Sindri - 01.10.1922, Blaðsíða 11

SINDRI
FITUHERÐSLA
113
leitt milli ytra og innra borðsins. Til hitunar má nota gufu
eins og hún kemur frá venjulegum gufukötlum, eða þá yfir-
hitaða gufu, ef ekki þykir nógur hiti annars. Einnig má nota
heitt vatn eða olíu. Vatnið eða olían er þá ávalt hið sama og
fer í hringrás milli herðsuílátanna og hitunarstaðarins.
Það mætti nú ætla að vjer íslendingar stæðum vel að vígi,
að ýmsu leyti, í þessari iðnaðargrein. Við getum aflað okkur
nægilegs lýsis til herðslunnar, og vetni getum við einnig fram-
leitt. En slíkt mál sem þetta þarfnast mikils undirbúnings sjer-
fróðra manna, því allar verksmiðjur munu að meira eða minna
leyti hald aðferðum sínum leyndum. I þessu atriði er hætt við
að vjer stöndum illa að vígi, fyrst um sinn að minnsta kosti.
Markmiðið ætti að vera það, að herða feiti til smjörlíkis-
gerðar. En til þess þarf fyrsta flokks vöru. Menn hafa haft
misjafna trú á smjörlíki, sem gert væri úr þesskonar efni. En
sje lýsið gott upprunalega, hæfilega mikið hert og önnur feiti
notuð saman við, er varla efi á því að búa má til viðunanlegt
smjörlíki. Menn voru líka hræddir um að ofmikið nikkel yrði
eftir í feitinni en rannsóknir hafa leitt í ljós að á því er
■engin hætta.
]eg hefi áður minst á, að við herðsluna hverfur lýsislyktin
að miklu leyti, og því betur sem meira er hert. Það má líka
á margan hátt bæta feitina eftir herðsluna. Meðal annars má
hita feitina í lofttómu íláti og leiða vatnsgufu gegnum hana.
Vatnsgufan rífur þá lyktarefnin og annað með sjer og gerir
feitina betri og heilnæmari.
Onnur aðalnotkunin ætti að vera til sápugerðar. Vmislegt
hefir einnig verið á móti því mælt. En ef hægt er að gera
feitina þannig úr garði, að nota mætti hana til feitmetis, ætti
ekki að vera nein ástæða til þess að hafna yrði henni til
sápugerðar. Sennilega yrði þó betra að nota aðra feiti með.
]eg get ekkert sagt um, hve miklu þessar tvær iðnaðargreinar
gætu tekið á móti, en það ætti að geta verið grundvöllur, sem
byggja mætti á. Sjálfsagt væri svo að færa út kvíarnar, ef vel
Ijeti. Gæti þá verið um það að ræða, að skapa sjer markað
annarstaðar, annaðhvort fyrir feitina sjálfa, eða önnur dýrari
efni, sem úr henni mætti vinna, og það væri auðvitað æski-