Tímarit Tónlistarfélagsins - 01.06.1938, Blaðsíða 16
Tímarit Tónlistarfélagsins
SCHNEDLER-PETERSEN,
sem um aldarfjórðung stjórnaði hljómsveitinni í Tivoli i Kaupmanna-
höfn, er nýlega látinn. Hann átti miklum vinsældum að fagna, bæði
meðal áheyrenda og yngri tónlistarmanna, en þeim veitti hann oft
mikilvæga hjáip, með því að gefa byrjendum kost á að koma fram, sem
einleikarar eða einsöngvarar og annast frumflutning nýrra tónverka.
Er talið, að hann hafi verió mjög glöggur á, hverjir hefðu hæfileika til
að verða nýtir menn eða skara fram úr í list sinni. Schnedler var vand-
látur í efnisvali á tónleikum sinum. Hann hataði jazz og var í nöp við
útvarpið, er hann taldi eyðileggja lifandi tónlist. í hans sporum, sem
hljómsveitarstjóri á fjölsóttasta sumarskemmtistað borgarinnar, hefði
mörgum sennilega orðið það á, að kitla meir eyru fjöldans með létt-
meti, sem yfirleitt er talin alþýðleg tónlist, en Schnedler hélt fast við
góða tónlist og vann þannig mjög að því að gera hana alþýðlega. Eru
þeir áhrifamenn aldrei of margir, sem telja þann kostinn heillavæn-
legri.
HÚN BJARGAÐI LÍPl ÞEIRRA.
Sagan gerist í Lundúnum. Haydn kemur fram og sest við píanóiö
til að stjórna hljómsveitinni, er ætlar að leika eina af hljómkviðum
hans. Lundúnabúar eru forvitnir, standa upp úr sætum sínum og færa
sig alveg að hljómsveitinni, til þess að geta virt hinn fræga mann ná-
kvæmlega fyrir sér. Við það verða sætin í miðjum salnum auð, en þá
fellur hin mikla Ijósakróna niður með braki og brestum og þrotnar í
þúsund mola. Þegar fólkið hafði jafnað sig eftir hræðsluna, varð því
ljóst, úr hvílikri liættu það hafði sloppið og orðið kraftaverk, var á
allra vörum.
Haydn verður innilega hrærður, lítur til himins og segir við hljóm-
sveitarleikarana: „Tónlist min er þó einhvers virði — nú hefir hún að
minnsta kosti bjargað þrjátíu mannslífum!"
NEMENDAHLJÓMLEIKAR
Tónlistarskólans voru haldnir í Gamla Bíó sunnudaginn 8. maí. Þeir
Þorvaldur Steingrímsson, Jóhannes Eggertsson og Jóhann Tryggvason
fluttu Trio eftir Haydn. Þær Anna S. Björnsdóttir og Halla Bergs léku
saman á píanó lög eftir Schumann. Einleikarar á píanó voru Unnur
Arnórsdóttir, Þyri Eydal og Guðríður Guðmundsdóttir. Lék hin síðast-
nefnda sónötu eftir Árna Björnsson, er numiö hefir tónfræði á skól-
anum. Er það ánægjulegt, að ungu tónskáldin ráðast í hin stærri form.
Kemur þar einnig fram, að nú undanfarið hefir gefizt tækifæri til að
afla sér þeirrar kunnáttu, sem nauðsynleg er.
Hljómleikunum var vel tekið af áheyrendum.
KVIKMYNDAPÉLAGIÐ PARAMOUNT
í Ameríku hefir tilkynnt, að það hafi í hyggju að fá viðurkennd tón-
skáld til að semja lögin við kvikmyndir þess framvegis. Byrjað var á
samningum við Ravel, en nú er sagt að Strawinsky hafi gert samninga
við félagið um tónsmíðar við tvær stórar kvikmyndir.
48