Kristilegt stúdentablað - 01.12.1955, Blaðsíða 20
Röddín, §em talar enn —
Framh. af bls. 11.
Það líður lítil stund,
og ég hefi sigur unnið.
Er þá öll barátta á enda.
Þá vil ég hvíla mig í rósfögrum sölum,
og eilíflega hjá Guði í himnaríki
fá að tala við Jesúm.
Þannig lauk ævi hans. Margir eru þeir, sem hafa
hlotið blessun af kynnum sínum við Kierkegaard.
Oss er það gagnlegt, að við oss er sagt: „Verið
minnugir leiðtoga yðar, hvernig ævi þeirra lauk, og
líkið eftir trú þeirra.“
Það var hlustað eftir rödd Kierkegaards meðan
hann lifði. Það er miklu meir hlustað eftir orðum
hans nú. Bækur hans hafa náð útbreiðslu um víða
veröld.
Áreiðanlega er það oss til blessunar að læra af
orðum hans, því að það er oss ætíð til heilla að
hlusta á þá, sem bera sannleikanum vitni.
Gleðjumst því yfir því, að rödd hans talar enn.
„Sannlega, sannlega segi ég þér“
Framh. af bls. 7.
Lesandi góður, hvað segir þú um sjálfan þig?
Ert þú syndlaus? Hver getur frelsað þig? Guðs
orð segir, að þú sért syndugur maður. Guðs orð
segir, að þú sért glataður, nema þú trúir á Jesúm
Krist. Guðs orð segir, að hann einn sé fær um að
frelsa. Þetta allt getur þú fengið að reyna, ef þú
gefur gaum að Guðs orði. Án þess reynir þú aldrei
nema synd og glötun; lífið er einskis virði. 1 því
reynir þú aftur á móti, að þú ert glötunarverður
syndari, en frelsaður frá glötun af Jesú Kristi
hinum krossfesta og upprisna.
Ég veit ósköp vel, að þessi orð láta illa í eyrum
margra. Ekki sízt þeirra, sem eitthvað hafa mennt-
azt, sem kallað er. En það er vel skiljanlegt vegna
þess, að þeir eru aldir upp í heiðindómi að ýmsu
leyti og menntun sú, sem fæst við skólagöngur, er
mjög einhliða. Hún er öll efnisleg á einhvern hátt,
þótt hún sé huglæg. Hún stuðlar að því, að menn
horfi í kringum sig, rannsaki, þreifi á, tileinki sér
siðu, sögu og tungu annarra þjóða, en beinir hug-
anum síður að því innra, sem er sál mannsins. Þó
bólar stundum svolítið á því, að menn líti á sjálfa
sig, en þá oftast sem einhverja vél, en ekki sem
mann skapaðan af Guði, og þess vegna missir slíkt
marks, sálin er kvalin, hún er skorðuð í afkima
hjartans, eftir verður dýr, sem er þó ekki dýr af
því að það getur ekki losað sig alveg við það, sem
Guð hefur gefið því fram yfir dýrin.
Sá sem kæfir röddina í hjarta sér, sem segir:
„Þú ert sekur syndari", hann deyðir sjálfan sig.
Hlýö á röddina, sem sýnir þér fram á synd þína,
les Guðs orð og biö Guð að fyrirgefa þér. Þér mun
veitast gleði, sem æðri er öllum mannlegum skiln-
ingi. Afhend Jesú allt og hann mun gefa þér nýtt
líf. Þú ert endurfæddur.
---_♦------
I tsindiwt or/ IsrtifttBverkin
Álitið á kraftaverkum Biblíunnar er að breytast meðal
vísindamanna, sagði bandarískur vísindamaður við hóp
lækna, er komnir voru saman á fund í Toronto í júlí í
sumar. Ræðumaðurinn var dr. John R. Brobeck við
læknaskólann i Pennsylvaníu. „Vísindin eru að breyt-
ast,“ sagði hann. „Árangurinn er meðal annars sá, að
vísindamaður getur ekki lengur sagt í einlægni, að eitt-
hvað sé ómögulegt. Hann getur aðeins sagt, að það sé
ólíklegt. Vísindin, hélt hann áfram, viðurkenna þann
möguleika, að Kristur hafi uppvakið dauða og að Móse
hafi klofið Rauðahafið.
Það er auðvitað skemmtilegt að komast að raun um, að
sumir vísindamenn eru að gera sér grein fyrir, að það
er fleira til á himni og jörðu en dreymt er um i heim-
speki þeirra. Dr. Brobeck segir, að vísindamenn viður-
kenni, að það kunni að vera til orkulind, opinberuð í
Biblíunni, sem þeir þekki ekki og kölluð er „máttur
Guðs“. Þetta fræðir oss auðvitað ekki mjög mikið.
Kristinn maður hefur ávallt verið sér meðvitandi um
mátt Guðs, þar sem hann hefur reynt hann í sínu eigin
lífi, þegar Guð auglýsti kröftuglega guðlegan mátt sinn,
er hann hreinsaði hann af syndum hans með blóði
Krists, gerði hann að „nýrri sköpun“ í Kristi og „upp-
vakið oss ásamt með honum og búið oss sæti í himin-
hæðum ásamt honum í Kristi Jesú.“
Það eru meiri verk unnin i heimi kraftaverkanna nú
á dögum en nokkru sinni voru unnin, þegar Drottinn
var hér á dögum holdsvistar sinnar. Enda sagði hann
lærisveinum sínum, að svo mundi verða. Frábærasta
kraftaverkið á himni og jörðu er kraftaverk endurfæð-
ingarinnar. Það er það, sem gerði Nikódemus forviða
og ber af öllum hinum furðulegu og undursamlegu fyr-
irbærum náttúrunnar. Kristinn maður lifir eða ætti að
lifa í ríki stöðugra kraftaverka, og hann er sjálfur mesta
lifandi kraftaverkið af öllum. Drottinn, opna augu mann-
anna alls staðar, að þeir megi sjá kraftaverk þín breið-
ast út um heiminn, og opna hjörtu þeirra, svo að þeir
taki í trú á móti hinu umskapandi kraftaverki guðlegrar
náðar, sem gjörir oss að konungsríki og prestum fyrir
Guði og að erfingjum og samerfingjum Krists að ófor-
gengilegri og flekklausri arfleifð, sem mun aldrei, aldrei
fölna. (The Evangelical Christian.)
20
KRISTILEGT 5TUDENTABLAÐ