Jazzblaðið - 01.10.1950, Blaðsíða 18
ALICE ,,BABS“ SJÖBLOM
Framhald af bls. 11.
— Já, skiljanlega, en þar sem ég ætla
að kynna þig fyrir lesendum Jazzblaðs-
ins á Islandi, þá máttu til með að láta
mig fá mynd af þér.
— Já, með sannri ánægju. Ég hef lesið
mikið um ísland í blöðunum undanfar-
ið. Ég hef mikinn áhuga fyrir landinu,
og ég held, að þar sé margt skemmtilegt
að sjá. (Samtalið fór fram, þegar þeir
Huseby og Torfi börðust um, og unnu
meistarastigin í Briássel).
— Ég er þér sammála. Ég er meira
að segja að hugsa um að bregða mér
þangað við tækifæri.
— Og mig langar sannai’lega líka.
— Jæja, hvað segirðu mér af hinum
mörgu plötum þínum — hver heldur þú
að sé bezt?
— .......Löng þögn.........og síðan:
Þessu er erfitt að svara. Maður er
aldrei fullkomlega ánægður með það,
sem maður gerir og finnst alltaf, að það
hafi verið hægt að gei'a betur.
— Já, ég skil þig vel. En svo ég snúi
spurningunni þá við: Hvaða plata held-
ur þú að sé minnst gölluð?
—........Þögn aftur....Ja, hm. ...,
„Blues for yesterday“, sem ég söng inn
fyrir tveimur árum. Eða það held ég.
— Já, jæja, ég þakka þér kærlega
fyrir og ég vonast til að geta komið því
í kring, að plötur með þér verði leiknar
í jazzþætti, sem Jazzklúbbur íslands
mun sjá um í íslenzka útvarpinu og geta
íslendingar dæmt söng þinn sjálfir.
— Þakka þér fyrir og mundu eftir að
skila mínum beztu kveðjum. — Og geri
ég það hér með og læt minar fljóta
með. B. A.
PÉTUR GUÐJÓNSSON
Framliald af bls. 12.
láta starf vel af hendi, og er hér um
brautryðjendastarf að ræða, ef þannig
má komast að orði, því að í þessari
ferð, er það í fyrsta sinn, sem notaður
er sérstakur farar- eða öllu heldur
framkvæmdarstjóri til að létta á störf-
um stjórnanda hljómsveitarinnar.
Pétur hefur nokkuð fengizt við hljóð-
færaleik undanfarna tvo vetur og hef-
ur hann leikið á trommur. Hann er
samt öllu þekktari sem dansari og hef-
ur sennilega varla nokkur reykvíking-
ur komið á dansleik, svo að ekki hafi
hann séð Pétur þar.
Margir hafa farið fram á það við
Pétur, að hann kenndi þeim, og er víst
unga fólkið þar í meiri hluta. Pétur er
að hugsa um að láta loks verða af þessu
og taka upp kennslu í næsta mánuði,
ef allt gengur að óskum með útvegun
á húsnæði og fleiru.
Hann mun þó aðeins fyrst um sinn
taka þá í tíma, er eitthvað eru komnir
áleiðis í listinni að dansa „jitterbug'S
en síðar meir tekur hann ef til vill að
sér að kenna byrjendum.
18 JatMalá