Morgunblaðið - 06.12.2008, Blaðsíða 27

Fréttir 27INNLENT
MORGUNBLAÐIÐ LAUGARDAGUR 6. DESEMBER 2008
Önnur bókin í ritröð um íslenskar laxveiðiár
Fæst hjá útgefanda og á öllum helstu bóksölustöðum.
Langá á Mýrum
Óskabók veiðimanna, hvort sem þeir eru þaulreyndir eða að
feta sín fyrstu spor í veiðikúnstinni. Ein glæsilegasta bók
síðari ára um veiðiár. Höfundurinn, Guðmundur
Guðjónsson lýsir veiðistöðum af þekkingu og kryddar
lýsingar sínar sögnum af skemmtilegum mönnum sem hafa
notið þeirrar ánægju að spreyta sig í þessari á í gegnum
tíðina. Gullfallegar myndir Einars Fals Ingólfssonar gæða
bókina enn frekara lífi.
Vatnagörðum 14 – 104 Reykjavík
Sími 563 6000 – www.litrof.is
ÓSKABÓK
VEIÐIMANNA
Fjölmargt er hægt að gera sér til skemmtunar og fróðleiks í að-
draganda jóla og mögulegt að næra skilningarvitin með ýmsum
hætti. Morgunblaðið birtir fram til jóla upplýsingar um einhverja
þeirra viðburða sem eru á dagskrá vítt og breitt um landið.
18 dagar til jóla
AÐVENTUTÓNLEIKAR Sinfóníuhljómsveitar Norður-
lands fara fram í dag klukkan 18 í íþróttahúsi Gler-
árskóla. Þar koma fram einsöngvararnir Dízella Lár-
usdóttir og Jóhann Smári Sævarsson, auk Kvennakórs
Akureyrar. Vilhjálmur Ingi Siguðarson leikur einleik á
trompet. Er þetta hluti af dagskrá Aðventuævintýris.
Það verður ljúf stemning í Listagilinu með opnun sýn-
inga í galleríum. Í kvöld verður hljómsveitin Sprengju-
höllin með útgáfutónleika á Græna hattinum.
Á Minjasafninu gefst kostur á að skoða gamalt jóla-
skraut og jólasveinarnir taka lagið á svölunum sem gjarnan eru kenndar
við KEA í dag kl. 15.
Á morgun verður svo hægt að skera út laufabrauð á Öngulsstöðum
(skráning á hrefna@ongulsstadir.is), smakka jólaísinn hjá Holtsels-
bændum, koma við í Leikfangasmiðjunni Stubbi og svo í Laugarborg og fá
sér af kökuhlaðborði. Í Gamla bænum í Laufási verður frá klukkan 13.30-
16 hægt að fylgjast með undirbúningi jólanna eins og hann var í gamla
sveitasamfélaginu.
Aðventuævintýrið á Akureyri
KÓMEDÍULEIKHÚSIÐ á Ísafirði
kemur í aðventuheimsókn í Þjóð-
menningarhúsið á morgun, sunnu-
dag, og sýnir tvo brúðuleiki sem
byggðir eru á ævintýrinu um Dim-
malimm annars vegar og hins veg-
ar sögum af íslensku jólasvein-
unum, hvorttveggja í leikgerð og
flutningi Elfars Loga Hannessonar
og samstarfsmanna hans vestra.
Aðgangur að sýningunum er
ókeypis. Leikurinn um Dimmalimm
verður sýndur kl. 14.00 og sýningin
Jólasveinar Grýlusynir hefst kl.
16.00.
Dimmalimm og jóla-
sveinarnir í borginni
Dimmalimm Saga Muggs um
Dimmalimm á alltaf erindi við fólk.
Hljóðfæra-
húsið stend-
ur fyrir opn-
um
trommu-
hring í
verslun sinni
í Síðumúla í
dag kl. 14.
