Prentarinn - 01.05.1952, Blaðsíða 1
Prentarinn
BLAÐ HINS ÍSLENZKA PRENTARAFÉLAGS Ritstjórn: Hallbjörn Halldórsson,
Sigurður Eyjólfsson.
HID ÍSLENZKÁ PRENTARAFÉLÁG ÁRID 1951.
Úr skýrslu fasteignanefndar 1951.
Síðustu skýrslu fasteignanefndar fylgdi örlítill for-
máli, þar sem bent var á grundvöll þeirrar þróunar
félagsstarfsemi Hins íslenzka prentarafélags, sem
gert hefir það að tiltölulega voldugu vígi hags-
munalega, góðum skildi og hlíf í veikindum og
ellilasleik ásamt stoð í atvinnuleysi og vísi að
hjálp til ekkna. Þar var einnig bent á, að sami
grundvöllur og markvissa þróun hefði jafnframt
og á skömmum tíma borið þann ríkulega ávöxt, að
félagið hafi nú heila hæð undir starfsemi sína í eigin
húsi, sem stendur í 'hjarta höfuðstaðarins og er
aðalvettvangur félagsstarfsins, og það, sem er enn
meira, að fyrir sömu þróun væri félagið löngu orðið
jarðeigandi og vel á veg komið með að bæta þá
eign sína og hýsa staðinn.
Hvort sem þessi fáu orð í síðustu skýrslu hafa
orkað því eða ekki, þá er það staðreynd, að meiri
áhuga hefir orðið vart um fasteignir félagsins á
þessu liðna ári en árin á undan, og þótt þessi áhugi
hafi að íslenzkum sið stundum birzt í hæðni um
þau störf, sem fasteignanefndin hefir með höndum,
þá þykir okkur nefndarmönnum það betra en al-
gert afskipta- og áhuga-leysi. Skylt er að geta þess,
að margir prentarar tala með stolti um húsið sitt
á Hverfisgötu 21 og gera sér að skyldu að taka til
hendi, ef þess þarf með, og hafa sýnt okkur þar með,
að við erum ekki einir um áhugann fyrir fallegu
útliti og góðri umgengni við félagshúsið. — Um
Miðdalinn gegnir sama máli, að þeim fer áreiðan-
lega fjölgandi, prenturunum, sem skilja tilganginn
með starfinu þar eystra, og hefir það komið fram
á margvíslegan hátt. Töluvert er um það, að bú-
staðirnir séu falaðir til leigu og jafnan margir um
boðið, ef eitthvert húsið hefir verið laust hluta úr
sumrinu. Komið hefir það fyrir, að spurt væri um
lóðir undir bústaði, og náttúrlega er landrými nóg
og lóðir falar, en eðlilegt verður að teljast, þótt ekki
hafi orðið af byggingu nýrra bústaða, eins og verð-
lagi hefir verið háttað.
Fasteignanefndin hefir \erið skipuð sömu mönn-
um og skipt með sér verkum á sama hátt og undan-
farin ár.
Félagshúsið.
A þessu liðna ári lét nefndin gera margt af þeim
lagfæringum og endurbótum á húseigninni á
Hverfisgötu 21, sem getið var í síðustu skýrslu að
gera þyrfti. Var þó ekki gert allt, sem hefði þurft
að gera, mest vegna þess, að fljótt er að koma í
miklar fjárhæðir í viðgerðum. Taldi nefndin því
rétt að láta gera það fyrst, er helzt kallaði að. Af
þessum viðgerðum má fyrst nefna, að settir voru
tveir miðstöðvarofnar á efstu hæðina í stað gamalla
og götugra. Einnig var sett svokölluð „slaufa“ á
hitakerfið. Þá var girðingin framan við húsið tekin
til gagngerðrar viðgerðar, einnig öll handrið, og
varð að smíða sum alveg að nýju og setja nýtt tré
á þau. Loks er hin nýja hurð komin fyrir aðaland-
dyri ásamt umbúnaði. I sumar var enn eitt gólf á
neðstu hæðinni brotið upp og steinsteypt og síðan
dúklagt. Hefir nú verið steypt í öll gólfin nema
suðvesturherbergi hæðarinnar. Þá var anddyri og
neðsti stiginn austan megin dúklagt. Allir gluggar
hússins voru kíttaðir og málaðir og sumir smíðaðir
að nýju, og er við búið, að enn þurfi að taka úr
glugga að sunnan- og austan-verðu. Nefndinni tókst
að festa kaup á þakjárni í haust, en ekki svo
snemma, að liægt væri að koma því á fyrir veturinn,
PRENTARINN 1