Musica - 01.10.1948, Blaðsíða 13
til að hugsa: „Hvers vegna var hann nú að þessu“.
Auðvitað þur’fti leikurinn breytingar, en Sæverud og
Rytter eru ekki réttu mennirnir til að gera hana“.
Sænski gagnrýnandinn Pauline Hall er á annari
skoðun og mun grein hennar birtast síðar í blaðinu,
en hún nefnir hana: „Grieg, Sæverud og Pétur Gaut-
Svlþjóð.
Mikil líkindi eru til að flokkur úr sænska söngleika-
húsinu fari til Bandaríkjanna á vetri komanda, en
það er samt ekki fullráðið enn. Svíar eru mjög álhuga-
samir um að þessi ferð takist, en ekki hafa enn borizt
nánari fréttir hvort ferðin verður farin eða ekki.
Tveir mestu söngleikjaviðburðir þessa árs í Svíþjóð
voru uppfærzla „Peter Grimes" hins nýja söngleiks
Brittens og „Porgy og Bess“ eftir Gershwin.
Finnland.
Mjög mikið hefur verið um komur erlendra lista-
manna til Finnlands að undanförnu og er von á
fleirum.
Til gamans setjum við hérna upp lista yfir nokkra
hinna 'helztu gesta, er hafa heimsótt Finnland:
George Kulenkampff, Shura Cherkassy, Alexander
Borovsky, Anne Brown, Eugene Conley og söngkon-
an, er Gigli „uppgötvaði“ hin 19 ára gamla spánska
söngkona Marimi del Ponzo og auk þess eru væntan-
legir m. a. Menuhin og Zegovia.
England.
Meistarasöngvararnir, Valkyrjan og Tristan og Isolde
munu setja mestan svip á Covent Garden þennan vet-
ur, Sandler Wells mun uppfæra Don Giovanni og
Don Pasquale.
Covent Garden hefur tryggt sér ágæta söngvara fyrir
tímabilið m. a. Kirsten Flagstad, Doris Doree, Max
Lorenz og Oscar Natzka. Þrír frægir erlendir hljóm-
sveitarstjórar raunu vera í Bretlandi í vetur en óvíst
er enn hvaða hljómsveitum þeir munu stjórna, en það
eru Bruno Walter, Victor De Sabata og Rafael Kube-
lik auk þeirra munu þeir Sir Tihomas Beecham stjórna
the Royal Philharmonic, Sir Adrian Boult Tlhe BBC
Symphony og John Barbirolli Halle-hljómsveitinni og
Eric Kleiber mun stjórna The London Philharmonic.
Fjöldi kóra mun auk þess halda hljómleika, og eru
flestir þeirra brezkir og auk þessa álitlega lista af
beztu listamönnum heims mun Heifetz og Rubinstein
halda hljómleika auk ameríska söngvarans Set Svan-
holm og líkindi eru til að Segovia muni láta til sín
heyra. Nú er svo komið, að England er orðið önd-
vegisland Evrópu í tónlist og 'hafa Bretar unnið ótrú-
lega mikið verk til að skapa sér þennan virðingasess.
Italía.
Toscanini mun stjórna hljómsveit Scala leikhússins
í Mílanó á komandi vetri og hefur hann ráðið marga
bandaríska söngvara til samstarfs við sig.
Teatro Fenice í Feneyjum hefur undanfarið sýnt
söngleik Shostakovitohs Lady Macbeth of Mzensk fyr-
ir troðfullu húsi, og hefur leikurinn vakið mikla at-
hygli ítalskra leikgagnrýnenda.
Anna'rs munu ítölsku leikhúsinu sýna marga nýja
söngleiki á komandi strfsári m. a. eftir Prokofieff og
Casavola, og má sjá, að ítalir eru enn jafn frj'álslyndir
í tónlist og þeir hafa ávallt verið.
Albert Sandler dáinn.
Einn af dáðustu iðkendum léttrar tónlistar, Albert
Sandler, er nýlega dáinn. Hlustendum ríkisútvarpsins
var Sandler sérstaklega hugþekkur fyrir liinn fínlega
leik, er hann ávallt sýndi. Sandler hafði verið ráðlagt
að taka sér hvíld, en hann gat ekki hugsað sér að
njóta hvíldar, því hann elskaði starf sitt. Banamein
hans var hjartabilun.
Tónlistarskólinn á Aþtireyri
var settur mánudaginn 3. október kl. 2 síðdegis.
Skólastjórinn, frú Margrét Eiríksdóttir, setti skólann.
I skólanum verða í vetur 30 nemendur. Kennarar
verða í píanóleik: frú Þyri Eydal og ungfrú Þórgunn-
ur Ingimundardóttir, í fiðluleik: ungfrú Ruth Her-
manns og tónfræði og tónlistarsögu Jakob Tryggva-
son kirkjuorganleikari.
Tónlistarskólinn i Reykjaví\
var settur nýlega og eru nú nemendur á fjórða hundr-
að. Skólastjórinn,*dr. Páll ísólfsson, setti skólann og
þakkaði tveimur kennurum vel unnið starf, en það
voru þeir Arni Kristj'ánsson, er hefur kennt við skól-
an í 15 ár og dr. Victor von Urbantschitsch, er hefur
kennt í 10 ár við skólann, og hafa báðir þessir menn
unnið íslenzkri tónlist mikið gagn með kennzlu
sinni og öðrum störfum í þágu hennar. — Um fjögur
hundruð nemenda stunda nú nám við skólann.
MIJSICA 13