Jazzblaðið - 01.06.1952, Blaðsíða 8
Svavar Gests skrifar iwi
ELDRIDCE
A F hinum stóra hóp snillinganna er
skapazt hafa með jazzinum eru allt-
af nokkrir, er ekki ná hinni sömu frægð
og vinsældum og margir aðrir, sem ef
til vill eiga það síður skilið. Þegar við
ræðum um fræga jazzleikara þá vitum
við alltaf um aðra, sem standa þeim
miklu framar hvað getu snertir en hafa
ýmissa hluta vegna orðið útundan hvað
frægðina snertir. Einn þessara manna
er trompetleikarinn Roy Eldridge.
Roy hefur flækzt á milli hljómsveita,
ef svo má segja, spilað beggja vegna
Atlantshafsins, reynt með eigin hljóm-
sveit oftar en einu sinni. En samt er
það svo, að það er mjög takmarkaður
hópur fólks, þ. e. a. s. þess fólks, er
leggur eyrun að jazzmúsík, sem veit
hver Roy Eldridge er. Og miklu færri
eru þeir, sem vita að Roy Eldridge er,
og hefur í mörg undanfarin ár
verið fremsti trompetleikari jazz-
ins. —
Auðvitað man ég eftir mönnum
eins og Louis Armstrong, Berigan,
Gillespie, McGee, Davis og mörg-
um fleirum. Armstrong einn ætti
að nægja, en hann er engan veginn
jafn snjall trompetleikari og Eld-
ridge. Armstrong skilur ef til vill
meira eftir í hugum fólks, en það
á hann alveg eins söng sínum að
þakka. Hinir eru menn, sem koma
og fara. — Eru í nokkur ár miklu
ofar á blaði en Eldridge, en hrapa
svo aftur og Eldridge stendur einn
eftir. —
Roy Eldridge eða „Little Jazz“ eins
og hann oft er kallaður, fæddist í borg-
inni Pennsylvanía árið 1911. — Strax
að loknu gagnfræðaprófi réðst hann til
umferðarleikflokks, þar sem hann lék
bæði á trompet og trommur í lúðrasveit
þeirri, er ]ék við sýningarnar. En hann
er nokkurn veginn jafnvígur á bæði
hljðfærin. Hann lék m. a. á trommurnar
í Gene Krupa hljómsveitinni, meðan
Krupa stjórnaði hljómsveitinni.
Roy var aðeins 17 ára, þegar hann fékk
stöðu í einhverri fremstu jazzhljómsveit
þeirra tíma, hljómsveit Horace (bróðir
Fletcher) Henderson og lék hann þar við
hliðina á frægustu jazzleikurum þeirra
tíma og gaf þeim ekkert eftir.
Hann lék með Horace í tæpt ár og fór
síðan úr einni frægri nljómsveitinni í
aðra, sem ástæðulaust er upp að telja.
8 fazzlUií