Útvarpstíðindi - 26.01.1948, Blaðsíða 24
48
ÚTVARPSTÍÐINDI
TÍMABÆR FYRIRRSPURN UM
ALÞÝÐUSKÁLDIN.
Af tilefni ljóðspurninga J. P. í síðasta
hefti um alþýðuskáldin hefur Josep S.
Húnfjörð sent eftirfarandi svar:
J. P- illa fór nú flatt
fyrir rökum Vætta
og þær segja „Ekki satt“
að þau séu að hætta.
Glæstar dísir goða-kyns
gleði sína missa.
Ung í veldi ódáins
Iðunn stendur hissa.
Enn er Þura góð og gild,
gegn á Braga-tengdir.
Svífur að eins meyjan mild
minni vega-lengdir.
Ekki heldur er það satt,
að ’ann Hjálmar sofi. —■
Vísur kveður, vakir glatt,
vinurinn frá Hofi.
Ýmsra skálda andleg glóð
endist vel og lengi. —
Gísli yrkir lífræn ljóð
lögð á hlýja strengi-
Lipur skáldin Ijós við föng
leika sér í náðum.
Fyrirspurn í þagnar-þröng
þau munu svara bráðum.
Rísi málsins regin-mögn
rims í felldum skorðum.
Þar fer skáld er sagna sögn
segir í fáum orðum.
Hér í Ingólfs heimavist
haldast fornir siðir. —
Þjálfa málsins þungu list,
þúsund ljóða-smiðir.
Margan sagna dreymdi draum,
draum til endur-hrifa.
Skáldaþings viö glens og glaum,
gaman er að lifa.
TÆKIFÆIUSSTÖKUR.
Þá sendir Húnfjörð eftirfarandi tæki-
færisstökur:
Böls ef rótið magnar mögn
meitlum grjót frá spori-
Lífs á nótur sagna sögn,
syngjum móti vori.
Heimalands við himinshvel
hlutir glansa í ljósum,
þar til stansa hlýt við Hel,
hlæ og dansa á rósum.
Finnst mér jafnan frelsið bezt.
Fæstir dafna í höftum.
Því að hafna, er þreytir mest,
það er að safna kröftum.
Út að minni endastöð
auðnu finn eg sanna.
Ástarkynnum raða í röð,
rósum minninganna.
— Og hafi Jósep Húnfjörð þökk fyrir
þessar vísur.
SÉRSTÆÐ BÆN.
Flestar bænir eru þannig, að engan
greinarmun gerir hvort karl eða kona
biður. Erl askáldkona hefur þó búið til
bæn, sem karlmenn eru útilokaðir frá að
biðja. Hún er þannig:
Vertu góði Guð mér hjá,
ger mig fljóða prýði.
Hreina í ljóði huga og þrá,
holla í þjóðar stríði.
STATISTIK.
Því hefur lengi verið haldið fram, að
konan lifi yfirleitt lengur en maðurinn.
Sumir vilja þó draga þetta í efa og segja,
að það eina, sem hægt sé að fullyrða í þessu
efni sé það, að ekkjan lifi lengur en mað-
urinn.