Musica - 01.10.1948, Blaðsíða 8

Musica - 01.10.1948, Blaðsíða 8
Páll H. Pálsson, form. 1945—47. Halldór Magnússon, form. 1947-^8. aníu, 'síðan aftur á Hverfisgötu 21. En loks var hljóm- sveitinni vísað í kjallarann á því góða húsi, en þar voru æfingarskilyrði slík, að ef allir mættu komst hljómsveitarstjórinn varla fyrir. Um tíma var einnig æft í bíósal Austurbæjarskólans, og eins á heimili eins meðlims hljómsveitarinnar, Aðalheiðar Knudsen. Var það góð hjálp, en mörgum þótt ná leggjast lítið fyrir kappann, að níðast »vo á hjartarúmi einnar konu, enda þótt stórt væri. Loks rættist úr þessu, er 'hljómsveitin fékk að æfa í upptökusal „íslenzkra tóna" á Laugaveg 58, en þar er hún enn og er í þakkarskuld við forstjórann. En nú væri rétt að spyrja, hvenær höfuðborg íslands skyldi verða svo gæfusöm að eignast tónlistarhöll eða eitchvað líkt, sem gæti gefið M.H.R. og öðrum slíkum fyrirbærum möguleika á æfinga- og Ihljómleika skil- yrðum. Hvernig væri nd að kórar og hljómsveitir, svo og einstaklingar með sérstakan álhuga, kæmu sér sam- an um að hrinda þessu bráð aðkallandi máli eitchvað áleiðis? Þess er varla að vænta að aðrir aðilar fari að ómaka sig til erfiðis. En Ihér þarf skjótra að gerða. Það er ábyggilega mikið, sem tónlist höfuðstaðarins líður við þetta, enda varla von á framförum, þegar æfingaskilyrðin eru fyrir neðan allar hellur. I janúar 1945 kaus hljómsveitin sér nýja stjórn. I henni áttu sæti Páll H. Pálsson formaður, Karl Sig- urðsson ritari og Sverrir Kjartansson gja'ldkeri. Með þessari stjórn hófst tímabil nokkurra framfara. Haust- ið áður hafði verið ákveðið að meðlimirnir skyldu sækja tíma hjá Sigurði Briem, hvað þeir gerðu, og óx við það möguleikinn til þess að ná áþreifanlegri árangri í meðferð hljóðfæranna en áður, enda var nú von bráðar hafizt handa um undirbúning hljómleika. Þegar hér var komið sögu hafði hljómsveitin leikið opinberlega nokkrum isinnum og tekist bærilega eftir aðstæðum. Nokkur uggur var þó í mönnum við að stíga svo stórt spor, sem að halda sjálfstæða hljóm- leika, en þegar nokkrir þekktir tónlistarmenn, sem höfðu hlýtt á hljómsveitina leika ráðlögðu eindregið að halda hljómleika var ekkert lengur til fyrirstöðu. Var ná ha'fin söfnun styrktarmeðlima. Gekk það vel, og fyrstu hljómleikarnir voru svo haldnir 13. maí 1945 í Tjarnarbíó. Voru þeir svo endurteknir 15. og 17. maí. Hljómsveitin annaðist tvo þriðju hluta en kvartett úr hljómsveitinni einn þriðja. Að þessu komu fram 16 manns auk stjórnanda. Leikin voru ýmis létt-klassisk verk, m. a. Serenata eftir Offenbach, Stándohen .Schuberts og Gavotte eftir Gossec. Þóttu þessir hljómleikar takast vonum framar, en auðfundið var að gagnrýnendur hlífðu, þar sem um brautryðj- endastarf var að ræða. Næstu hljómleikar urðu svo að ári í febrúar og marz. Voru 'þeir með sama sniði og áður, en nú voru hljóðfæraleikarar 19. Eins og áður annaðist kvartett- inn, sem nú hét „Briem-kvartettinn", eftir hinum ein- læga og vinsæla mandóMn- og gítar-kennara, einn þriðja hluta efnisskrárinnar. Nú fékk hljómsveitin no'kkra gagnrýni, vinsamlega 'þó, en eittbvað þótti vanta á fjölbreytni, og nakkuð á rétta meðferð sumra verkanna. Annars fundu allir að hljómsveitin var í framför. Nokkru eftir þessa hljómleika fékk hljómsveitin ný hljóðfæri frá „Levin" í Svíþjóð, og hafði hinum ötula formanni, Páli H. Pálssyni, tekizt að útvega gjaldeyris- og innflutnings-leyfi fyrir þeim. Varð ná á allgóð breyting, þar sem meðlimirnir höfðu áður átt nokkuð ósamstæð hljóðfæri og sum harla léleg. Var nú ætlunin, að haldnir yrðu þrennir hljómleikar 8 MUSICA

x

Musica

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Musica
https://timarit.is/publication/725

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.