Jazzblaðið - 01.12.1949, Blaðsíða 8
JJatLr Sím
onaráoni
ISLENZKIR HLJÓÐFÆRALEIKARAR
Kristján Kristjánsson
Kristján Kristjánsson er fæddur í
Sandgerði 5. september 1925. Strax á
unga aldri fékk hann mikinn áhuga
fyrir tónlist og takmark hans var að
verða hljóðfæraleikari. Á þessum árum
snérist allt um harmonikuna og varð
það til þess að Kristján byrjaði korn-
ungur að leika á „nikku“. Um kennslu
á hljóðfærið var ekki um að ræða í
Sandgerði. Ekki var hann heldur hár
í loftinu, þegar hann fór að leika á
dansleikjum þar syðra, aðeins ellefu áta
gamall. Lék hann á tvöfalda harmoniku
á allmörgum dansleikjum þar næstu ár-
in, en þrettán ára gamall fluttist hann1
til Reykjavíkur. Hélt hann áfram með
harmonikuna og hóf nám hjá Sigurði
Briem og lærði hjá honum nótnalestur
í tæpt ár, og næsta ár lærði hann
hljómfræði hjá Sven Viking Guðjohn-
sen. En þá fór að renna upp ljós fyrir
Kristjáni, að harmonikan væri nú ekki
beint það hljóðfærið, sem draumar hans
höfðu snúist um. Keypti hann sér þá
trompet og byrjaði að blása í hann af
miklum eldmóði, en sú hátíð stóð ekki
lengi, því áður en tveir dagar voru liðn-
ir, hafði hver einasta lifandi vera í
húsinu „strækað á trompetinn". Varð
það til þess, að hann keypti sér klari-
net, en seldi trompetinn, og gat þá
fólkið í húsinu unað hlutskipti sínu.
Hóf hann nám á klarinettið hjá Vil-
hjálmi Guðjónssyni (1941) og stundaði
nám hjá honum af og til næstu árin, en
var í Tónlistarskólanum 1945—46, en
Vilhjálmur kenndi honum þar einnig.
— Á þessum árum stundaði Kristján
einnig nám í Verzlunarskóla íslands og
var þar í fjóra vetur. — Um haustið
1945 var byrjað að halda dansleiki í
samkomusal Mjólkurstöðvarinnar og var
Kristján þar í fjögra manna hljóm-
sveit um veturinn. Hinir í hljómsveit-
inni voru Róbert Þórðarson harmonika,
Kristján Hansson píanó og Svavar
Gests trommur. í þessari hljómsveit
byrjaði Kristján að leika á altósaxafón.
Næsta sumar hóf Breiðfirðingabúð
starfrækslu og var Hafliði Jónsson pí-
anóleikari með hljómsveit þar og lék
Kristján í henni um tveggja mánaða
skeið. Um sumarið 1946 fór Kristján
ásamt Svavari Gests til tónlistarnáms
í Bandaríkjunum, en Kristján hafði þá
í langan tíma ráðgert að fara utan til
framhaldsnáms og þá helzt til Banda-
ríkjanna. Stundaði hann nám í „Julliard
school of music“ í NewYork um nokkurra
mánaða skeið. Á klarinet lærði hann
hjá mjög góðum, frönskum kennara að
nafni Duqas og seinni hluta tímabilsins
tók hann sér einnig einkatíma með
klarinettið hjá öðrum frönskum kenn-
ara, Daniel Bonade. Hljómfræðinám
stundaði hann og af miklu kappi hjá
8 ^aixítatiÍ