Bankablaðið - 01.07.1985, Blaðsíða 48
48
Kveðja frá
Danmörku
Sem formaður menntunarnefndar Nor-
ræna bankamannasambandsins (NBU:
Nordiska Bankmannaunionen) sendi ég
Bankamannaskólanum hamingjuóskir að
liðnum fyrstu 25 árunum.
Við í menntunamefndinni höfum
fylgst grannt með þróun skólans í gegn-
um fulltrúa SÍB.
Einn af nauðsynlegustu þáttunum í
starfi nefndarinnar hefur verið að læra af
reynslu hvers annars, því þannig hafa
nefndarmenn getað haft áhrif hver á
annan, aðstoðað og stutt félaga sína í
skipulagningu fræðsluefnis.
Hefðirnar í menntun bankamanna á
Norðurlöndum hafa verið mismunandi,
en með samstarfinu í NBU hafa fulltrú-
amir reynt að samræma þróunina og
þannig gert tilraun til að leggja sem allra
bestan grunn undir starfsmenntun banka-
starfsmanna.
Menntunamefnd NBU hefur ævinlega
verið tekið með jákvæðu hugarfari af
fulltrúum Bankamannaskólans, þegar
við höfum heimsótt ísland. Við erum
jafnvel svo eigingjarnir að halda, að við
eigum einhvem örlítinn þátt í þeirra
góðu þróun sem orðið hefur í hinum ís-
lenska skóla bankastarfsmanna.
NBU er áfram reiðubúið til hvers kon-
ar stuðnings og sendir óskir um heill og
hamingju í framtíðarstarfinu.
Henning Diemar
Kveðja frá
Noregi
Bankaskólinn (Bankakademiet) í Osló
sendir Bankamannaskólanum kveðjur í
tilefni 25 ára afmælisins. Til hamingju
með daginn og gæfuríka framtíð! Við
þökkum framlag ykkar og góða sam-
vinnu; þátt ykkar í sameiginlegri reynslu
og innlegg í miklu baráttumáli: menntun
og fræðslu bankastarfsmanna á Norður-
löndum.
Það hefur verið lærdómsríkt í ár-
anna rás, að skiptast á reynslu og
skoðunum um menntun bankamanna og
við höfum ævinlega getað glaðst yfir
svipuðum skoðunum og mati á þeim
vandamálum sem hafa verið á dagskrá
hverju sinni. Sú staðreynd á sjálfsagt rót
að rekja til sameiginlegs menningarlegs
uppruna. Þess vegna hefur allt sem við-
kemur íslandi vakið sérstaka athygli og
áhuga í Noregi. Slíkt samband gerir það
að verkum að við höfum fylgst náið með
þróun Bankamannaskólans og okkur
finnst sem við höfum ríka ástæðu til
hamingjuóska.
Það er ekki ástæða til að þreyta les-
endur þessa blaðs með endurteknum
upplýsingum um starfsemi okkar, heldur
láta nægja að skýra frá því sem við erum
að fást við núna: Á vornámskeiðinu ’86
ætlum við að kynna nýja áætlun um
grunnfræðslu, sem á að hafa í för með
sér nýja kennsluhætti, bætt námsefni og
nýjar, endurbættar kennsluaðferðir, þar
sem meiri áhersla verður lögð á lifandi
starfsfræðslu í bönkunum.
Að auki erum við að auka sveigjan-
leika og valfrelsi innan námskeiðanna,
þannig að hver nemandi geti valið á milli
fjölda námskeiða og námsbrauta sem
falla að reynslu hans og framavonum.
Allt þetta og margt fleira eru liðir í að
efla menntun norskra bankamanna, en í
ár stunda 11.272 slíkir nám á 18.207
námskeiðum. Þessi fjöldi gerir Banka-
skólann að stærstu menntastofnun á
sviði fjármála á háskólastigi í
Noregi!
Við lítum fram til nýrra ára með ár-
angursríku samstarfi yfir landamæri
Norðurlanda, - eða eins og segir í æva-
gamalli norrænni kveðju úr Hávamálum:
Veiztu, ef þú vin átt,
þann er þú vel trúir,
ok vill þú af hánum gótt geta,
geði skaltu við þann blanda
ok gjöfum skipta,
fara at finna oft.
Henri Werring
Kveðja frá
Svíþjóð
Það er mikil ánægja fyrir Námsráð við-
skiptabankanna (Studierádet Affárs-
bankarna AB), sameiginlegan skóla við-
skiptabankanna í Svíþjóð, að óska
Bankamannaskólanum til hamingju og
þakka honum 25 ára þátttöku í þróun
verkmenntunar í starfi bankamanna.
Með því starfi hefur Bankamannaskólinn
lagt þungt lóð á vogarskálar starfshæfni
íslenskra banka.
Bankamannaskólinn hefur með
menntunarstarfi sínu tekið virkan þátt í
að auka möguleika bankanna á að taka
þátt í þróun samfélagsins og uppbygg-
ingu velferðar.
Innan Námsráðs viðskiptabankanna er
litið svo á, að persónuleg kynni þeirra
sem starfa að menntunarmálum banka-
manna séu höfuðatriði, ekki síst vegna
þess að í gegnum slík kynni fæst hvatn-
ing til nýjunga og tilrauna á þeirra eigin
starfsvettvangi.
Námsráðið skipulagði, í samvinnu við
Vinnuveitendasamband bankanna í
Svíþjóð, „Sjöttu heimsráðstefnu banka-
skóla“, sem haldin var í Stokkhólmi í júlí
sl. Þátttakendur voru frá fræðslustofnun-
um bankamanna í yfir 30 löndum.
Á ráðstefnunni var undirstrikuð nauð-
syn þess að bankamenn heimsins skipt-
ust á þekkingu og reynslu, ekki síst
vegna þeirrar öru tæknivæðingar sem
orðið hefur í stötfum bankanna.
Við lítum svo á, að það væri mjög já-
kvætt og mikils virði ef norrænt samstarf
í fræðslumálum bankamanna gæti aukist
enn - og það á ekki síst við um samband-
ið við ísland og Bankamannaskólann.
Námsráðið býður hér með einum
starfsmanni Bankamannaskólans að
heimsækja Námsráðið í Svíþjóð og
kynnast við það tækifæri starfsfólki
ráðsins, námsefni þess og stjómun; og þá
ekki síst að veita upplýsingar um Banka-
mannaskólann og íslenska banka-
fræðslu.
Kærar hamingjuóskir á 25 ára afmæl-
inu.
Dick Innergárd