Núna þegar skammdegið er að
taka öll völd og jólastreitan í
þann veginn að ná tökum á okkur
er tilvalið að setjast saman og
tromma frá okkur áhyggjur og
angur. Karl Ágúst Úlfsson stjórn-
ar hringnum. Nóg af hljóðfærum
verður á staðnum, en þeir sem
vilja mega gjarnan koma með sín-
ar eigin trommur eða áslátt-
arhljóðfæri.
Ætla að tromma
áhyggjurnar burt
MARKAÐUR
helgaður ís-
lenskri hönnun,
handverki og
nytjalist hefur
verið opnaður í
sal við hlið Heklu
á Laugavegi. Í
boði verða einnig ýmsar uppá-
komur og afþreying fyrir börn og
fullorðna.
Markaðurinn verður opinn síð-
ustu þrjár helgarnar fyrir jól.
Hægt er að skoða allt um mark-
aðinn á www.markadur.blog.is.
Desembermarkaður
TÓNLIST, myndlist og íslensk hönnun er með-
al þess sem hægt verður að nálgast á jólabasar
Kling og Bang, Hverfisgötu 42 í dag milli kl. 12
og 20. Í tilefni þess að íslensk hönnun er jóla-
gjöfin í ár mun fjölbreyttur hópur hönnuða
selja verk sín á basarnum.
Þetta er skemmtileg blanda af vöruhönn-
uðum, fatahönnuðum og grafískum hönn-
uðum. Margir af hönnuðunum bjóða upp á vöru sem ekki hefur verið til
sölu áður. Einnig munu einhverjir hönnuðanna þennan eina dag selja vörur
sínar á betra verði en gengur og gerist.
Meðal þátttakenda eru Áróra, fatahönnun og Eygló, fatahönnun. Kling
og Bang gallerí býður upp á myndlistarverk eftir ýmsa listamenn. Tónlist
er ekki undanskilin á jólabasarnum og munu hljómsveitir á vegum
Kimi records spila og selja plötur sínar.
Þá verður boðið upp á veitingar.
Jólabasar Kling og Bang
ALLAR helgar í aðventu verður
sannkallað jólatorg í miðbæ Mos-
fellsbæjar. Komið hefur verið upp
jólahúsum þar sem fyrirtæki og fé-
lagasamtök selja alls kyns varning,
allt frá kartöflum upp í jólatré.
Skemmtiatriði og óvæntar uppá-
komur verða alla laugardaga og
sunnudaga fram að jólum. Jólatorg-
ið er opið laugardaga og sunnu-
daga frá 14-18.
Jólatorg á aðventu
BERGMÁL, líknar- og vinafélag
heldur aðventuhátíð sína í Há-
teigskirkju á morgun, sunnudag-
inn 7. desember, kl. 16. Ræðumað-
ur er séra Örn Bárður Jónsson.
Organisti Douglas A. Brotchie.
Graduale Nobili syngur undir
stjórn Jóns Stefánssonar, Eiríkur
Hreinn Helgason syngur einsöng.
Veitingar í safnaðarheimilinu. All-
ir eru velkomnir.
Hátíð Bergmáls
ÚTVARP Akraness hefur nú hafið
göngu sína líkt og hefð er fyrir á
þessum árstíma. Verður sent út alla
helgina. Þessi skemmtilega viðbót í
aðventuna á Akranesi hefur fest sig
í sessi og þykir nauðsynlegur þátt-
ur í jólaundirbúningnum. Sund-
félag Akraness sér um útvarpið. Út-
varpað er frá Skrúðgarðinum.
Útvarp á aðventu
STUTT
Eftir Guðna Einarsson
gudni@mbl.is
ÞRÍR hafa tilkynnt að þeir gefi kost á sér til for-
mennsku í Framsóknarflokknum. Þeir eru Jón Vigfús
Guðjónsson sjómaður, Höskuldur Þórhallsson alþing-
ismaður og Páll Magnússon bæjarritari í Kópavogi.
Kosið verður um formann á flokksþingi í janúar 2009.
