Sindri - 01.10.1922, Blaðsíða 26

128
STEINSTEVPA
SINDRI
fremur seinlegt og ekki vandalaust verk, sem læra verður hjá
manni sem til þess kann.
4. ÞVKT ÚTVEGGJA,
sem gerðir eru úr deigri blöndu, 1:4: 7, hefir verið ákveðin
þannig í byggingarsamþvktum vorum, að þykt hliðarveggja í
einlyftum húsum skuli eigi vera minni en:
V 26 B + Vs0 H,
en B táknar hafið frá útveggjarbrún að næsta burðarvegg (t. d.
skilrúmsvegg í miðju húsi), en H vegghæðina undir loft. —
Þetta svarar til þess að þyktin sje (á einlyftum húsum) um 23
sm. (9 þuml.) en kjallaraveggir þar fyrir neðan 29 sm. (11
þuml.). Aðgætandi er, að blandan er fremur veik og að þyktin
miðast að nokkru við það að veggurinn kikni ekki eða bogni.
Erlendis er það fullreynt að holsteinaveggir, tæp 20 sm. á
þykt (blanda 1:3:5), eru fulltraustir og er þó fullur þriðj-
ungur þyktarinnar lofthol.
Burðarafl veggja vex nálega að sama skapi sem blandan er
sterkari. Ef blandan er 1 : 2 : 4 eða 31/* ætti 12 sm. þykkur
veggur að vera engu óstyrkari en 23 sm. þykkur úr 1 : 4 : 8:
og auk þess vatnsheldari, en þá verður að treysta hann með
styrktarstoðum svo hann verði ekki of valtur og kikni ekki.
Þynnri vegg en 10 sm. er ekki gerlegt að steypa, vegna þess
hve erfitt er að sjá við steypugöllum og smávegis missmíði á
svo þunnum yeggjum,
5. NEGLING í STEINSTEVPU.
Hjá því verður ekki komist við húsabyggingar, að víða þurfi
að fá naglhald í veggjum til þess að festa gluggakistur, dyra-
umbúnaði o. fl. Þetta er mjög erfitt á steypuveggjum, því naglar
rekast ekki í steypuna. Fram úr þessu er ráðið á ýmsan veg.
1) Svo víða sem verða má er sjeð fyrir naglfestu jafnframt
því sem veggurinn er steyptur. Eru þar þá annaðhvort lagðar
trjeflögur á rjettum stöðum í steypuna, sem ganga út að móti,
eða úr þykkum þjettum þakpappa. Trjeflögurnar eiga að vera
úr góðum við, helst ekki þykkri en 1 sm. og soðnar nokkra
stund í koltjöru. Vatn gengur þá treglega í þær og þær fúna