Bankablaðið - 01.12.1985, Qupperneq 13

Tölvuvœðing bankanna
13
EinarJ. Skúlason hf.
Nýtt skráningarkerfi
Eins og bankamönnum er kunnugt er
tölvuvæðing banka og sparisjóða á
Reykjavíkursvæðinu nú í fullum gangi.
Útibú Landsbankans í Breiðholti hefur
nú verið tengt tölvu RB á beinni línu og
er áætlað að hug- og vélbúnaður verði
prófaður þar í um það bil 2 mánuði áður
en næsti afgreiðslustaður verður
tengdur.
En þó beinlínan sé ekki tilbúin hefur
fjöldi afgreiðslustaða tekið hluta hins
nýja tölvubúnaðar í notkun við hefð-
bundin störf samanber gjaldkeravél-
arnar sem nú má sjá í velflestum úti-
búum. Auk þeirra eru mörg útibú búin
að taka upp nýtt skráningarkerfi, sem
hannað hefur verið fyrir hinar nýju
Kienzle tölvur, af starfsmönnum
Einars J. Skúlasonar h/f.
Stóru diskettuvélarnar víkja fyrir
skjá og lyklaborði sem komið er fyrir á
sérstaklega hönnuðum tölvuborðum.
Kerfið heitir einfaldlega Skráning og
byggir á valmyndum, s.k. samtals-
formi. Notandinn slær inn eitt atriði í
einu og er leiðbeint áfram í kerfinu
með ábendingum um hvað næst skuli
gera. Þannig eiga menn ekki á hættu að
verða strandaglópar þótt þeir ýti á
vitlausan takka þar sem iðulega má sjá
leiðbeiningar út úr ógöngunum með
því að lesa vel það sem á skjánum
stendur.
Þessi uppbygging gerir það að verk-
um að kerfið er mjög aðgengilegt og
hefur skráningarfólki reynst tiltölu-
lega auðvelt að tileinka sér notkun
þess. Sjálf skráningin er ekki svo mjög
frábrugðin þeirri skráningu sem notuð
hefur verið innan bankanna fram að
þessu. Verkefnunum (AH, SP, VI
o.s.frv.) er haldið aðskildum og skjölin
innan þeirra skráð í bunkum eins og
verið hefur. Fyrir hvern bunka er
skráð bunkafærsla með upplýsingum
um verkefni, dagsetningu og bunka-
upphæð. Skráning er þó mun nýtísku-
legra og fullkomnara kerfi að flestu
leyti. Með tilkomu skjásins þarf not-
andinn t.d. ekki lengur að leggja röð
atriða í sérhverri færslu á minnið, þar
sem ávallt má sjá á skjánum færslu-
form þeirrar færslu sem verið er að
skrá hverju sinni. Reynt hefur verið að
gera kerfið þannig úr garði að sem
flestar villur séu leiðréttar áður en
skráningin fer út úr húsi og hefur
reynslan sýnt að villulistum fækkar til
muna hjá þeim sem það nota.
Til þess að gera skráninguna sem
öruggasta og réttasta eru höfð villu-
próf á öllum svæðum sem hægt er að
koma því við. Svæði eins og færslu-
lykill, bankanúmer, höfuðbókarnúmer
og nafnnúmer eru villuprófuð í öllum
verkefnum og auk þess svæði sem háð
eru hinum ýmsu verkefnum samanber
bókhaldslykill í AB-verkefni, lána-
flokkalyklar og valdideringar í VX og
SB-verkefnum o.fl.
Þegar skráningu í bunka er lokið ber
kerfið saman innslegna bunkaupphæð
og samtalsupphæðina sem slegin hefur
verið í bunkann. Stemmi þessar upp-
hæðir ekki er ekki hægt að loka bunk-
anum. Bunka sem ekki hefur verið
lokað er aftur ekki hægt að senda. Stór
hluti mögulegra villna er þannig leið-
réttur áður en að sendingu kemur.
Auk skráningarforritsins eru innan
kerfisins ýmis forrit til hagræðingar
við vinnsluna. Hægt er að fá prentað út
yfirlit yfir það sem skráð hefur verið
yfir daginn. Einnig má fá útprentað
uppgjör, þar sem sundurliðaðar eru
inn- og útborganir, fjöldi inn og út
bunka fyrir hvert verkefni og fjöldi
færslna. Sérstakt forrit sér um að lesa
skráninguna út á diskettur sem sendar
eru til RB og annað forrit sér um af-
ritstöku svo eitthvað sé nefnt.
Vinnutilhögunin í skráningardeild-
unum breytist ekki ýkja mikið í fyrstu
en Ijóst er að vinnutilhögunin innan
bankakerfisins í heild á eftir að
breytast að verulegu leyti samfara
þessari tölvuvæðingu. Varðandi skrán-
inguna er hugmyndin sú, að færa hana
út í deildirnar þannig að hver deild sjái
um skráningu þeirra verkefna sem
undir hana heyra. Bakskráningin
minnkar þannig að verulegu ef ekki
öllu leyti. Skráningarfólk þarf þó ekki
að óttast að missa atvinnu sína, verk-
efnin breytast og færast til og ný
verkefni skapast fyrir önnur sem
leggjast niður. k.H.
Sendum öllum bankastarfsmönnum
okkar bestu nýársóskir og
þökkum samstarfið á árinu sem er að líða!
sfÉ)-ÚTVEGSBANKI ÍSLANDS
■$$$? Þjónustubanki þinn