Morgunblaðið - 30.12.2008, Blaðsíða 8

ENGIR fjármunir hafa verið færðir
með óeðlilegum eða ólögmætum
hætti úr sjóðum Kaupþings, hvorki
til eigenda hans né annarra. Enginn
hagnaður hefur orðið til vegna sér-
stakra samninga við valinn hóp við-
skiptavina bankans eða eigenda.
Þetta kemur fram í yfirlýsingu fyrr-
verandi stjórnenda bankans, þeirra
Hreiðars Más Sigurðssonar og Sig-
urðar Einarssonar.
Tilhæfulausar sögusagnir
„Vegna fréttaflutnings að und-
anförnu um óeðlilegar millifærslur
úr Kaupþingi banka til einstaklinga
og félaga í eigendahópi Kaupþings
óskast eftirgreindu komið á fram-
færi:
Engir fjármunir hafa verið færðir
með óeðlilegum eða ólögmætum
hætti úr sjóðum bankans, hvorki til
eigenda hans né annarra. Enginn
hagnaður hefur orðið til vegna sér-
stakra samninga við valinn hóp við-
skiptavina bankans eða eigenda.
Fyrrverandi stjórnendur eru þess
fullvissir að starfsemi bankans hafi
alla tíð verið innan þess ramma sem
lög og reglur um rekstur hans hafa
kveðið á um. Þeim rannsóknum sem
nú standa yfir á starfsemi bankans er
því fagnað og vonandi er að til þeirra
verði vandað í hvívetna til þess að hið
sanna um starfsemi bankans leysi til-
hæfulausar sögusagnir sem allra
fyrst af hólmi,“ segir í yfirlýsingunni
en undir hana rita þeir Sigurður Ein-
arsson, fyrrverandi formaður stjórn-
ar Kaupþings banka, og Hreiðar Már
Sigurðsson, fyrrverandi forstjóri
Kaupþings banka.
Engar ólög-
mætar færslur
fjármuna
Fyrrum stjórnendur Sigurður Ein-
arsson og Hreiðar Már Sigurðsson.
8 FréttirINNLENT
MORGUNBLAÐIÐ ÞRIÐJUDAGUR 30. DESEMBER 2008
Eftir Önnu Sigríði Einarsdóttur
annaei@mbl.is
ÍSLENSKUKENNSLA fyrir útlendinga hefur
tekið miklum framförum eftir að menntamála-
ráðuneytið fór að hafa meiri afskipti af náminu.
Enn er þó töluvert í að námsúrval sé jafngott og
í nágrannalöndum okkar. Grunnnámið á þó engu
að síður að geta veitt fólki tilhlýðilega færni til
að standast íslenskupróf fyrir umsækjendur um
íslenskan ríkisborgararétt, en lagaákvæði þess
efnis tekur gildi 1. janúar nk. Það þýðir þó ekki
að öllum dugi 240 stunda grunnnámið sem nám-
skrá menntamálaráðuneytisins í íslensku fyrir
útlendinga gerir ráð fyrir, né heldur er þar með
sagt að námið sé alls staðar aðgengilegt.
„Íslenskukennsla hefur lagast mikið eftir að
menntamálaráðuneytið fór að taka meiri þátt í
námsferlinu og tók að styrkja námskeiðin kröft-
uglega,“ segir Ingibjörg Hafstað, kennslustjóri
hjá Alþjóðahúsinu. Fyrirtæki hafi tekið vel við
sér varðandi starfstengt íslenskunám og eins
hafi íslenskunámskeiðum hjá símenntunarmið-
stöðvum fjölgað. Þannig hlutu á milli 60 og 65
fræðsluaðilar og fyrirtæki styrk fyrir íslensku-
kennslu útlendinga árið 2007.
Grunnnámið víða í boði
Tvö fyrstu grunnstig íslenskunámsins, sem
svarar til um 100 kennslustunda, virðist líka víð-
ast hvar auðvelt að nálgast, en eftir það fækkar
möguleikunum. Ákveðinn fjölda nemenda þarf á
hvert námskeið til að standa undir kennslunni
þar sem greitt er með hverjum einstaklingi.
Hjá Þekkingarneti Austurlands fengust þær
upplýsingar að fyrstu tvö námskeið í íslensku
fyrir útlendinga væru kennd í velflestum bæjar-
félögum, jafnvel þótt ekki næðist alltaf tilskilinn
fjöldi nemenda. Þriðja námskeiðið væri hins veg-
ar ekki alltaf kennt og það fjórða stæði sjaldnast
til boða utan Egilsstaða, en miðað er við að
a.m.k. átta nemendur sitji hvert námskeið. Menn
geta því þurft að ferðast langar leiðir til að
sækja íslenskukennsluna, sem er e.t.v. ekki allt-
af fýsilegur kostur að loknum löngum vinnudegi.
Svo ekki sé talað um dyntótt veðurfar sem getur
jafnvel útilokað skólaferðina með öllu.
