Útvarpstíðindi - 03.05.1948, Blaðsíða 11
Etvarpstíðindi
179
aS hörfa inn eftir fjörðum og dölum
°g upp eftir láglendinu til f jalla. En
um leið hækkar í sjónum, hann flæð-
W inn yfir láglendið og fylgir jökul-
í’öndinni fast eftir. Hlýja hans og
selta herðir á undanhaldinu. En með-
an jökullinn hörfaði alla leið upp í
háfjöll, hækkaði sjórinn aðeins upp
&ð vissu marki á láglendinu. Þar
skildi með þeim. Auðar landræmur,
æði misbreiðar, urðu á milli og teygð-
ust æ lengra til fjalls á eftir jöklin-
um. Árnar léngdust að sama skapi
upp á við. Þær báru jökulgorm sinn
til sjávar, þar sem hann settist til
botns, huldi skeljar dauðra sjódýra
og varðveitir þær til þessa dags.
Við erum nú stödd á mótum ís-
aldar og nútíma og könnumst orðið
vel við okkur í flestum héruðum
landsins. Þó söknum við eldfjalla og
hrauna og kunnum því þó ef til vill
enn verr, að sjór liggur enn yfir
lægstu svæðum undirlendisins og þar
með heimkynnum flestra okkar.
Á nútímanum er jarðeldurinn enn
að starfi. Við sjáum hvert eldfjallið
rísa og hraunflóðið renna á eftir
öðru. Þegar er jökulinn hafði leyst
af láglendinu, var sjórinn þó nokkuð
tekinn að fjara. Og nú sjáum við
láglendinu smám saman skjóta upp.
Landið er að lyftast aftur, eftir að
fargi ísaldarjökulsins létti af því.
Við sjáum, að upplyftingin verður
smám saman hægari. Og þegar
strandlínan og þar með lögun lands-
ins er orðin nokkurn veginn söm og
við þekkjum af Islandskortum, þá
má heita, að jafnvægi sé aftur kom-
ið á.
Ekki er þess nú kostur að rifja
nánar upp jarðmyndanir og lands-
lagsbreytingar nútímans, enda dvald-
ist mér nokkuð við það efni í fyrsta
erindi mínu. — Við erum nú komin
aftur úr langri ferð til þess staðar,
þaðan sem við lögðum upp, komin
heim til íslands, eins og það er í
dag. Þó að við værum fljót í ferðum
— aðeins þrjár vikur — þá hafa þau
öfl, sem sköpuðu landið okkar, unnið
stórvirki á sama tíma: Skeiðará
hljóp, jók enn við aura sína og hlóð
upp sandrif í sjó undan ósunum.
Austur í Hornafirði brutu Atlants-
hafssjóirnir lánd undan vita, svo að
hann hvarf í djúpið. Hekla hlóð utan
á sig margfalt meira grjóti en er að
finna í öllum steinhúsum á íslandi.
— Ekkert hlé er enn á sköpun
landsins.
Guðmundur Kjartansson.
Rafgeymavinnustofa vor l
Oaröastrœti 2, þriöju hœö.
annast hleðslu og viðgerðir
á viðtækjarafgeymum.
Viðtækjaverzlun Ríkisins