Sindri - 01.10.1922, Blaðsíða 24
126
STEINSTEYPA
SINDRI
að varast, að steinlím komi á úthliðar steinanna, sem eiga að
haldast hreinar og blettalausar.
Steinlímið má blanda þannig: 1 sement, V4 leskjað kalk og
31/-’ meðalgrófur sandur. Blandan er höfð svo blaut, að lítið
vatn sjáist ofan á henni er hún stendur og mjög vandlega
hrærð saman (venjulega í vænum bala eða stampi).
Neðsta lagið skal lagt með mikilli aðgæslu, ef undirstöður
eru ekki ótvírætt rjettar. Hornsteinarnir eru fyrst lagðir laus-
lega niður og aðgætt með streng og hallamæli hvort undir-
staðan milli þeirra sje rjett og bungulaus og hvort þeir báðir
sjeu jafnháir. Bungi undirstaðan einhversstaðar upp verður
væntanlega að hleypa nokkru undir hornsteinana. Þegar vel
er fyrir þessu sjeð er steinlím lagt undir steinana og þeir
lagðir nákvæmlega rjettir. Síðan er strengur þaninn milli þeirra
og segir hann þá til um stefnu steinanna, sem á milli koma.
Verður að leggja svo mikið steinlím undir hvern stein, að
hann komi nákvæmlega svo hátt sem skal og sje auk þess
að öllu rjettur.
Lárjettu samskeytin. Þegar nú skal leggja steinlím undir
steinana í næsta lagi er það vandaminst fyrir viðvaninga, að
nota dálitla grind úr 1V* sm. þykkum fjölum, sem haldið er
saman með smáokum á endunum. Grindin er gerð svo, að
opið bil verði á henni yfir hleðslusteinunum, dálitlu mjórra en
þykt þeirra er, þegar grindin er lögð á vegginn. Grindin er lögð
yfir hvern stein, opna bilið fylt með steinlími og strokið yfir
með slettirekunni svo það sje aðeins sljettfult. Þá er grind-
inni lyft upp og stendur þá eftir jafnþykt lag af steinlími ofan
á steinunum. A þennan hátt má komast hjá öllum steinlíms-
slettum, líka að steinlímið detti niður í holrúm ef þau eru.
Nú er hver steinn eftir annan lagður ofan á steinlímslagið,
en jafnframt athugað, við hvern fyrir sig, að allir liggi óhallir
og í þráðbeinni línu, eftir því sem strengur segir til. Milli
steinendanna skal hvarvetna vera 1 sm. víð glufa.
Fallbeinu samskeytin. Þegar öll steinaröðin er lögð eftir
veggnum og athugað að hvergi sjeu missmíði á, er tekið að
þjetta samskeytin milli endasteinanna. Steinlími er þá fylt ofan
í holurnar (sem myndast við skorirnar í endum steinanna) og