Bankablaðið - 01.12.1987, Síða 44

44
Frá starfsmannafélögunum
SÝNDU
FYRIRHYGGJU
SKÓLABÓK
STYRKIR DIG
í NÁMI
Með sparnaði á Skólabók ávaxtar þú
sumarlaunin og ávinnur þér um leið lánsréttindi.
Hringdu eða líttu inn og kynntu þér
möguleikana sem hún gefur þér.
SAMVINNUBANKINN
Þjónusta í þína þágu
Sparisjóðurinn í Keflavík:
Helst vel á
starfsfólki
Starfsemi Starfsmannafélags Spari-
sjóðsins í Keflavík hefur verið með blóm-
legasta móti s.l. ár. Starfsemin hefur
nú verið sett í fastara form en verið
hefur og hafa stjómarfundir verið reglu-
lega einu sinni í mánuði og stundum
oftar. Félagið hefur aðstöðu til sam-
komuhalds í útibúinu í Njarðvík í Súð-
inni, sem er ágætur salur og fékk nafn
eftir hugmyndasamkeppni meðal starfs-
manna.
í Súðinni eru reglulegar uppákomur
u.þ.b. einu sinni í mánuði þar sem hinar
ýmsu deildir og útibú sjá um skemmti-
dagskrá eða bara hvað sem er. Haldnir
hafa verið fyrirlestrar, farið í ferðalög,
í keiluspil, spurningakeppni o.fl. o.fl.
Á hverju hausti stendur starfsmanna-
félagið fyrir tilkomumiklum haust-
fagnaði og er vel til þeirrar skemmtun-
ar vandað. Borðhald, heimatilbúin
skemmtiatriði og dans.
Starfsmannafélagið sér um rekstur
tveggja sumarbústaða og er mikil að-
sókn í húsin yfir sumartímann. Annar
bústaðurinn er í Borgarfirði en hinn í
Grímsnesi. Fastur liður í starfsemi fé-
lagsins er að halda á vori hverju fjöl-
skyldudaga í bústöðunum til skiptis. Þá
er gróðursett og dyttað að ýmsu. Allir
hjálpast að, börn og fullorðnir, við að
undirbúa bústaðinn fyrir sumarið. Að
lokum er svo grillað og haldið heim að
kveldi. Oft er fjölmennt í þessar ferðir
og mikið f jör.
í janúar á þessu ári, nánar tiltekið 20.
jan., varð starfsmannafélagið 10 ára og
var haldið upp á það með pompi og
prakt. Stjórnin heimsótti allar deildir
og bauð uppá afmælistertu og snittur
við mikinn fögnuð starfsmanna. I ljós
kom að 14 af 19 stofnfélögum eru enn
starfandi í Sparisjóðnum.
Fréttabréf Starfsmannafélagsins er
gefið út einu sinni í mánuði og í tilefni
af 10 ára afmælinu var gefin út saga
starfsmannafélagsins. Stefnt er að því
að hafa í öðru hverju fréttabréfi viðtal
við einhvern starfsmann. Annars fer
þar fram kynning á nýjum starfsmönn-
um og ýmsum upplýsingum er komið á
framfæri við starfsmenn í gegnum
fréttabréfið.
Stjórn starfsmannafélags Sparisjóðs-
ins í Keflavík er skipuð 5 mönnum:
Karl Antonsson, formaður; Helga
Jakobsdóttir, gjaldkeri; Helga Margrét
Guðmundsdóttir, ritari; Ragnar Mari-
nósson, meðstjórnandi og María Guð-
finnsdóttir, meðstjórnandi.
Á vegum starfsmannafélagsins eru
ýmsar nefndir starfandi, svo sem orlofs-
húsanefnd, jafnréttisnefnd, ritnefnd,
íþróttanefnd og skemmtinefnd fyrir
haustfagnað. Reynt hefur verið að
virkja sem flesta starfsmenn og upp-
lýsingastreymið ætti að vera í góðu lagi
með útgáfu fréttabréfsins.
Helga Margrét GuSmundscLóttir.