölvu-
námi skólans.