Morgunblaðið - 07.12.2008, Blaðsíða 51

Auðlesið efni 51
MORGUNBLAÐIÐ SUNNUDAGUR 7. DESEMBER 2008
Mörgum klukku-stundum áður
en opnað er hjá
Mæðra-styrks-nefnd er tekin
að myndast röð fyrir utan.
„Okkar gestum hefur fjölgað
verulega,“ segir Ragnhildur G.
Guðmundsdóttir, formaður
nefndarinnar. „Síðasta
út-hlutunar-daginn í
nóvem-ber í fyrra komu um
150 manns, en núna fyrir viku
voru þeir 420 talsins.“
Sér-stök jóla-úthlutun
verður hjá
Mæðra-styrks-nefnd í
sam-starfi við Hjálpar-starf
kirkjunnar og Rauða krossinn.
Sækja þarf sér-staklega um
hana fyrir-fram og verður
síðasti skráningar-dagur
næst-komandi þriðju-dag milli
klukkan 10 og 14.
Við jóla-úthlutunina fær fólk
ekki aðeins mat til hátíðanna
heldur einnig gjafir, s.s.
leik-föng og fleira til að gleðja
börnin. Gjafirnar koma að
stórum hluta frá fyrir-tækjum
en einnig frá einstak-lingum
sem hafa sett þær undir
jóla-tré í
verslunar-miðstöðvum.
Jóla-úthlutun byrjar 15.
desember en þá verður hafist
handa við að senda til fólks á
lands-byggðinni. Fólk á
höfuðborgar-svæðinu sækir
jóla-glaðninginn í Borgar-tún
25, milli kl. 14 og 17.
Mikið sótt í úthlutun fyrir jólin
Morgunblaðið/Golli
Konurnar eiga ekki í vand-ræðum með að skipta vörunum.
Hvatningar-verðlaun
Öryrkja-bandalags Íslands voru veitt
á alþjóða-degi fatlaðra. Guðjón
Sigurðsson var verð-launaður í flokki
einstak-linga fyrir dugnað og árangur í
mál-efnum fatlaðra. Tóns-tofa
Valgerðar fyrir frum-kvöðla-starf í þá
veru að nemendur með sér-þarfir
njóti for-gangs til tónlistar-náms.
Akureyrar-bær fyrir frum-kvöðlastarf í
út-færslu á „Independent living“,
notenda-stýrðri þjónustu fyrir fatlaða.
Hvatningar-verðlaun ÖBÍ
Morgunblaðið/Árni Sæberg
Guðmundur Rúnar Júlíusson,
tónlistar-maður og út-gefandi lést
aðfarar-nótt sl. föstu-dags eftir
hjarta-áfall. Hann var á tón-leikum á
Ránni þegar hann veiktist. Hann var
fluttur á sjúkrahús þar sem hann
lést.
Rúnar var einn dáðasti rokkari
landsins. Hann fæddist í Keflavík 13.
apríl 1945 og varð frægur sem
bassa-leikari í hljóm-sveitinni
Hljómum. Síðar stofnaði hann með
félögum sínum m.a. hljóm-sveitirnar
Trúbrot og Ðe lóní blúbojs.
Eigin-kona Rúnars er María
Baldurs-dóttir. Árið 1982 stofnuðu
þau hljóðver á heimili sínu. Það
nefndist í daglegu tali
Upptöku-heimilið Geim-steinn. Rúnar
starf-rækti það til hinsta dags. Fyrir
nokkrum dögum sendi hann frá sér
safn-diska með yfirliti yfir ferilinn.
Synir Rúnars og Maríu eru Baldur
og Júlíus. Rúnar átti 6 barnabörn.
Rúnar Júlíusson látinn
Morgunblaðið/Jón Svavarsson
Rúnar Júlíusson var einn dáðasti
rokkari landsins
Aron
Pálmarsson,
hand-knatt--
leiksmaður í
liði FH, er
kominn með
tilboð frá
þýska stór-liðinu Kiel, sem
Alfreð Gíslason, fyrrverandi
lands-liðs-þjálfari, tók við í
sumar.
Aron skoðaði að-stæður
hjá Kiel og ræddi við Alfreð
sem vill fá Hafn-firðinginn til
liðs við sig í sumar en Aron
sýndi frá-bær til-þrif með
íslenska lands-liðinu í
leikjunum við heims-meistara
Þjóð-verja um síðustu helgi
og hefur farið á kostum með
FH-liðinu. Geri Aron samning
við liðið verður hann fyrsti
Íslendingurinn sem spilar
með því.
Aron var valinn besti
leikmaður N1-deildar karla í
handknattleik.
Kiel gerir
Aroni tilboð
EINAR Kárason, Álfrún
Gunnlaugs-dóttir, Sjón,
Guðrún Eva Mínervu-dóttir og
Óskar Árni Óskars-son voru
tilnefnd til Íslensku
bók-mennta-verðlaunanna í
flokki fagur-bók-mennta í ár.
Bók Einars heitir Ofsi og
byggist á Sturlungu. Sjón fær
til-nefningu fyrir bókina
Rökkur-býsnir. Skaparinn,
bók Guðrúnar Evu, er um
skugga-hliðar til-verunnar.
Bók Álfrúnar heitir Rán og
bók Óskars er Skugga-myndir
– úr ferða-lagi.
Í flokki bóka almenns efnis
og fræði-rita er ein bókin,
Örlög guðanna, eftir Ingunni
Ásdísar-dóttur og Kristínu
Rögnu Gunnars-dóttur
tilnefnd. Þar er fjallað er um
nor-rænar goða-sögur.
Ævisagan, Lárus Pálsson
leikari eftir Þorvald
Kristinsson og bók Vilhjálms
Árnasonar um siðfræði eru
líka tilnefndar.
Bókmennta-verðlaun
Norðurlandaráðs
Auður A. Ólafs-dóttir og
Sigur-björg Þrastar-dóttir
voru til-nefndar af Íslands
hálfu til
Bók-mennta-verðlauna
Norður-landa-ráðs, fyrir
bækur sem komu út árið
2007.
Auður var til-nefnd fyrir
skáld-söguna Afleggjarinn,
en Sigur-björg fyrir
ljóða-bókina Blysfarir.
Bók-mennta-verðlaun
Norður-landa-ráðs verða
af-hent í Stokk-hólmi í
október á næsta ári.
Verð-launa-féð nemur
350.000 dönskum krónum.
Morgunblaðið/Ómar
Auður A.
Ólafsdóttir
Sigurbjörg
Þrastardóttir
Fjöl-breytileg verk
tilnefnd til bók-
mennta-verðlauna
Þeir sem tilnefndir eru til bókmenntaverðlauna í ár.
Ákveðið hefur verið að flýta
síldar-rannsóknar-leiðangri á
rannsóknar-skipinu Dröfn
vegna sýkingar í síld. Auk
hefðbundinna
bergmáls-mælinga verður
reynt að afla upp-lýsinga um
út-breiðslu sýkingarinnar í
síldar-göngum.
Vísinda-menn óttast að
sýkingin geti valdið hruni í
síldar-göngum í Breiðafirði.
Sjávar-útvegs-ráðherra lagði
á það áherslu að sýkingin
gerði síldina ekki óhæfa til
mann-eldis en hins vegar
væri hún ekki sölu-vænleg.
Þetta er mikið áfall á miðri
vertíðinni,“ sagði Einar K.
Guðfinnsson
sjávar-útvegs-ráðherra.
Sýking í síld
á miðri vertíð
Netfang: auefni@mbl.is