Útvarpstíðindi - 31.05.1948, Blaðsíða 24
240
ÚT V ARPSTÍÐINDI
&SÓQÓSb
AUÐUNN BR. SVEINSSON frá Refs-
stöðum, sendir Sindri eftirfarandi vísur:
ÁSTARVÍSUR.
Hann:
Elsku vina, aðeins hér
eina bón ég hefi.
Ertu fús að fygja mér
fram að hinzta skrefi.
Hún:
Elsku vinur, eina hér
ósk í lagi hefi,
að ég fái að fylgja þér
fram að hinzta skrefi.
VORVÍSUR.
Lífsins eldur Ijómar skær
læknast hrelldur muni.
Skuggaveldi færist fjær
fögru kveldi uni.
Hýrnar strindi, sævarsvið,
sorgum hrindir maður.
Vorsins yndi finn og frið
frjáls í lyndi, glaður.
Ort, er höfundur frétti um sviplegt
fráfall kunningja síns:
Langt er ekki lífsins skeið,
líða dagar, — nætur.
Margur þó á miðri leið
maður bugast lætur.
TIL ÚTVARPSTÍÐINDA.
Er sorg og leiði sækja á
— ég sviptur blíðuvonum,
yljar þíður andi frá
Útvarpstíðindonum.
ÁSTRÖLSK LIST.
í borg einni í Vestur-Ástralíu hefur
verið listasafn, sem virðist hafa fengið
tíðar heimsóknir listvina, því í hverjum
sal safnsins var stórt spjald áletrað
þessum aðvörunarorðum: Menn eru vin-
samlega beðnir að gæta þess að skera
ekki myndirnar úr römmunum.
HYGGINN SKOTI.
Járnbrautarslys hafði orðið skammt
frá bæ nokkrum í Skotlandi og höfðu
margir af farþegunum með lestinni far-
ist. Á járnbrautarstöðinni í bænum beið
fjöldi fóks í ofvæni til þess að fá fulln-
aðarfréttir af því, hverjir hefðu farist
og hverjirr komist af. Meðal þeirra, sem
biðu þarna, var skozkur bóndi, sem átt
hafði von á konu sinni með járnbrautar-
lestinni. Meðan hann beið á brautar-
stöðinni, gekk blaðsali framhjá og bauð
blöð með frásögnum um járnbrautar-
slysið. Fjöidi fólks þyrptist kringum
drenginn og keypti blöð, en skozki bónd-
inn fór sér hægt og keypti ekkert blað.
„Hvers vegna kaupir þú ekkert blað ..
og konan þín, sem var með lestinni?"
spurði kunningi bóndans, sem hjá hon-
um stóð. „Hum, ja, ekki held ég núna,“
svaraði bóndinn. „Ég ætla heldur að
bíða eftir kvöldútgáfunni, því að þá fæ
ég líka úrslitin í knattspyrnukapp-
leiknum.“
Rafgeymavinnustofa vor f
Oarðastrceti 2, þriðju hœð.
annast hleðslu og viðgerðir
i viðtaekjarafgeymum.
Viötækjaverzlun Ríkisins