Bankablaðið - 01.12.1987, Side 39

Frá starfsmannafélögunum
39
B únaða rbankinn:
Félagsmálaáróður
Jæja, þá er maður loksins sestur niður
til þess að skrifa nokkrar línur í Banka-
blaðið og að sjálfsögðu á síðustu stundu.
Það hefði sjálfsagt verið einfaldasta
leiðin að skrifa hefðbundna grein um
íþróttir og félagsmál almennt. T.d. grein
um glæsilega ferð sem skákmenn Bún-
aðarbankans fóru til Lundúna. En lífið
er meira en skák! Ég hugsaði með mér
að best væri að nota þetta tækifæri til
að ýta við samstarfsfólkinu, ýta við
starfsmönnum Búnaðarbankans og e.
t. v. starfsfólki annarra banka.
Það sem stendur öllu félagslífi fyrir
þrifum er áhugaleysi, áhugaleysi hjá
stórum hluta starfsmanna. Á hverju ári
skapast neyðarástand þegar kjósa á í
stjórn starfsmannafélagsins og skipa í
nefndir. Það þarf nánast að grátbiðja
fólk um að gefa kost á sér. Á þessu
þurfum við breytingu sem fyrst.
Að vísu var félagslífið nokkuð blóm-
legt í fyrra þegar Starfsmannafélag
Búnaðarbankans átti hálfrar aldar af-
mæli. En því miður virðist ríkja mikil
lægð nú. Sem dæmi má nefna að ekki
var hægt að halda síðustu árshátíð
vegna þátttökuleysis. En e.t.v. er þessi
lægð lognið á undan storminum. Ég ætla
að gamni mínu að nefna hér lítið dæmi
um óvirka nefnd. Ég spurði samstarfs-
konu mína fyrrverandi hvort hún gæfi
aftur kost á sér í íþróttanefnd. Hún
brást ókvæða við: „Ha, er ég í íþrótta-
nefnd?“
Við verðum að gera okkur grein fyrir
því að við eyðum svo stórum hluta dags-
ins á vinnustað að allir verða að hjálpast
að til að gera dvölina þar sem ánægju-
legasta.
Það er lítið gaman í vinnu þar sem
beðið er eftir klukkunni allan daginn.
Ef öll félagsstörf leggjast alltaf á
sama fólkið, þá kemur að því að það
nennir ekki meiru, gefst hreinlega upp.
Við verðum að gera upp við okkur hvort
við viljum félagslíf eða ekki, hvort við
viljum krydda tilveruna með íþrótta-
tíma, bridgekvöldum, skákkvöldum,
fara í ferðalag eða eyða viku í sumar-
bústað.
Ég leyfi mér að gera ráð fyrir því að
flestallir vilji samstarf og virkt félags-
líf. Því hvet ég alla þá sem áhuga hafa á
þátttöku í félagsstörfum að afla sér upp-
lýsinga fyrir næsta aðalfund, sem verð-
ur í febrúar.
Með kveðju,
Yngvi Ó. Guðmundsson,
ritari
Starfsmannafélags Búnaðarbankans
Iðnaða rbankinn:
Berjaferð og
boltaleikir
Kæru félagar.
Eins og ykkur má vera ljóst eru störf
stjórnarmeðlima hvers starfsmannafé-
lags margvísleg og ýmislegt sem kemur
inn á borð okkar sem þarfnast af-
greiðslu. Of langt mál yrði að telja upp
allt það helsta sem við hjá starfsmanna-
félagi Iðnaðarbankans höfum verið að
fást við þetta árið, en mig langar að
nefna hér eitthvað af því.
Um mánaðamótin ágúst/september
efndum við til berjaferðar og fóru
starfsmenn, makar þeirra og börn,
austur í Þingvallasveit. í blíðskapar-
veðri skemmtu menn sér daglangt,
grilluðu pylsur í hádeginu og tíndu síð-
an ógrynnin öll af berjum, því af nógu
var að taka. Þetta var sérstaklega vel
heppnuð dagsferð og gefur svo sannar-
lega tilefni til að fara aðra slíka næsta
haust.
Sumarbústaðirnir okkar þrír í Húsa-
felli voru vel nýttir í sumar og komust
færri að en vildu. Vinnuhópur fór
snemma sumars í Húsafell eins og und-
anfarin ár og tók til hendinni, svo allt
yrði klappað og klárt þegar fyrstu gest-
irnir kæmu. Þök voru máluð, tréverk
lagað og húsin ræst hátt og lágt. Búst-
aðirnir eru leigðir í viku í senn eða yfir
helgi og enn í dag, komið fram í nóvem-
ber, eru starfsmenn að skjótast í Húsa-
fell yfir helgar.
Starfsmannafélagið hefur á leigu sal
í íþróttahúsi Vals á Hlíðarenda, einu
sinni í viku. Hingað til hefur salurinn
aðallega verið notaður til boltaíþrótta,
enda hefur íþróttamót SÍB staðið yfir
síðustu vikur. Þar hefur Iðnaðarbanka-
fólkið staðið sig mjög vel og m.a. unnu
konurnar í fótboltanum. Salurinn verð-
ur síðan notaður til t.d. leikfimi, bad-
minton eða annarra vinsælla íþrótta-
iðkana. Við höfum t.d. í hyggju að fá til
liðs við okkur íþróttakennara sem
kæmi okkur af stað í leikfiminni.
„Topp“ ferðalag ársins var án efa
Akureyrarferð sem farin var 9.—11.
október sl. Ekki leit vel út fyrir okkur
ferðalöngunum á farardaginn. Óveður
geysaði fyrir norðan og tilkynnt var að
heiðar væru ófærar. En hver lætur slíkt
stoppa sig af þegar samstarfsfólkið í
í nýjasta útibúi Búnaðarbankans í Kringlunni í Reykjavík. Ólöf Magnúsdóttir útibús-
stjóri ræðir við viðskiptavin.