Jazzblaðið - 01.09.1948, Blaðsíða 16
F.Í.H. æfði saman nokkra tangóa og
rhumbur fyrir þennan dansleik og var gerð-
ur góður rómur að. Söngvari var Haukur
Morthens og kynnti hann ásamt hljóm-
sveitinni rhumbu, sem heitir „South Amer-
ica, take it away“. Hún á áreiðanlega eftir
að ná miklum vinsældum hér. — Enn sem
komið er verður lítið hægt að segja um,
hvort nokkrar breytingar verða á hljóm-
sveitum bæjarins, því hauststarfsemin er
ekki að fullu hafin. Heyrst hefur þó, að
Kristján Kristjánsson ætli að stofna átta
manna hljómsveit. Hún á að innihalda þrjá
saxa, trompet, trombón og þrjá rhythma.
Hvar þeir koma til með að leika veit eng-
in. — Um daginn rakst ég á grein í einu
dagblaðanna um hinn heimsfræga söngv-
ara Paul Robeson. Þar var sagt að lagið
„01 man river“, sem þið kannist öll við,
hefði verið samið sérstaklega fyrir Paul
og hefði hann gert það að því sem það
er. Ekki er öll vitleysan eins. Haft er eftir
höfundi lagsins, Jerome Kern, að aðeins
einum manni hafi tekizt að túlka lagið
eins og Kern hugsaði sér það, er hann
samdi það og það er Frank Sinatra. Paul
er eflaust meiri söngvari en Frank, en
eftir þessa staðfestingu Kern, getum við
svona ímyndað okkur hvort hann samdi
lagið fyrir Paul sérstaklega, enda er lagið
orðið nokkuð gamalt, en samkvæmt fram-
METRONOME HLJÓMSVEITIN 1947
angreindri grein, var Paul orðinn vel full-
orðinn þegar hann tók til að syngja og
hefur því ekki sungið í neinn órafjölda.
Það er ekki allt satt, sem kemur á prenti.
í vetur skýrði Vísir og „Tímaritið (sálugu)
Jazz“ frá því, að hljómsveitarstjórinn Bob
Crosby væri látinn. Þetta er hin mesta
vitleysa. Bob er við ágæta heilsu og ætlar
sér ekki að deyja næstu tíu árin. Aftur
á móti er Frank Sinatra dauður. Hann
andaðist að heimili sínu í New Jersey í
sumar og hefur sonar sonur hans og al-
nafni, hinn þekkti söngvari, sennilega fylgt
honum til grafar. — í enn einu blaðinu
var talað um „Jazz“-tónskáldið George
Gershwin og sama gerði Ríkisútvarpið.
Gershwin hefur aldrei samið neitt sem jazz
getur nefnst. Hann samdi mikið af dæg-
urlögum og nokkur af stærri verkum hans
svo sem „Rhapsody in blue“, ber dálítinn
keim af jazz, en það er sama og ekkert
og er því allt annað en jazz. Fyrst
þetta ber á góma, þá ætla ég að geta þess,
að mjög bráðlega verður birt grein í blað-
inu um Gershwin og „jazz“-tónverk hans.
Ég ætla svo að ljúka þessu með nokkr-
um orðum til trommuleikara. Vinsamlega
athugið, að það er svo margt annað á einu
trommusetti, sem hægt er að leika á heldur
en „Hi-hatinn“. — S. G.
Þeir sem kosnir voru vinsælustu jazz-leikarar ársins af lesendum ameriska músik-
blaðsins Metrwnome, léku inn á eina plötu fyrir noklcrum mánuðum og voru þessar
myndir teknar við það tækifæri.
Á efstu mynd t. v. eru frá vinstri: Dizzy Gillespie trompet, Bill Harris trombón,
Buddy Rich trommur, Barry Ulanov og George Simon ritstjórar Metronome, King
Cole píanó, Pete Rugolo útsetjari hjá Stan Kenton, Ed Safranslci bassi, Flip Phillips
tenór-sax, Buddy DeFranco klarinet og Billie Bauer guitar. Á næstu mynd fyrir neðan
eru Ed, Billie og Buddy og á neðstu myndinni eru svo King Cole, Stan Kenton og
Dizzy Gillespie. Á myndunum t. h. að aftan DeFranco og Flip og að neðan trommu-
leikararnir Buddy og Shelly Manne.
Lögin sem leikin voru heita: „Leap here“ eftir King Cole og léku það allir hljóð-
færaleikararnir á myndinni efst t. v. Hitt lagið hét „Metronome riff“. Það var leilcið
af sömu mönnum, auk hljómsveitar Stan Kenton, en hún var kosinn vinsælasta hljóm-
sveitin. Lögin eru á Capitol-plötu.
16 ^azziUií