Bankablaðið - 01.12.1987, Blaðsíða 14

14
Erlent samstarf
BrynhildurErla Pálsdóttir:
í Svíþjóð í sumar
sem leið
Brynhildur Erla Pálsdóttir
starfar í Mulautibui Lands-
bankans. Hún er gjaldkeri
í stjórn Félags starfsmanna
Landsbanka íslands.
Árið 1986 veitti Norræna banka-
mannasambandið tvo styrki vegna 50
ára afmælis SÍB og var ég svo lánsöm
að hljóta annan þeirra. Þar sem mér
finnst það hafa háð mér í félagsstörf-
um að hafa ekki kunnáttu í Norðurlanda-
málum, og þá sérstaklega með norrænt
samstarf í huga, ákvað ég að nota styrk-
inn til að bæta úr því og valdi að fara til
Svíþjóðar og læra sænsku.
Af persónulegum ástæðum gat ég ekki
komið því við að nýta styrkinn fyrr en í
sumar sem leið, en notaði tímann þess í
stað til að afla mér upplýsinga um skóla
í Svíþjóð, sem hentaði mér sem byrj-
anda í sænskunámi og helst hefði heima-
vist.
í byrjun varð mér ekkert ágegnt, en
að lokum hafði ég með mjög góðri að-
stoð Jan-Erik Lidström hjá NBU í Stokk-
hólmi upp á námskeiði í sænsku, sem
hentaði mér mjög vel.
Ég lagði upp í ferðina hinn 23. maí
síðastliðinn og lenti á Arlanda-flugvelli
við Stokkhólm klukkan 14 að sænskum
tíma í dásamlegu veðri, sólskini og 23
stiga hita, en því miður breyttist veðrið
strax daginn eftir og segja má að rignt
hafi næstu fjórar vikurnar. Jan Erik
aðstoðaði mig ekki aðeins við að leita
að skólanum, heldur útvegaði hann mér
einnig húsnæði, sem var í Sundbyberg,
einu af úthverfum Stokkhólms, þar sem
ekki var um heimavist að ræða í skólan-
um. Það tók mig um það bil 15 mínútur
að komast með neðanjarðarlestinni til
miðborgarinnar og síðan um 10 mínútur
að ganga í skólann. Ég átti að byrja í
skólanum 1. júní, svo ég hafði heila viku
til að kynnast nýju umhverfi og átta
mig á því hvernig ég gæti á sem auð-
veldastan hátt komist minna ferða.
Námskeiðið sem ég sótti var við Stock-
holm Universitet, stóð það í fjórar vikur
og var kennt virka daga frá klukkan
9:00 til 11:30. Þetta var sannarlega
nokkuð skrautlegur hópur, því þarna
var saman komið fólk frá mörgum lönd-
um, sem flest átti það sameiginlegt að
eiga maka frá Svíþjóð. Oft voru fjörug-
ar samræður í kaffitímunum og gaman
að kynnast ólíkum uppruna þátttakenda.
Þar sem skólinn var aðeins á morgn-
ana, hafði ég nægan tíma til að virða
fyrir mér borgina og skoða ýmsa merka
staði síðdegis. Nú, auðvitað fór ekki hjá
því, að ég kæmist inn í málið þannig að
ég skildi orðið all nokkuð, þó að erfiðara
væri að gera sig skiljanlega.
Dagana 1. til 3. júní fór ég á trúnaðar-
mannanámskeið um samninga fyrir
bankamenn, og þótt ég skildi lítið þá
var samt gaman að fylgjast með. til
fróðleiks má geta þess, að sænskir
bankamenn greiða 1,3% af mánaðar-
launum sínum í félagsgjöld, en þó aldrei
meira en 110 sænskar krónur.
Segja má að sá tími er ég dvaldi í
Svíþjóð hafi veitt mér þó nokkra innsýn
í sænskt þjóðlíf, sem ég hefði ekki fyrir
nokkurn mun viljað missa af.
Þegar námskeiðinu lauk í lok júní,
átti ég þess kost að sigla frá Stokkhólmi
til Helsinki með ferju frá Silja Line,
sem var alveg ógleymanlegt. Ennfrem-
ur fór ég með lest til Kaupmannahafnar
og skoðaði mig um þar, og þar með hafði
ég heimsótt höfuðborgirnar fjórar, því
á heimleiðinni var millilent í Osló.
Sendum öllum
bankastarfsmönnum
okkar bestu
jóla- og nýjársóskir
SEÐLABANKIÍSLANDS