Bankablaðið - 01.12.1989, Blaðsíða 41

Fræðslumál
41
manna sé sem almennust. Þannig geta
starfsmenn tekið að sér störf í hvaða
banka sem er, en einangrast ekki í sín-
um banka.
Margir telja að Bankamannaskólinn
hafi ekki staðið sig nógu vel á síðustu
árum, hann fylgist ekki nógu vel með
þeim breytingum sem eiga sér stað í
bankakerfinu og námið sé ekki nógu
markvisst. Þetta kann að vera rétt, en
lausn þessa vanda felst ekki í því að
bankar dragi sig út úr Bankamanna-
skólanum eða að hann verði jafnvel
lagður niður, Heldur ber að efla og
bæta það nám sem fer þar fram. Má
vera að við bankamenn höfum ekki
gert okkur grein fyrir gildi skólans. Við
höfum tekið honum sem sjálfsögðum
hlut og verið ósparir á gagnrýni þegar
okkur hefur fundist eitthvað hafa farið
miður í starfi hans. Við verðum hins
vegar að gera okkur grein fyrir því að
skólinn þarf aðhald, og það aðhald er
best komið frá okkur, starfandi banka-
mönnum, er tökum þátt í þeirri öru
þróun sem nú á sér stað í bankamál-
um. Aðhald okkar á m.ö.o. að felast í
leiðsögn, að tengja betur innra starf
skólans því sem gerist í bönkunum.
Gagnrýnisraddir segja að ekki sé
hægt að reka einn skóla fyrir alla bank-
ana vegna aukinnar samkeppni milli
þeirra. Starfsemi bankanna er að stór-
um hluta byggð upp á hliðstæðan hátt.
Þeir reka sparisjóð, lánadeild, bókhald
o.s.frv. Einnig er skipulagning starfa
hliðstæð. Það er því auðveldlega hægt
að kenna almenn bankafræði og öll
sérnámskeið sem tengjast almennum
deildum bankanna í Bankamanna-
skólanum. Hins vegar getur hver
banki haldið námskeið sem lúta að ein-
hverri sérstakri þjónustu, sem hann
vill bjóða.
Bankamannaskólinn hefur líka
miklu félagslegu hlutverki að gegna.
Þar hittast bankamenn, kynnast hverj-
ir öðrum og öðlast þannig stéttarvit-
und. Það er mikilvægt fyrir banka-
menn í litlu stéttarfélagi að hittast,
bera saman bækur sínar og styrkja
þannig Stöðu stéttarinnar. Ef bankarnir
fara að draga sig hver á fætur öðrum út
úr Bankamannaskólanum og taka að
kenna sínu fólki sjálfir er ekki hægt að
tryggja að menntunin verði eins al-
menn og við viljum að hún sé. Einnig
er hætta á að hver banki fari að innræta
sínu fólki einhverja sérstöðu og það
telji sig ekki hafa neinn hag af sameig-
inlegu stéttarfélagi og segi sig úr því að
lokum. Þá er hætta á því að Banka-
mannaskólinn leggist sjálfkrafa niður
og þar með hverfi sameiginlegur vett-
vangur bankamanna.
Því vil ég leggja áherslu á að það ber
að halda allri almennri menntun innan
Bankamannaskólans, en bankarnir
sjálfir geta kennt það sem þeir vilja
leggja áherslu á í þjónustu sinni.
Ég tel að Bankamannaskólinn sé
stétt okkar og lífsnauðsynlegur, bæði
vegna faglegrar menntunar okkar og
einnig vegna þess að hann sameinar
bankamenn úr öllum bönkum.
Sigríður Jónsdóttir:
Fræðslumál í
Ein þeirra breytinga sem verðandi
starfsmenn íslandsbanka standa
frammi fyrir er sú að öll starfsþjálfun
þeirra og fræðsla mun verða skipulögð
og framkvæmd innan bankans. Þetta
er þó ekki nýtt fyrir starfsmönnum
Iðnaðarbankans og Sigríður Jónsdóttir,
starfsmaður Selfossútibús bankans,
greinir hér frá því hvernig þeirri
fræðslustarfsemi hefur verið háttað og
á hvern hátt starfsmenn hafa notið
hennar.
Á haustin hefur kennslustjóri gefið
út starfsáætlun, þar sem greint er frá
öllum þeim námskeiðum sem boðið
verður upp á næsta árið. Þannig geta
starfsmenn valið úr það sem þeir hafa
áhuga á að nema, og komið á framfæri
við sína yfirmenn. Jafnframt geta yfir-
menn gert áætlanir fram í tímann um
væntanlegt nám starfsmanna og hvaða
starfsmenn þeir telja nauðsynlegt að
senda á hvert námskeið. Um 85%
starfsmanna sóttu námskeið innan
bankans árið 1988 og segir það nokkuð
um vinsældir og útbreiðslu þessarar
þjálfunar.
Allir nýliðar eru sendir á sérstakt
Iðnaðarbankanum
nýliðanámskeið, þar sem farið er yfir
sögu og starfsemi bankans. Þá eru hin
ýmsu innláns- og útlánsform bankans
kynnt. Þessi námskeið hafa komið sér
mjög vel og eru sérstaklega kærkomin
í litlu útibúunum, þar sem oft er erfitt
að finna tíma til að kynna starfsemi og
reikningsform til hlítar. Nýliðarnir
hafa rómað þessi námskeið mjög og
fundist mjög gaman að fá að kynnast
fleiru en nákvæmlega því sem þeir
vinna við dags daglega.
Mikill kostur við að vera á námskeið-
um sem skipulögð eru innan bankans
er sá að námið er sniðið að þörfum
starfsmanna og bankans. Þá koma
flestir leiðbeinendur úr röðum starfs-
manna, og hafa því góðan skilning á
því sem fjallað er um hverju sinni. Einn-
ig eru þeir einskonar tengiliðir starfs-
manna, ef upp koma einhver vandamál
eftir lok námskeiðs. Öll námsgögn eru
vel fram sett og aðgengileg í dagsins
önn eftir að námi lýkur, enda sniðin að
þörfum bankans.
Á hvert námskeið koma starfsmenn
úr mismunandi útibúum og því gefur
þetta tækifæri á að samræma vinnu-
Sigríður Jónsdótti
starfar í Iðnaðar-
bankanum, Selfossi.
brögðin milli útibúa. Einnig verður
samstarf milli útibúa persónulegra og
auðveldara, þar sem fólk hefur kynnst
á námskeiðunum. Þegar starfsmenn
sama útibús eða stoðdeildar fara saman
á einstök námskeið, sem boðið er upp
á, hefur það þann kost að allir fá sömu
upplýsingar á sama tíma og eru því
alltaf með á nótunum. Samheldni og
samstaða eykst og vinnustaðurinn
verður skemmtilegri og andrúmsloftið
afslappaðra. Einnig eru í boði sérstök
námskeið sem útibú eða hópar
starfsmanna geta pantað eftir þörfum,
allt eftir tíma og áhuga starfsmanna
hverju sinni.
Ég vil að lokum lýsa ánægju minni
með þá ákvörðun yfirmanna hins nýja
íslandsbanka hf. að ætla að hafa
fræðslustarf með líku sniði og verið
hefur innan Iðnaðarbankans.