Musica - 01.04.1950, Qupperneq 13

Rögnvaldur
Sigurjónsson.
Píanótónleikar í Austurbæjarbíó, í marz.
VIÐF ANGSEFNI:
Tvö ljóð án orða ........ Mendelsohn
Þrjú Intermezzo op 118 ...... Brahms
Sonata í D-Dúr, K. 284 ...... Mozart
Tólf Etyður ................. Chopin
Það er alltaf skemmtilegt að vera á hljómleik
hjá Rögnvaldi, jafnvel þótt hann velji sér viðfangs-
efni sem ekki eiga við skap hans.
Túlkun Rögnvalds á Brahms og Mendelsohn,
var hreinleg, en án nokkurra tilþrifa, aftur túlk-
aði hann sónötu Mozarts hreinlega og léttilega,
með næmri tilfinningu.
Er Rögnvaldur hóf að leika Etyður Chopins,
var auðvelt að finna, að túlkun þeirra átti við
skap og tækni Rögnvalds enda ætluðu áheyrendur
ekki að sleppa honum af sviðinu að leik loknum
og varð hann að leika hvorki meira né minna
enn þrjú aukalög.
Samsetning efniskrár þessa hljómleiks var væg-
ast sagt dálítið einkennileg, og ekki við hæfi
Rögnvalds, þó að segja megi að hún hafi verið
„Populairt“ samansett.
Rögnvaldur á að leika verk eftir hin nýrri tón-
skáld. Hann er einn bezti túlkari nýrri tónverka,
sem við eigum, og aðeins hann og frú Jórunn
Viðar hafa leyft okkur að skyggnast inn í heim
hinna nýrri tónverka og látum okkur vona, að
næstu hljómleikar Rögnvalds verði helgaðir tón-
skáldum vorra tíma.
T. A.
Bjarni Böðvars aftur formaður F. í. H.
Aðalfundur F. I. H. var haldinn fyrir skömmu.
Stjórnarkosning fór þannig, að formaður var kos-
inn, Bjarni Böðvars, Carl Billich, gjaldkeri, Lárus
Jónsson, ritari og Páll Bernburg, fjármálaritari.
Auk þess verður félaginu skift í þrjár deildir,
ein deild fyrir þá sem leika klassiska tónlist og
danstónlist, ein deild fyrir þá er eingöngu leika á
veitingahúsum og ein fyrir áhugamenn.
Er gengið hefir verið að fullu frá þessum deild-
um, munu formenn þeirra sjálfkrafa taka sæti í
stjórninni.
Aðalfundur Mandólínhljómsveitar Reykjavíkur.
M. H. R. hélt aðalfund í V. R. fyrir nokkru, og
vár ákveðið að hefja starfið aftur að fullum krafti,
en það hefir legið niðri í nokkra mánuði.
Einnig var ákveðið að veita nýliðum viðtöku
og eru þeir er áhuga hafa fyrir að koma í hljóm-
sveitina beðnir að hringja í síma 3311 eða 3896,
eða skrifa til formannsins Páls H. Pálssonar,
Drápuhlíð 39.
Framtíð hinnar nýju sinfóníuhljómsveitar
óviss . . .
Jón Þórarinsson, tónlistarráðanautur Ríkisút-
varpsins hafði fyrir nokru viðtal við blaðamenn
um hina nýstofnuðu sinfóníuhljómsveit er hefir
nú haldið tvo hljómleika, og sagði m. a.:
— Ríkisútvarpið hefir tekið að sér að styðja
sinfóníuhljómsveitina fyrst um sinn svo að hún
geti haldið hljómleika hálfsmánaðarlega til vors,
en þetta hefir þó eingöngu orðið mögulegt, vegna
þess að tekist hefir að ná mjög góðu og hagkvæmu
samkomulagi við hljóðfæraleikarana.
En framtíðarskipulag þessara mála verður að
byggjast á samvinnu Þjóðleikhússins, Ríkisút-
varpsins og e.t.v. fleiri aðila, ásamt styrk frá ríki
og bæ eins og tíðkast víðast hvar erlendis um
slíkar hljómsveitir.
— Jón sagði enn fremur, að fimm þýzkir tón-
listarmenn hefðu verið ráðnir hingað á vegum
hljómsveitarinnar, en alls væru starfandi í henni
40 manns.
— Við teljum, sagði Jónas Þórarinsson að lok-
um, að þetta séu þáttaskipti í hljómsveitarstarf-
seminni, hér hefir aldrei verið jafn fullkomin og
samstillt hljómsveit og þessi, og er mikils af starf-
semi hennar að vænta.
MUSICA 13