Bankablaðið - 01.12.1987, Blaðsíða 13

Framtíð bankakeifisins
13
Við sendum börn okkar ekki til Japans
þótt þau öðluðust án efa mjög góða
menntun þar. Með því yrðu þau ólæs á
menningu okkar hér heima. Það sama
gildir um menningu innan fyrirtækis.
Hver banki fyrir sig verður að þróa
sínar eigin aðferðir og stíl til starfs-
þjálfunar sem er uppbyggður með það
fyrir augum að koma á framfæri þeirri
faglegu hæfni, þekkingu og viðhorfum
sem hann telur mikilvæg. Hvernig
kemur þessi vettvangur starfsþjálfunar
okkur fyrir sjónir í framtíðinni? Að
mínu áliti verða eftirfarandi þættir
nauðsynlegir svo að árangur náist:
★ Ráðgjafarnefndir sem eru skipaðar
stjórnendum: Sérhver banki mun setja
á stofn nefnd til að marka stefnu og
meta árangur þjálfunar. í nefnd þessari
sætu nokkrir yfirstjórnendur auk full-
trúa úr starfsmannafélagi. Þetta myndi
tryggja það að hugur fylgdi máli hjá
yfirstjórnendum og sýndi fram á gildi
þjálfunar.
★ Starfsþjálfun löguð að störfum:
Þjálfunin mun endurspegla markmið
og þarfir hvers fyrirtækis auk þess að
stuðla að aukinni framleiðni. Ekki mun
verða litið á þjálfunina sem frí frá
vinnu. Áhrif þjálfunarinnar verða met-
in og þeir þættir hennar sem ekki skila
árangri munu falla út.
★ Þátttaka yfirmanna: Yfirmenn taka
beinan þátt í að meta þörfina á þjálfun
auk þess að aðstoða starfslið við að beita
nýjum starfsaðferðum við vinnu. Þetta
kynni að fela í sér breytingu á starfs-
lýsingu yfirmanna og að sett yrði upp
kerfi til að meta frammistöðu þar sem
færu saman þarfir fyrirtækisins og
framavonir viðkomandi.
★ Námslýsing mun verða samin: Sér-
hvert starfsheiti mun verða skilgreint
fyrirfram á þann hátt að tekið sé fram
hvaða þjálfun þurfi að gangast undir til
að ná nauðsynlegri færni í starfi. Þetta
á við öll þrep starfsmanna frá byrjend-
um til yfirmanna deilda og yfirstjórn-
enda. Áætlanir þær sem liggja til grund-
vallar hverri námslýsingu munu vera í
formi náms í kennslustofum og þálfun-
ar á vinnustað. Áætlanir þessar munu
verða blanda af námskeiðum sem hafa
verið byggð upp innan sjálfrar stofnun-
arinnar og námskeið kennd utan hennar
(t.d. Bankamannaskólinn og Stjómunar-
félagið) ásamt möguleikum á sjálfs-
námi.
★ Skýrslur um þjálfun: Hanna verður
kerfi sem gerir kleift að halda skrá yfir
áunna faglega hæfni í starfi auk þess
sem það hjálpar til að vega og meta
kostnað og gagnsemi þjálfunar. Slíkt
kerfi þyrfti að vera í tengslum við verð-
launastiga sem leggur til grundvallar
þekkingu, hæfni, starfsframlag og
framavonir en ekki eingöngu starfstíma.
★ Leiðbeinendur: Sérhver banki mun
koma á fót eigin liði leiðbeinenda og
námsgagnahönnuða. Með áætlunum sem
beinast að því að þjálfa sjálfa leiðbein-
endurna geta þeir orðið mjög nýtir til
framþróunar og kennslu námsefnis.
★ Beiting sjálfsnáms og f jarkennslu:
Á þessu sviði nýtast utanaðkomandi
stofnanir eins og Bankamannaskólinn
mjög vel. Margir starfsmenn stunda
vinnu sína í útibúum sem eru víðs fjarri
aðalstöðvum bankans. Einnig fer óþarf-
lega mikill hluti af þjálfuninni fram í
kennslustofum. Það er nauðsynlegt
bæði frá f járhagslegu og landfræðilegu
sjónarmiði að allir hafi möguleika á
góðri þjálfun án þess að stofna þurfi til
þess aukakostnaðar sem ferðir, gisting
og vinnutap leiða af sér. Þetta verður
að gerast með sjálfsnámi í formi að-
sendra námsgagna og námskeiða.
Margar þessara námsgreina eru al-
menns eðlis sem gerir það að verkum
að starfsmenn allra banka geta fært
sér þær í nyt - t.d. „söluaðferðir í gegn-
um síma“ eða „RB fyrirspumarkerfið“.
Slík verkefni ættu að vera í höndum
stofnana eins og Bankamannaskólans.
★ Þjálfun heilla vinnuhópa: Algengt
er að aðeins einn eða tveir starfsmenn
frá ákveðinni deild eða útibúi sæki
námskeið á hverjum tíma. Slíkt verður
til þess að lítilla eða engra áhrifa nám-
skeiðsins gætir á stórum vinnustað. í
framtíðinni mun verða séð til þess að
sett verði á laggirnar námskeið sem
verði löguð að innanhússþörfum hvers
banka sem beinist að því að þjálfa heila
vinnuhópa samtímis.
★ Möguleikar á stuttum og markviss-
um námskeiðum: Til þess að þjálfun
verði árangursrík verður að vera hægt
að bjóða hana fram í hlutum sem strax
er hægt að beita í starfi. Löng námskeið
verða aðeins til að ofmata fólk á upp-
lýsingum og halda því frá vinnustað of
lengi. Námskeið framtíðarinnar munu
verða frá 4-20 tímum á lengd og munu
vera byggð upp með það fyrir augum
að leiðbeinendur geti hjálpað starfs-
mönnum að tengja þjálfunina starfinu.
Að lokum þetta: Fjölmargar breyt-
ingar sem átt hafa sér stað í þjálfun
starfsmanna munu eiga sér stað í öllum
okkar bönkum. Breytingarnar munu
endurspegla þær þarfir sem mótast af
markmiðum hverrar stofnunar fyrir
sig. Þjálfun mun verða reglubundin og
sjálfsögð uppbót og uppbygging fyrir
starfsmenn. Stjórnendur munu sinna
gagnlegu hlutverki sem felst í að benda
á þörfina fyrir starfsþjálfun auk þess
að aðstoða hvern starfsmann við að
koma til móts við einstaklingsbundnar
væntingar hans. Við þurfum að gera
áætlanir um þjálfun sem beinast að því
að byggja upp möguleika einstaklings-
ins, færni í að veita viðskiptavininum
þjónustu og tækifæri til að vinna sig
upp. Þjónusta hvers banka um sig ræður
hvernig honum reiðir af í samkeppn-
inni. Góð þjónusta ræðst af þjálfuðum
starfsmönnum er hafa yfir að ráða
starfshæfni og kunnáttu sem eflir sjálfs-
traust þeirra auk þess sem þeir koma
auga á tilganginn að baki starfi sínu.