Bankablaðið - 01.07.1985, Blaðsíða 23

23
[
TEXTI: RAGNAR ONUNDARSON
NÝ IÆKNI KALLAR Á
BREYTINGAR í
MENNTAMÁLUM
BANKAMANNA
Áætlanir og spár um óorðna hluti eiga
flestar eitt sameiginlegt: Að standast
ekki. Á hinn bóginn virðist mönnum
áskapað að gera sér sífellt hugmyndir um
framtíðina. Ég hef verið beðinn að láta í
té eina af þessum spám sem ekki
standast, í því skyni að lesandinn geti
borið hana saman við sína eigin. Spáin
miðast við næstu 10-15 árin.
Ragnar önundarson, bankastjóri Iðnaðarbankans.
HRADI06 NÁKVÆMNI
AFGREIÐSLUHÆTTIR
Otibúakerfið mun minnka hlutfallslega,
en aðeins hægt og sígandi, þar sem mikl-
um mannafla og fjármunum er nú varið á
þennan hátt. Hins vegar munu viðskipta-
sambönd bankanna halda áfram að vera
í útibúum í aðalatriðum.
í framtíðinni munu bankar veita þjón-
ustu sína með tvennum hætti:
- Með mörgum sjálfvirkum afgreiðslu-
tækjum sem staðsett verða víða um
markaðinn til að annast einhæfustu
viðskiptin.
- Með tiltölulega fáum fjármálafróðum
útibúum sem annast vandmeðfarin
mál, lánveitingar, ráðgjöf o.fl.
Þetta þýðir að eðli bankastarfseminnar
breytist. Viðskiptasamböndin myndast
ekki yfir afgreiðsluborðið eða við gjald-
kerastúkur. Við sjálfvirku afgreiðslu-
tækin verður fyrst og fremst óskað eftir
hraða og nákvæmni.
Vélamar munu annast einhæfustu
færslumar, einmitt þær færslur sem nú er
mestum tíma og fjármunum varið í
vegna þjálfunar og starfsfólks bankanna,
þ.m.t. í Bankamannaskólanum.
Á hinn bóginn má reikna með að í þau
tiltölulega fáu skipti sem viðskiptavinur-
inn þarf að koma og eyða dýrmætum
tíma sínum í bankaútibúi sé hann í leit að
aðstoð í vandmeðfarnari fjármálum. Á
stundum sem þessum verður hann hjálp-
ar þurfi og því opinn fyrir nýjum pers-
ónulegum samböndum. Þá reynir á
menntun starfsfólksins, því starfs-
mennirnir munu ekki geta nýtt tækifærin
án hennar.
ÞJÓNUSTA
Ný tækni mun hafa veruleg áhrif á þjón-
ustu bankanna. Bankabækur munu láta
undan síga og jafnvel tékkareikningarnir
líka, enda þótt „pappírsflóðið" verði
ekki stöðvað alveg. Vænta má að tölvu-
tæknin muni einnig draga úr notkun
kreditkorta en í staðinn komi fjölnota
kort sem séu í eðli sínu debetkort og
gangi að alls konar afgreiðslutækjum í
smásöluviðskiptum, auk sjálfsaf-
greiðslutækja bankanna sjálfra. Líklegt
er að bankamir muni ýta undir þessa
þróun.
Enda þótt eðlilegt sé að einföldustu
færslurnar verði fyrst vélvæddar er ekk-
ert því til fyrirstöðu að margbrotnari við-
skipti, s.s. verðbréfaviðskipti verði einn-
ig gerð á sjálfsafgreiðsluvélar. Hitt er þó
líklegra að bankastarfsmenn muni
a.m.k. í fyrirsjáanlegri framtíð nota
tölvubúnað við að inna slíka þjónustu af-
hendi með persónulegum samskiptum
við viðskiptamennina.
INNIHALDSRÍKARI
VERKEFNI
Einsýnt virðist að á næstu árum muni
bankastarfsemin hætta að vera
„vinnuaflsfrekur láglaunaiðnaður".
Vélar munu leysa starfsfólkið frá ein-
hæfum afgreiðslustörfum. Með að-
stoð smátölva, sem veita beinan að-
gang að skrám viðskiptamanna, mun
starfsfólkið snúa sér að innihaldsrík-
ari verkefnum en nú gerist. Augljóst
er að mikils átaks verður þörf í
menntunarmálum bankamanna á
næstu árum.
Það veitir líklega ekki af, að hug-
leiðingum sem þessum fylgi bestu ósk-
ir um árangursríkt starf til stjórnenda
og starfsliðs Bankamannaskólans, á
þessum tímamótum í sögu banka-
menntunar á íslandi. Megi Banka-
mannaskólinn ávallt vera nútíma
skóli, í þágu framtíðarinnar, eins og
hún verður á hverjum tíma.