Musica - 01.12.1949, Blaðsíða 23

Hin pólska píanóleikkona Maryla Jonas hefir
að baki sér einstæðan feril.
Maður hennar, foreldrar og bræður voru
dreppnir í eyðingafangabúðum nazista í Varsjá,
en hún slapp, er þýzkur foringi er hafði heyrt
hana leika fyrir stríð hjálpaði henni á flótta, með
því að falsa pappíra hennar.
Hún fór fótgangandi alla leiðina frá Póllandi
til Berlínar, og fékk hæli í sendiráði Brasilíu.
Þaðan var henni smyglað út úr Þýzkalandi
til Brasilíu og þaðan komst hún til New York.
I mörg ár snerti hún ekki á píanói, en eitt
sinn tók einn vina hennar hana með sér inn í
hljómleikasal einn, þar sem Rubinstein var að
æfa.
Rubinstein bað hana að spila eithvað, svo að
hann gæti heyrt hljóminn í salnum, hún settist
við píanóið og lék stanslaust í 6 klukkutíma.
Rubinstein sá um hljómleik fyrir hana, og er
sigur hennar einsdæmi í sögu tónlistarinnar, og
fékk hún þegar tilboð um hljómleika, leik inn á
hljómplötur og í útvarp, fyrir um eina miljón
krónur.
Margit Bokor er ekki aðeins söngkona af guðs
náð, heldur og alvarlega hugsandi listakona, það
er ekki aðeins unun að hlusta á söng hennar, held-
ur og dásamlegt að horfa á hina fögru söngkonu
fegurð hennar framkoma og unaðslegur söngur,
gerir hljómleika hennar að dásamlegri, ógleym-
anlegri stund.
MUSICA 23