Bankablaðið - 01.12.1989, Blaðsíða 46
46
Frá starfsmannafélögunum
ætlaði með okkur í skoðunarferðina,
og lét okkur vita að hann þættist góður
ef hann kæmi okkur í land og ekki yrði
um neina skoðunarferð að ræða þann
daginn. Sökum veðurs taldi hann ekk-
ert vit í að fara með okkur í einni ferð
í land og sagðist mundu taka okkur í
tveimur ferðum og yrði fyrri ferðin far-
in um hádegi. Búið var að fella niður
þau tjöld sem enn stóðu uppi eftir
nóttina og lengi vel stóðu menn í skjóli
við kamarinn, en flúðu síðap inn á
Hótel Vog, því að nokkur bið varð á
því að báturinn kæmi út í Flatey.
Loksins var fyrri ferðin farin í land
kl. 1600, í sjö vindstigum og miklum
sjógangi. Töluvert var um sjóveiki á
leiðinni og lagði skipstjórinn til að
sungið yrði til að halda uppi smá
„húmor". Lagavalið var heldur aumt,
því fólk hafði um allt annað að hugsa.
„Hafið bláa hafið" var sungið mestallan
tímann, kannski svolítið kaldhæðnis-
legt en hvað gerir fólk ekki til að reyna
að bægja frá einhverjum hræðilegum
hugsunum sem leita á hugann í að-
stæðum sem þessum? í seinni ferðinni
var lítið um sjóveiki því öldurnar hafði
aðeins lægt og varð lagaval í þeirri ferð
fjölbreyttara. Öll komumst við þó í
land að lokum og önduðum léttar þeg-
ar fætur okkar snertu fast land í Stykk-
ishólmi.
Heimferðin frá Stykkishólmi gekk
vel og þreyttir en ánægðir ferðalangar
komu í bæinn um miðnætti. Allir sem
tóku þátt i þessari ævintýraferð voru
sammála um að þetta væri ein af
skemmtilegustu ferðum sem þeir
hefðu farið í og jafnvel hræðslan við að
drukkna, sem hafði gripið um sig í
ölduganginum fyrr um daginn, var
gleymd um kvöldið. Já, þetta var svo
sannarlega skemmtileg ferð og ekki
síðri en svaðilförin í fyrrasumar þegar
við Seðlabankastarfsmenn sátum fastir
í Krossá í tæpa tvo tíma uppi í
Þórsmörk. Ætli hrakfarir og óveður
fylgi okkur nokkuð?
Eyrasparisjóður:
Sameiginleg
árshátíð
Starfsmannafélag Eyrasparisjóðs
S.E.P.T. er með yngstu og smæstu
starfsmannafélögunum innan S.Í.B,
rúmlega eins og hálfs árs, og telur alls
12 félaga. Eins og skammstöfunin gef-
ur til kynna er félagið dreift á tvo firði
þ.e. Patreksfjörð og Tálknafjörð.
Við í stjórn S.E.P.T. getum því mið-
ur ekki státað okkur af gróskumiklu
félagsstarfi, enda horfir slíkt töluvert
öðruvísi við í svo fámennum byggðar-
lögum sem Patreksfjörður og Tálkna-
fjörður eru, það er nú einu sinni svo að
þeir sem sýna einhvern áhuga á félags-
málum eru kosnir í allar stjórnir og
nefndir þeirra félaga sem starfandi eru
á svæðinu.
En þó má geta þess að s.l. haust fóru
allir starfsmenn Eyrasparisjóðs og
makar þeirra út að borða, og þótti það
kvöld sérstaklega vel heppnað.
Ekki er öll nótt úti enn, því árshátíð-
in er á næsta leyti (a.m.k. þegar þetta
er ritað) eða nánar tiltekið 4. nóv. 1989
og er mikill hugur í okkur sparisjóðs-
konum að gera það kvöld eitt af þess-
um grand kvöldum (svo ég sletti nú
bara pínu). Þessi árshátíð er eilítið sér-
stök að því leyti að hún endurspeglar
það sem er að gerast í heimi banka-
manna í dag. Þarna sameinast bank-
arnir þrír á fjörðunum þremur þ.e.
Patreksfjörður með Landsbankaútibú,
Samvinnubankaútibú og Eyraspari-
sjóð, Tálknafjörður með Landsbanka-
útibú og Eyrasparisjóð og Bíldudalur
með Landsbankaútibú. Þarna mætast
starfsmenn bankanna og makar þeirra
á miðri leið (kem ég nú enn og aftur að
sameiningu, þetta er bara í tísku núna)
nánar tiltekið í Dunhaga Tálknafirði og
halda veglega hátíð með heimatilbún-
um skemmtiatriðum. Ég held ég geti
fullyrt það með fullri virðingu fyrir öll-
um góðum samkomum norðan og
sunnan Alpafjalla að þetta er jú skrall
eða ball í lagi.
En nú er mál að linni, að minnsta
kosti að sinni.
Starfsmenn Eyrasparisjóðs, Patreks-
firði og Tálknafirði, senda öllu banka-
fólki baráttukveðjur á tímum óvissu og
sameiningar. Jörgína Jónsdóttir
formaður S.E.P.T.
Frá 30 ára afmælisfagnaði Starfsmannafélags Sparisjóðs Hafnarfjarðar.
Sparisjóður Hafnarfjarðar:
30 ára afmæli
Okkar félagsstarf er að miklu leyti
komið í hefðbundinn farveg. Starfs-
mannafélagið hélt upp á 30 ára afmæli
sitt á þessu ári.
Síðasta starfsár hófst með jólaglöggi
um miðjan desember s.l., og í byrjun
janúar var haldið eitt fjölmennasta jóla-
ball sem haldið hefur verið og mættu
þangað jafnt ungir sem aldnir og var
vafamál hvor kynslóðin skemmti sér
betur.
Þann 3. mars var svo haldið „bjór-
kvöld" í nýjum salarkynnum Spari-
sjóðsins og tókst það stórkostlega, eftir
því sem sögur herma. Síðan var hald-
inn aðalfundur Starfsmannafélagsins
22. mars.
Þegar vorið fór að nálgast var haldið
upp á 30 ára afmæli Starfsmannafé-
lagsins og var starfsmönnum boðið til
kvöldverðar með viðeigandi glæsibrag.
Hin árlega vorferð var farin í byrjun
júní í sumarhúsið í Grímsnesi og var
það undirbúið fyrir annríki fyrir
sumarsins sem aldrei kom.
í byrjun október var farið að sjá Oli-
ver Twist í Þjóðleikhúsinu. A döfinni
er undirbúningur jólanna sem verður
m.a. jólaföndur, jólaglögg og okkar ár-
lega árshátíð sem haldin verður 25.
nóvember.
Við óskum bankastarfsmönnum öll-
um gleðilegra jóla og góðs gengis á
komandi ári.
Skúli Skúlason
Unnur Berg