Útvarpstíðindi - 17.05.1948, Blaðsíða 15
ÚTVARPSTfÐINDI
20?
Útvarpsskák ryður sér til
rúms á Norðurlöndum
ÚTVARPSSKÁK ryður sér nú
mjög til rúms á Norðurlöndum, og er
víða talin með því allra vinsælasta,
sem útvarpið flytur. í danska út-
varpsblaðinu var þess nýlega getið,
að þar í landi væri útvarpsskák eitt
af því allra vinsælasta, sem útvarpið
flytti. Sem dæmi um það, hve áhug-
inn væri mikill fyrir skákinni, var
þess getið, að í vetur, skömmu eftir
að útvarpsskákinni milli Dana og
Norðmanna lauk, hafi danska út-
varpinu borizt hvorki meira né
minna en 14 þúsund bréf frá hlust-
endum, þar sem þeir tjáðu að þeir
vildu meira af svo góðu. Síðar hófst
svo skákkeppni milli Svíþjóðar og
Danmerkur, og var sama um hana
aö segja; fólk, ungir og gamlir, sátu
við tæki sín og fylgdust með skákum
meistaranna af brennandi áhuga og
færðu mennina á skákborðum sínum
eftir leikjum þeirra. Og það voru
ekki aðeins hinir svokölluðu skák-
menn, sem hrifust með, heldur líka
fólk, sem aldrei fyrr hafði sett sig
neitt að ráði inn í skák. Þáð er full-
yrt, að um þessar mundir sé meira
teflt í Danmörku en nokkru sinni,
fyrr, og eru útvarpsskákirnar fyrst
og fremst taldar orsök þess. — Sem
dæmi um það, hve skák-áhuginn er
almennur, kveðst danska útvarps-
blaðið hafa snúið sér til 50 Kaup-
mannahafnarbúa og spurt þá, hvort
þeir fylgdust með útvarpsskákinni.
Yngslu hluslendurnir fylgjast líka me&
úlvarpsskákinni: — Ekki svona ákafur,
bróTtir ... Vss! ... Hlustaðu á, lwaó þul-
urinn scgir, og svo getum vió séð, hvort
þeir fyrir norðan hafa le.ikió af sér . .. !
43 af þeim 50, sem spurðir voru,
gerðu það.
Eins og kunnugt er, hefur að und-
anförnu staðið yfir útvarpsskák milli
Akureyringa og Reykvíkinga, og
hafa leikirnir jafnan verið lesnir í
hádegisútvarpinu. Skák þessari er nú
nýlega lokið með sigri Reykvíkinga. •
Vitað er, að fjöldi manna hefur
fylgzt með skákinni, þótt engin skoð-
anakönnun hafi farið fram um, hve
mikill hluti hlustendanna hafi gert
það. Annars gæti það út af fyrir sig
verið fróðlegt, að heyra raddir um
það, hvernig mönnum fellur þessi
nýbreytni í útvarpinu hér.