Bankablaðið - 01.12.1989, Blaðsíða 29
Norrænt samstarf
29
Áhugasamir trúnaðarmenn frá Norðurlöndunum.
„Sigríður, þú valdir alþjóðabanka og
EB."
„Já, í þessum hópi kom ýmislegt
skemmtilegt fram og mikill áhugi er
hjá bankamönnum á Norðurlöndum á
því sem er framundan í Evrópu. Menn
eru bæði með og á móti EB og mörgum
spurningum er ósvarað, eins og t.d.:
Verða erlendir bankar í Iandinu?
Hverjir koma þá til með að vinna þar,
útlendingar eða innfæddir? Pegar Evr-
ópa verður einn markaður, getur mað-
ur þá unnið hvar sem er í Evrópu? Eitt
er víst að það þarf gífurlegt fjármagn
til að vera með".
Auk hópvinnu hlustuðum við á fyrir-
lestra. Mikið var fjallað um þrengingar
norskra bankamanna. Þar hafa starfs-
mannafélögin verið mjög virk við að
aðstoða og styrkja bankamenn.
En tíminn fór ekki allur í eintóma
vinnu, við skemmtum okkur líka pínu-
lítið. Einn daginn skoðuðum við banka-
safn og könnuðust ýmsir við forna
hluti úr bankastarfseminni. Um kvöld-
ið var sungið við varðeld á ströndinni
og grillað. Hápunktur vikunnar var
þegar farið var til Kaupmannhafnar og
SDS sparisjóðurinn og Andelsbanken
skoðaðir og við frædd um starfsemina
þar og skipulag. Um kvöldið var hópn-
um boðið í glæsilegan kvöldverð í Tí-
volí, og var ekki haldið heim á Kobæk
Strand fyrr en að aflokinni góðri
skemmtun og flugeldasýningu um
miðnætti.
Síðasta kvöldið var svo komið á
„heimsmeistarakeppni í dansi" og þá
klæddust þátttakendurnir ýmsum
„múnderingum" af því tilefni. Mátti
þar sjá Araba jafnt og Hawaiibúa á
sveimi. Tvær finnskar stúlkur fóru
með sigur af hólmi og skemmtu okkur
hinum frábærlega vel með góðu atriði.
Þetta var dásamleg vika í sól og sumri
og ógleymanleg öllum þátttakendum.
Tilgangi námskeiðsins var náð, en það
var að auka skilning, einingu og vin-
skap bankamanna á Norðurlöndum og
heyra um reynslu í ólíkum bönkum og
löndum. „Stöllurnar"
Eldsnemma aö morgni.