Bankablaðið - 01.07.1985, Blaðsíða 15

15
gott að standa fyrir framan 30-40
rnanns. Það er líka góð uppeldisaðferð
fyrir eldri menn (starfsfólk) að spreyta
sig á að kenna. Bankaskólinn hefur líka
verið félagslegur vettvangur og mikil-
vægur stéttarlega. Við hittum samstarfs-
menn utan af landi á haust- og vomám-
skeiðum, og fólk kemur utan af landi til
að sækja kennslu hérna í Reykjavík.
Sveinn Skúlason, forstööumaður rekstrarsviðs
Iðnaðarbankanas.
SVEINN: Ég tek það fram, að þegar
ég sagði áðan að þetta mundi fara þannig
að skólinn þyrfti að aðlaga sig meira með
stuttu námskeiðafyrirkomulagi, þá átti
ég ekki við að bankarnir myndu sækja
þessa fræðslu annað, heldur að núna
þurfi skólinn að aðlaga sig þeim þörfum,
sem skapast. Stutt námskeið eins og t.d.
Stjórnunarfélagið er með eru ákjósanleg
og hægt að fá slík námskeið frá sér-
fræðingum á hinum ýmsu sviðum. Varð-
andi framkomuna er ljóst að við erum að
selja ákveðna vöru. Ég held að í framtíð-
inni muni vöxtur og viðgangur hinna
ýmsu banka ekki vinnast á þessu gífur-
lega auglýsingastríði um vexti. Það sem
kemur til með að skipta sköpunt í fram-
tíðinni er hvernig tekið er á móti fólki í
bankanum. Fólkið kemur í bankann til
að leita eftir þjónustu og kemur til með
að fara þangað sem því finnst viðmótið
best og starfsfólkið hæfast, og þar sem
það getur leitað til einhvers eins
starfsmanns, sem getur gefið víðtækastar
upplýsingar. Ég hef verið að lesa mikið
af erlendum gögnum síðan ég byrjaði og
þetta er á prjónunum víða erlendis. Þar
hefur þróunin verið sú, að bankarnir hafa
ráðgjafa í sinni þjónustu, sem búa yfir og
miðla mjög víðtækum upplýsingum og
kunnáttu í bankamálum og verð-
bréfamálum og um hlutabréfamarkað-
inn. Hér þarf fólk að geta gengið að ein-
hverjum ákveðnum aðila í afgreiðslunni
og fengið mjög alhliða upplýsingar, en á
ekki að þurfa að fara á milli margra að-
ila. Þannig held ég að störf bankamanna
eigi eftir að breytast mikið, að það verði
gerðar meiri kröfur til þeirra sem eru í af-
greiðslunni og þá trúlega hækka laun um
leið. Mér finnst að skólinn eigi einmitt
að aðlaga sig þessum breytingum í þjóð-
félaginu. Ég hef heyrt að sumir telji að
Iðnaðarbankinn hafi ekki nýtt Banka-
mannaskólann eins og hann hefði átt að
gera. En skýringin er m.a. sú, að síðustu
árin hefur verið lögð áhersla á að fá til
starfa inn í bankana nýtt fólk úr skólum
eins og t.d. Verzlunarskólanum og Sam-
vinnuskólanum; fólk sem hefur ákveðna
grunnmenntun. Þetta eru góðir skólar,
sem leggja mikla áherslu á tölvukennslu.
Eftir 6 mánuði er kannski tími til kominn
að senda nýja starfsmenn á nýliðanám-
skeið, en þá hefur það einnig verið skoð-
un manna, að það sé ekki síðra fyrir
bankann að þessir starfsmenn færðust á
milli deilda inni í bankanum og fengju
sína menntun þar, þannig að bankinn
missi þá ekki alltaf í burtu ákveðinn
tíma á hverjum degi og yfirvinna og
kostnaður ykist á móti. Þessum starfs-
mönnum er hins vegar hægt að veita
þjónustu eða kennslu í stuttum nám-
skeiðum, sem Bankamannaskólinn byði
upp á og bankarnir geta valið.
Hannes Pálsson, aðstoðarbankastjóri og skóla-
nefndarmaður.
HANNES: Ég vil aðeins undirstrika,
að þá menntun sem bankamenn fá, fá þeir
fyrst og fremst í vinnunni og að skólinn
er hjálpartæki. En áður en skólinn kom
var það reglan að menn lærðu sitt fag í
bankanum. Ég held að þessi byrjenda-
námskeið, og önnur námskeið sem við
höfum haft, séu mjög góð. Og ég held að
það sé alveg rétt, að þó það séu kannski
ekki mörg hundruð, sem flykkjast úr
bönkunum, þá er mikiu meiri hreyfing á
starfsfólki núna en áður var. Fólk mun
áreiðanlega heyra það víða í þjóð-
félaginu, að maður sem hefur verið í
banka, hefur lært betri vinnubrögð held-
ur en hægt er að læra víðast hvar annars
staðar, og að þetta þykir góður og örugg-
ur vinnukraftur, sem hefur lært að skila
sínu dagsverki. Það er nú eitt af því sem
þarf að gera í bönkunum; að klára
daginn, og þetta er nokkurs konar akk-
orðsvinna í flestum afgreiðsludeildum.
HELGI: Mig langar til að bæta aðeins
við það, sem ég sagði áðan um nýliða-
námskeið og það sem ég held að hljóti að
lokum að ýta á eftir því að þau færist inn
í bankana. Bankastarfsmenn úti á landi
hafa aldrei verið aðnjótandi þessarar
kennslu og mér finnst, að það geti ekki
gengið til lengdar. Ég get vel ímyndað
FRAMHALD BIS. 51