Lindin - 01.01.1957, Blaðsíða 75

L I N D I N
69
lands er kristið lögleysi byggt á skynsemi og réttvísi. Irsk-
ur byltingamaður gerir upreysn gegn hlutum sem hann
þekkir alltof vel. Sannir þegnar ævintýralands hlýða á hinn
bóginn einhverju, sem þeir beint ekki skilja. í ævintýrum
byggist óskiljanleg sæla á óskiljanlegum skilyrðum. Askja
er opnuð, og allir vondir andar fara á kreik. Orði er gleymt,
og borgir hrynja. Kveikt er á lampa, og ástin flýgur burt.
Blóm er tínt og mannslíf farast. Epli er etið, og von Guðs
brestur.
Þetta er tónn ævintýra, og er þar vissulega engin lögleysa
á ferð og jafnvel ekki frelsi, þótt talið sé svo miðað við
kvikinzku harðstjórn, sem þekkt er nú á tímum. Tugthús-
limir geta máski haldið, að fréttamenn séu frjálsir sem
fuglar himins. En þegar betur er að gáð mun koma í ljós,
að bæði ljúflingar og blaðamenn eru skyldunnar þrælar.
Guðmæður ævintýra sýnast að minnsta kosti fullt eins
nákvæmar í sér og aðrar guðmæður. öskubuska fékk vagn
frá Undralandi og vagnstjóra utan úr buskanum, en hún
fékk einnig þá skipun, sem ósköp vel gat hafa komið beint
frá lögreglunni, að hún yrði að vera komin heim á slaginu
tólf. Hún fékk líka glerskó á fæturna. Og naumast getur það
verið tilviljun ein, hversu gler er algengt efni í þjóðsögum.
Ein kóngsdóttirin á heima í glerhöll, önnur á glerfjalli og
enn önnur sér allt í spegli. Þeim er öllum guðvelkomið að
búa í glerhúsum, ef þær aðeins kasta ekki grjóti. Þetta
ljómandi þunna gler táknar þá staðreynd, að hamingjan er
björt en brothætt, líkt og hlutir, sem auðveldast brotna hjá
húshjálp eða ketti. Og þetta hugarþel ævintýra gagntók
mig og varð hugarþel mitt gagnvart öllum heimi. Mér fannst
og finnst enn lífið bjart sem gimsteinn, en brothætt eins og
rúða í glugga. Og þegar himininum var líkt við hinn aga-
5*