Morgunblaðið - 23.12.2008, Blaðsíða 36
36 MenningFÓLK
MORGUNBLAÐIÐ ÞRIÐJUDAGUR 23. DESEMBER 2008
Fólk
Eftir Jóhann Bjarna Kolbeinsson
jbk@mbl.is
„OKKUR telst til að við höfum spilað um 38 helg-
ar á þessu ári. En það er miklu flottara að segja
að við höfum spilað tæplega 40 helgar,“ segir
Hannes Heimir Friðbjarnarson, trommuleikari
Buffsins, sem hlýtur að teljast einhver allra dug-
legasta hljómsveit landsins.
„Já við erum allavega ein af duglegustu sveit-
um landsins, við erum fjandi duglegir. En ég veit
til dæmis að vinir okkar í Á móti sól eru alveg
svakalega duglegir líka. Annars er þetta búið að
vera svona síðustu þrjú ár, við höfum verið að
spila svona mikið – einhverjar 40 helgar á hverju
ári,“ útskýrir Hannes.
En verða þeir félagar aldrei leiðir hver á öðr-
um, að spila svona mikið saman?
„Nei, sem betur fer. Þetta er skemmtilegasti
saumaklúbbur sem ég hef verið í. En þetta kem-
ur bara til af því að við erum að anna eftirspurn,
af því að það er stöðugt hringt. Og það lítur út
fyrir að næsta ár verði ekkert öðruvísi.“
– Stefnið þið þá að því að taka 52 helgar af 52
árið 2009?„Nei að vísu ekki, við ætlum að taka
hálfan mánuð í frí í byrjun janúar.“
Hvað fjárhaginn varðar segir Hannes þá ekki
vera orðna vellauðuga af öllu spileríinu. „Ég
held að tónlistarmenn verði seint vellauðugir af
spilamennsku. Auðvitað kemur alltaf eitthvað í
vasann, en það er náttúrlega mismikið. En þetta
er fínn aukapeningur,“ segir trommarinn.
Spiluðu tæplega 40 helgar á árinu sem er að líða
Norræna húsið hefur staðið fyrir
skemmtilegum uppákomum nú í
desember; svokölluðu jóladagatali
sem fram hefur farið á hverjum
degi. Dagatalið hefur verið þannig
að alla daga kl. 12.34 hafa ýmsir
listamenn verið með uppákomu í 15
til 20 mínútur. Eins og vera ber í
jóladagatali er ekki gefið upp fyrir
fram hvað er bak við hvern glugga,
en hinir ýmsu listamenn hafa komið
fram hingað til, þar á meðal Motion
boys, Sjón, Hallgrímur Helgason,
Jón Ólafsson, Egill Ólafsson og Val-
geir Guðjónsson, Sprengjuhöllin,
Högni úr Hjaltalín, Reykjavík! og í
gær var Jón Gnarr svo með stutta
uppákomu. Það kemur svo í hlut
sjálfrar Bjarkar Guðmundsdóttur
að koma fram í hádeginu í dag, en
þetta verður síðasta uppákoman í
röðinni. Ekki er vitað hvað Björk
ætlar að gera, hvort hún ætlar að
syngja, spila, tala, dansa eða eitt-
hvað allt annað. Forvitnir ættu að
leggja leið sína í Norræna húsið kl.
12.34.
Hvað gerir Björk í Nor-
ræna húsinu í dag?
Fyrsta upplag af fyrstu plötu
hljómsveitarinnar Retro Stefson,
Montaña, er uppselt hjá útgefanda.
Annað upplag af plötunni kom í
búðir í gær en þó með örlítið
breyttu sniði. Þannig er nefnilega
mál með vexti að umslag plötunnar
(sjá að ofan) er annað en það sem
prýddi fyrra upplagið. Ástæðan
mun hafa verið megn óánægja
hljómsveitarmeðlima með fyrra
umslagið sem er tæpast með því
flottasta sem hér hefur sést en þar
er þó ekki um auðugan garða að
gresja. Retro Stefson leika á tvenn-
um tónleikum milli jóla og nýárs.
Annan í jólum treður sveitin upp
með Sprengjuhöllinni, Hjaltalín og
FM Belfast og svo kemur sveitin
fram í Íslensku óperunni með For a
Minor Reflection, Rottweilerhund-
um, Ólafi Arnalds og Ultra Mega
Technóbandinu Stefáni hinn 28.
desember.
Nýtt umslag sett á
korteri fyrir jól
Eftir Arnar Eggert Thoroddsen
arnart@mbl.is
EINN af þeim sem troða upp á tón-
leikum á NASA næsta laugardag er
myndlistarmaðurinn og tónlistarmað-
urinn Egill Sæbjörnsson. Haustið
2000 kom út plata hans, Tonk of the
Lawn sem kom mörgum í opna
skjöldu. Því hér var eitthvað meira á
ferðinni en hliðardútl myndlistar-
manns; hugdirfskan og tilraunagleðin
sem bundin er í þá plötu fær mann
enn þann dag í dag til að gapa.
Skemmst frá að segja hafa því margir
beðið óþreyjufullir æ síðan eftir næstu
plötu.
Margar atrennur
Það er því gaman að segja frá því að
það styttist óðum í að þær væningar
verði uppfylltar. Egill tók upp plötu í
sumar í Hljóðrita ásamt þeim Memfis-
mafíuliðum, Sigurði Guðmundssyni og
Gumma P og Flís-liðunum Valda
Kolla og Helga Svavari. Egill er nú úti
í Berlín og situr sveittur við að hljóð-
blanda.
