Morgunblaðið - 07.12.2008, Blaðsíða 37
MORGUNBLAÐIÐ SUNNUDAGUR 7. DESEMBER 2008
slagið. „Á hann heima í 107
Reykjavík?“
„Ég veit það ekki,“ segir Hall-
dór og dæsir. „Ég setti það bara
þarna til að hafa eitthvað.“
„Þetta er ekki vinna við mitt
hæfi,“ segir Óðinn og stendur á
fætur. „Ef þú þarft að láta brjóta
bein, brenna hús eða hrella op-
inbera starfsmenn veistu hvernig
þú finnur mig.“
„Fimmtíu milljónir, Óðinn,“ seg-
ir Halldór og ræskir sig.
„Fimmtíu milljónir?“ Óðinn pírir
hægra augað. „Fyrir að finna
þennan mann?“
„Já,“ segir Halldór og kinkar
kolli, síðan lítur hann á símann þar
sem tvö rauð ljós blikka í takt.
„Það er fáránlega mikið!“ segir
Óðinn og horfir rannsakandi á
auðjöfurinn. „Ertu að fokka í
mér?“
„Nei, ég er ekki að fokka í þér,“
segir Halldór. „Ég hugsa í millj-
örðum. Ég versla með fyrirtæki og
fasteignir en ekki bíla. Og maður
fær varla notað fyrirtæki fyrir
fimmtíu milljónir í dag.“
„Helmingur fyrir fram?“ spyr
Óðinn og ekur sér í öxlunum.
„Nei,“ segir Halldór og þerrar
svitadropa af enninu. „Ekki ein
einasta króna fyrr en maðurinn er
fundinn.“
„Ég eyði ekki tíma mínum í
svona vitleysu,“ segir Óðinn og
lætur braka í hnúunum. „Slepptu
því að tala við mig í framtíðinni,
gamli fugl. Ég vinn fyrir þrjá
karla og þrjá karla eingöngu: Mig,
skrokkinn á mér og skuggann sem
hann varpar. Vertu sæll!“
Óðinn strunsar að tvöföldum
dyrum skrifstofunnar og grípur
um þungan koparhúninn á annarri
hurðinni.
„Óðinn, bíddu!“ segir Halldór og
stendur upp úr stólnum. „Ég er
veikur. Kannski sérðu mig aldrei
aftur.“
„Veikur? Hvernig veikur?“ Óð-
inn sleppir hurðarhúninum og snýr
sér rólega við.
„Það skiptir ekki öllu máli en ég
geng varla á Esjuna framar. Ekki
án aðstoðar, það er að segja,“ seg-
ir Halldór og styður sig við borð-
brúnina með báðum höndum og
virðist allt í einu örmagna eftir að
hafa risið á fætur. „Það eina sem
skiptir máli er þessi maður. Hann
er mín eina von.“
„Þessi Agnar?“ spyr Óðinn og
bendir á umslagið. „Hver er þetta?
Einhver læknir?“
„Hann er meira en það,“ tautar
Halldór og ber vasaklút að svita-
blautu enninu. „Við erum í sama
blóðflokki, ég og hann. Með hans
hjálp get ég, á ég von um að …“
Halldór dæsir og lyppast ofan í
stólinn eins og farlama gam-
almenni.
„Þarftu blóð? Merg? Nýra?“
spyr Óðinn og yppir öxlum. „En
hvað? Vill spítalinn ekki gefa þér
upp rétt nafn mannsins? Hefur
hann neitað að hjálpa þér?“
„Óðinn,“ segir Halldór og ræsk-
ir sig um leið og hann leggur vasa-
klútinn yfir símann sem blikkar
eins og lítið jólatré. „Þetta er
spurning um tíma, um líf og dauða.
Framtíðin …
„Djöfulsins væl er þetta, mað-
ur!“ segir Óðinn og hrifsar um-
slagið af skrifborðinu. „Allt í lagi!
Ég skal kíkja á þetta! En ekki
voga þér að drepast áður en ég
finn mannandskotann! Er það skil-
ið?“
„Ég lofa engu,“ segir Halldór
svipbrigðalaust.
„Helmingurinn fyrir fram?“
spyr Óðinn og veifar umslaginu
eins og ákæruskjali.
„Nei,“ segir Halldór og kreistir
fram bros.
„Þú átt eftir að rotna í helvíti,
gamli fugl,“ tautar Óðinn um leið
og hann yfirgefur skrifstofuna,
þennan steingerða fílabeinsturn
sem þrátt fyrir stærðina og allan
íburðinn lyktar eins og herberg-
iskytra á ríkisreknu elliheimili.