Í yfirlýsingu frá Páli Magnússyni segir að framtíð
Framsóknarflokksins velti á því hvort hann skynji kall
kjósenda eftir breytingum í íslenskum stjórnmálum.
Hann segir og að meginverkefni stjórnmálanna næstu
vikur og mánuði verði að standa vörð um heimilin í
landinu.
„Nái ég kjöri mun ég leggja höfuðáherslu á breytt
vinnubrögð í flokksstarfi og aukið lýðræði,“ segir Páll í
yfirlýsingu sinni.
Páll telur að Ísland eigi að ganga til aðildarviðræðna
við Evrópusambandið og leggja síðan samning undir
þjóðaratkvæði. Hann var aðstoðarmaður ráðherranna
Finns Ingólfssonar og Valgerðar Sverrisdóttur. Páll
var spurður hvort það yrði honum fjötur um fót í ljósi
umræðunnar um einkavæðingu bankanna.
Ekki taldi Páll svo vera. Hann kvaðst telja það mik-
ilvægara fyrir Framsóknarflokkinn en aðra flokka að
einkavæðing bankanna yrði rannsökuð af utanaðkom-
andi hlutlausum aðilum, jafnvel útlendum. „[Fram-
sóknarflokkurinn] hefur setið undir ásökunum. Það er
búið að taka þetta ferli út í tvígang af Ríkisendurskoð-
un og umboðsmaður [Alþingis] fjallaði um tiltekna
þætti. Þrátt fyrir þetta hefur flokkurinn ekki getað
svarað þessum ásökunum þannig að þær þagni. Ég tel
að það sé að hluta til vegna þess að ferlið á sínum tíma
hafi ekki verið nógu gegnsætt,“ sagði Páll.
Höskuldur Þórhallsson vill að Framsóknarflokkur-
inn leggi áherslu á að standa vörð um hagsmuni heim-
ilanna í landinu. „Ég tel að það sé brýnasta verkefnið í
augnablikinu og að leita allra leiða til að koma í veg fyr-
ir atvinnuleysi. Einnig að fá hjól atvinnulífsins til þess
að snúast aftur,“ sagði Höskuldur. Hann telur að við
eigum að nýta auðlindirnar á skynsamlegan hátt. „Ef
fólk vill nýta þau atvinnutækifæri sem eru í þess
heimabyggð þá mun Framsóknarflokkurinn styðja
það.“
Hvað varðar Evrópusambandsaðild sagði Höskuldur
að ákvæði flokksfundur Framsóknarflokksins að farið
yrði í aðildarviðræður við ESB þá mundi hann ekki
leggjast gegn því. Hann kvaðst vilja að niðurstaða
slíkra viðræðna yrði lögð undir þjóðaratkvæði.
„Ég mun leggja mikla áherslu á að endurvekja traust
á íslenskum stjórnmálum og Alþingi Íslendinga. Það
þarf að gera skýran greinarmun á löggjafarvaldi og
framkvæmdarvaldi og efla eftirlitshlutverk þingsins,“
segir m.a. í yfirlýsingu Höskuldar.
Jón Vigfús Guðjónsson sjómaður, sem nú býr á Ak-
ureyri, tilkynnti framboð sitt í gærkvöldi. Í yfirlýsingu
hans segir m.a.:
„Brýnustu málin til að byrja með eru að mínu mati að
koma á einingu innan flokksins og græða þau sár sem á
honum eru. Velferð fólksins og skuldugra heimila er
gríðarlega mikilvægt að standa vörð um. Evrópumálin
eru mér líka ofarlega í huga, ég hef ekki verið tals-
maður inngöngu í Evrópusambandið hingað til, en vil
að þjóðin fái að kjósa sem fyrst um hvort við eigum að
fara í aðildarviðræður til að sjá hverju við töpum og
hvað er í boði.“
Þrír í framboð til
formanns Framsóknar
Páll
Magnússon
Þórhallur
Höskuldsson
Jón Vigfús
Guðjónsson
Leggjast ekki gegn aðildarviðræðum við Evrópusambandið