„Ég er búinn að gera margar at-
rennur að plötu, ætli ég hafi ekki tekið
upp tvær eða þrjár,“ segir Egill í sím-
anum frá Berlín og útskýrir að skort-
ur á lögum hafi ekki verið ástæða
þessara tafa.
„Ég skráði 160 lög inn til STEF
núna um daginn. Ég kann ekki al-
mennilega að útskýra af hverju ég hef
ekki enn komið út annarri plötu. Það
upphófst einhver vandræðagangur
eftir Tonk …, eitthvað sem má skrifa
á reynsluleysi. Þess má geta að til
þétta rammann þá ákvað ég að nota
bara lög sem voru samin árið 2002 á
þessa plötu. Við vorum nokkra daga
að taka þetta upp en svo hef ég tekið
upp söngrödd sér, bæði á Íslandi og
hérna úti í Berlín.“
Togstreita
Egill hefur í gegnum tíðina rætt um
vissa togstreitu sem hann upplifi
vegna tónlistarinnar. Líkt og hann sé
að sóa tíma sínum í einhverja vitleysu,
sé að taka tíma frá því sem er hans að-
al, myndlistin.
„Já, ég hef sveiflast mikið til og frá
með þetta,“ segir hann. „Ég er ekki
fullstarfandi tónlistarmaður, deginum
ver ég í það að búa til myndlist. Tón-
listin verður öll til í aukatíma. Ég væri
líkast til búinn að gefa út fimm plötur
ef ég hefði tónlistina sem aðalstarfa.
Þannig að … já … mér hefur oft liðið
eins og ég sé á rangri hillu með þetta
tónlistarstúss mitt. En svo er þetta
bara svo skemmtilegt! Og ég er farinn
að róast aðeins niður í þessari angist
minni. Ég hef notið þess að gera þessa
plötu, hanga í hljóðveri allan daginn
og syngja. Það er bara meiriháttar.“
Egill ætlar þó enn um sinn að halda
hinum trúföstu í spennitreyju
„Ég er að mixa plötuna en ég veit
ekkert hvernig ég ætla að gefa hana
út. Eða hvenær.“
Nei, Egill! Kommon!
Skemmtilega röng hilla
Egill Sæbjörnsson leikur efni af væntanlegri plötu á NASA hinn 27. desember
Tók hana upp með Kidda Hjálmi og co í Hljóðrita, Hafnarfirði
Morgunblaðið/Valdís Thor
Lengi var von … Egill tekur á rás ólmur af gleði. Nú hillir loks undir nýja
plötu en allt of langt er frá því að meistarastykkið Tonk of the Lawn kom út.
Eftir Birgi Örn Steinarsson
biggi@mbl.is
AÐDÁENDUR bresku sjónvarps-
þáttanna Sugar Rush er sýndir eru á
Skjá 1 og fjalla um táningslesbíur í
Brighton hafa líklegast einhverjir
tekið eftir því að eitt helsta þemalag
þáttanna er íslenskt. Það er lagið
„Youth“ með Ampop er var að finna
á hinni geysivinsælu skífu My Delu-
sions. Lagið hljómar ósungið í þátt-
unum og er spilað í nánast hverjum
þætti, eða í hvert skipti er lesbían
unga lendir í tilfinningablús, sem
hún gerir ítrekað, enda ekki alltaf
auðvelt mál að vera hinsegin.
Það er greinilegt að liðsmenn Am-
pop horfa ekki á þættina, og ekki
heldur neinn í kringum þá, því þegar
Kjartan Ólafsson hljómborðsleikari
var spurður um tilvist lagsins í þætt-
inum kom hann algjörlega af fjöll-
um.
„Já, er það … eru þetta vinsælir
þættir? Ég hafði ekki hugmynd um
þetta, þú ert að segja mér fréttir,“
sagði Kjartan hissa. „Þeir hafa
örugglega verið svona grófir sem sjá
um höfundarréttinn á laginu. Þeir
eru djöfulsins ruddar. Höfund-
arréttarfyrirtækið Outcast gerði
samning við okkur vegna smáskíf-
unnar „My Delusions“ þar sem þetta
lag fylgdi með.“
Þannig er það hægt í tónlistar-
bransanum í dag að sá er kaupir
réttinn að höfundarrétti listamanna
getur selt lög áfram, í öðrum út-
gáfum, án þess að listamaðurinn
hreinlega viti af því. Fyrirtækið sér
um viðskiptin en listamaðurinn hlýt-
ur fyrirframgreiðslu og svo höfund-
arréttarlaun, ef fyrirtækið hefur
fengið upp í fyrirframgreiðsluna.
Vissu ekki af notkun lagsins
í lesbíu-sjónvarpsþætti
Morgunblaðið/ÞÖK
Ampop Greinilega ekki áhugasamir um unglingalesbíur í Brighton.
Íslenska hljómsveitin Ampop á þemalag Sugar Rush
Það er Gogoyoko.com, nýtt alþjóðlegt tónlistarsamfélag, sem stendur að
tónleikunum Jólagrautur 2008 sem fram fara á NASA hinn 27. desember
næstkomandi. Ásamt Agli koma fram Mugison, Hjálmar og Timbuktu,
Motion Boys og Borko. Mugison er sjóðandi heitur, nýkominn af Icesave-
túrnum svokallaða um Evrópu og langt er um liðið síðan hin elskaða sveit
Hjálmar lét að sér kveða á tónleikasviðinu. Miðasala fer fram á midi.is og
í Skífunni.
Jólagrautur 2008
Buffið Spilaði á hátt á 100 tónleikum á árinu. Hið
sama verður líklega uppi á teningnum á því næsta.