Lindin - 01.01.1946, Blaðsíða 10
8
L I N D I N
frá Gyðingum.“ (Jóh. 4. 22) Hvorttveggja sögulegar
staðreyndir. „En er Jesús var fæddur í borginni
Betlehem í Júdeu“. Þannig stendur þetta á spjöldum
sögunnar. Guðs sonur er fæddur í þennan heim -—
lítill smásveinn, sem á að hjarga veröldinni. Hann
er fæddur af konu í ákveðinni borg, á rikisstjórnar-
árum ákveðins konungs. Fæddur í Betlehem í Júdeu
á dögum Heródesar konungs og krossfestur á dögum
landstjórans Pontíusar Pílatusar. Páll postuli varð
fyrstur manna. til að játa, að þetta væri undarlegt,
Grikkjum hneyksli og Gyðingum heimska, að opin-
berun Guðs í Jesú Krist skyldi hafa orðið á þessa
lund. En við því er ekki hægt að gera. Það má vel
vera að ýmsum sé lítil alvara og frekar tómt mál
að kynnast Guði. En Guði sjálfum var það heit og
hlálcöld alvara að opinbera sig mönnunum. Opinber-
un Guðs — jólahátíð kristinna manna — er óhrekj-
andi staðreynd á traustum grundvelli sögunnar. Þar
stendur kirkja krists, ómar öll og heldur sína jóla-
hátíð — og bendir til himna. Kirkjan varðveitir
sannleika Guðs. öll kynning og auglýsing Guðs í
Kristi til vor mannanna er æfinlega, eingöngu og
allstaðar nefnd sannleikurinn. Vissulega vegna þess,
að þessi opinberun er öllum sannleik æðri, sann-
leikurinn í öllum sannleik. Sannleikurinn, sem bjarg-
ar syndugum mönnum og gæðir þá eilifu lífi hér
og áfram. Sannleikur, sem hefir til meðferðar hin
æðstu verðmæti alls, sem hugsað er, talað og skapað.
Sannleikur, sem hefir hið eina, eilifa og æðsta gildi.
Sannleikur, sem ber í sjálfum sér hið fyllsta og ó- -
breytanlegasta öryggi, sökum þess, að hann er ekki
byggður á óljósum, vafasömum og hlutdrægum hug-
myndum og tilgátum dauðlegra manna, heldur á