Hann skellir á eftir sér þriggja
metra háum dyrunum og höggið
bergmálar eins og fallbyssuskot
um efstu hæð byggingarinnar.
Bókin Ódáðahraun er gefin út af
JPV forlagi.
Morgunblaðið/RAX
Glæpasaga Stefán Máni fjallar um skuggahliðar mannlegrar tilveru í
Ódáðahrauni, rétt eins og í fyrri bókum sínum, t.d. Skipinu árið 2006.
Náttúran sér um sína“ heitirný matreiðslubók fráRúnari Marvinssyni, prýdd
myndum eftir Áslaugu Snorradótt-
ur, sem jafnframt ritstýrði.
„Enginn eldar góðan mat úr
vondu hráefni,“ skrifar matargerð-
armaðurinn sjálfur í formála. „Mat-
argerðin mín er í sjálfu sér ekki flók-
in, enda hef ég aldrei lært neitt, en
ég hef í meira en tuttugu ár lagt mig
eftir að elda úr fersku og óspilltu
hráefni. Ég hleyp út í móa eftir ýmsu
nothæfu, gref eftir hvannarótum,
sæki gulmöðru, blóðberg, súru og
kúalubba. Fisk kaupi ég heilan í
næstu höfn eða veiði hann sjálfur í
ám og vötnum. Grænmeti kaupi ég
helst lífrænt og innlent. Ég er ekki
síður vandfýsinn á annað hráefni,
nota til dæmis alltaf góðar kald-
pressaðar olíur, steiki gjarnan upp
úr smjöri og krydda með nýmöl-
uðum pipar og náttúrulegu salti. Svo
má alls ekki gleyma þörungunum
hollu, sem vaxa við landið og ég hef
gert tilraunir með að elda úr. Hvert
sem litið er má finna eitthvað hollt
og ætilegt í íslenskri náttúru.
Gleymum því ekki að náttúran sér
um sína.“
Í bókinni fer Rúnar yfir ýmis at-
riði eldamennsku sinnar, kennir til
dæmis áhugasömum að gera góða
hvítlauksolíu. En hann gefur líka
fjölmargar uppskriftir að súpum og
fiskréttum, þorsk, búra, humar, búr-
fisk, karfa, háf, steinbít, lýsu og
tindabikkju, að ógleymdum laxinum
eins og veiðimanni sæmir og er þó
fjarri að allt sé talið.
Rúnar lætur fiskinn ekki nægja,
því hann lumar á góðum uppskriftum
að lambakjötsréttum. Hann slengir
fram grænmetisréttum, notar þara
eins og ekkert sé og bakar bollur úr
sölum og djúpsteikir beltisþarann.
Ígulkerin sleppa ekki, né bláskelin
blíða.
Rúnar hefur eftir einni af kon-
unum sínum að hið EINA sem hann
geti sé að elda. Hann virðist ágætlega
sáttur við þá einkunn, þessi „fyrrum
skítkokkur og náttúrubarn“ eins og
hann er kynntur á bókarkápunni.
Bókin Náttúran sér um sína er gef-
in út af bókaútgáfunni White River.
Morgunblaðið/Kristinn
Listakokkur Rúnar Marvinsson, matargerðarmaður og nú bókarhöfundur.
Úr fersku og
óspilltu hráefni
Weleda jólagjafir
Gleðja og veita vellíðan
Lífrænt ræktað, án aukaefna
Cítrus baðmjólkin,
húðolían og sturtusápan
eru frábærar húðvörur
þegar líkama og sál vantar orku
Náttúrulegt dekur daglega með
sturtusápunum frá Weleda
Sturtusápur í gjafakassa 4
tegundir, umbúðir með
íslenskum texta
Snyrtitaska með handklæði og
lavender sturtusápu
eða lavender húðolíu.
Lavender húðvörurnar eru
róandi bæði fyrir líkama og sál
Útsölustaðir Weleda: Heilsuhúsin, Fræið
Fjarðarkaupum, Maður lifandi , Blómaval,
Lyfja og Apótekið, Lyf og heilsa og
Apótekarinn , Sólarsport Ólafsvík,
Femin.is, Náttúrulækningabúðin, Lyfjaver,
Hagkaup, Lyfjaval, Barnaverslanir og
sjálfstætt starfandi apótek um allt land.
www.weleda.is
Weleda jólavörurnar eru í
fallegum gjafapokum með
áföstu merkispjaldi
Upplýsingar um jurtirnar á
íslensku
Fréttir á SMS