Lindin - 01.01.1957, Blaðsíða 79

L I N D I N
73
SÉRA ÖLI KETILSSON
Fæddur 26. september 1896. — Dáinn 25. marz 1954.
Hinn 25. marz 1954, lézt að heimili sínu hér á ísaíirði,
séra Óli Ketilsson, fyrverandi prestur í ögurþingaprestkalli,
en jarðsettur í Reykjavík 5. n. m.
Með honum féll í valinn mikilhæfur maður, sem vann
öll sín störf í kyrrþei og barst því lítt á, sem sárt var sakn-
að af samstarfsmönnum og vinum og harmdauði mikill ást-
vinum, venzlafólki og frændliði.
Hann var fæddur hér á Isafirði 26. september 1896. Voru
foreldrar hans Ketill Magnússon, skósmiður og kona hans
Helga Guðrún Bjarnadóttir. Var faðir hans Ámesingur að
ætt, en móðir frá Akureyri. Hann ólst upp í foreldrahúsum
og var yngstur systkina sinna. Snemma var hann settur til
mennta. Fyrstu undirstöðu menntunar sinnar fékk hann hér
á ísafirði, en settist svo í Menntaskólann í Reykjavík og
útskrifaðist þaðan tæpra 19 ára að aldri, eða vorið 1915.
En það ár sigldi hann til Kaupmannahafnar og stundaði
þar verzlunarnám til 1916. Kom hann iþá upp og stundaði
verzlunarstörf hér á ísafirði um nokkurra ára bil eða þar til
hann settist í guðfræðideild Háskóla Islands 1921, en þaðan
lauk hann prófi í febrúar 1925 með góðri einkunn. Hann var
skipaður prestur í ögurþingaprestakalli sama ár og hann