Áður var ein af kröfunum að baki búsetuleyfis
hér á landi sú að hafa setið 150 tíma í íslensku-
kennslu. Hæfniskröfur voru engar og gátu nem-
endur því sótt sama námskeið aftur og aftur
stæði ekki annað til boða. Nú gerir námskrá
menntamálaráðuneytis hins vegar ráð fyrir 240
tíma grunnnámi og er námsmatið byggt á
viðmiðunarramma Evrópuráðsins. Þetta sama
grunnnám liggur að baki íslenskuprófinu fyrir
umsækjendur um ríkisborgararétt, að und-
anskildu markmiði um undirstöðuþekkingu á
helstu siðum og venjum í íslensku samfélagi.
„Námskeiðin eiga að veita fólki lágmarksfærni
til að geta tekið þátt í þjóðfélaginu,“ segir Sig-
rún Jóhannsdóttir, kennslufræðingur hjá
Fræðslumiðstöð atvinnulífsins. En Fræðslu-
miðstöðin sá um gerð námskrárinnar og hefur
þegar gert samninga við menntamálaráðuneytið
um gerð framhaldsnámskrár sem fullbúin á að
vera nú í vor. En með aðstoð grunn- og fram-
haldsnámskrárinnar á að vera hægt að öðlast
meira en lágmarksfærni í íslensku. „Það er að
byggjast upp kerfi sem ég held að hljóti að eiga
að geta svarað þörfum þeirra sem hingað flytja.“
Áhugi kennara á náminu virðist líka vera mik-
ill því þegar hafa 40 manns sótt námskeið í full-
orðinsfræðslu og til stendur að halda námskeið á
bæði Akureyri og Austfjörðum nú í janúar.
Gerð námskrár þýðir hins vegar ekki endilega
að kennslan standi alls staðar til boða líkt og
Ingibjörg bendir á. Né heldur að það sama henti
öllum og eins og staðan er nú þarf ákveðin fjölda
nemenda til að námskeiðið standi yfirhöfuð til
boða. Þá þykir líka óljóst nákvæmlega hvaða
færniskröfur verði gerðar til þeirra próftaka
sem öðlast vilja ríkisborgararétt.
„Fólk hefur mjög mismunandi forsendur til að
læra íslensku,“ segir Ingibjörg og bendir á að
fólk frá fjarlægum málsvæðum, t.d. í Asíu, eigi
mun erfiðara með að ná valdi á íslenskunni en
Norðurlandabúar. Eigi að gæta jafnræðis við ís-
lenskuprófið hljóti færnikrafan að vera verulega
lág – að öðrum kosti sé verið mismuna mannrétt-
indum fólks. „Annars er þetta allt alveg ofboðs-
lega óljóst og raunar alveg í höndum prófagerð-
armanna hvernig prófið er. Lögin segja
nefnilega ekkert um innihald prófsins bara um
íslenskukennsluna.“
Öðlist lágmarksfærni
 Íslenskunámið tekið
framförum  Mikill
áhugi meðal kennara
Morgunblaðið/Eyþór
Íslenskunám fyrir útlendinga Ekki eru námsmöguleikar jafn fjölbreytilegir alls staðar á landinu og
geta sumir því þurft að ferðast langa leið ætli þeir sér að stunda íslenskunámið.
Fyrirtæki hafa mörg hver verið dugleg við að
bjóða erlendu starfsfólki sínu upp á starfs-
tengt íslenskunám undanfarin ár. Má nefna
sem dæmi að sótt var um styrki til
menntamálaráðuneytisins til íslenskunáms
fyrir 5.100 útlendinga á fyrri hluta þessa árs.
Við þær aðstæður sem nú ríkja í efnahags-
lífinu, segir Ingibjörg Hafstað kennslustjóri
hjá Alþjóðahúsinu, námsframboðið hins vegar
hafa verið að dragast saman. Slíkt megi
vissulega að hluta til rekja til þess að erlend-
um starfsmönnum fari fækkandi, en líka til
aukins aðhalds hjá fyrirtækjum. „Við vitum
ekki enn hvernig næsta önn verður. Þó að
námskeiðin séu niðurgreidd af menntamála-
ráðuneyti eru þau engu að síður kostn-
aðarsöm því fyrirtækin gefa dýran vinnu-
tíma.“
Dregur úr starfstengdu íslenskunámi
Eftir Höllu Gunnarsdóttur
halla@mbl.is
ATVINNULEYSISBÆTUR hækka
um 13.500 krónur og dráttarvextir
lækka úr 11% í 7% frá og með 1. jan-
úar nk. en þá taka nokkur ný lög
gildi. Alþingi hefur samþykkt 49
frumvörp það sem af er þessum
þingvetri. 21 stjórnarfrumvarp bíð-
ur þó enn afgreiðslu og 56 þing-
mannafrumvörp.
Sjónvarpsleysingjar þurfa nú að
búa sig undir aukin útgjöld þar sem
útvarpsgjald að fjárhæð 17.200
krónur á ári mun leysa afnotagjöld-
in af hólmi. Fólk sem er eitt í heimili
fagnar þó eflaust enda sú fjárhæð
ívið lægri en afnotagjöldin. Kostn-
aður pars sem hefur notað sjónvarp
stendur nokkurn veginn í stað.
Bandormsfrumvarp ríkisstjórn-
arinnar tekur gildi 1. janúar en orð-
ið bandormur vísar til þess að frum-
varpið felur í sér breytingar á
mörgum ólíkum lögum. Hámarks-
greiðslur vegna fæðingarorlofs
lækka í 400 þúsund krónur, sjúk-
lingar munu þurfa að greiða komu-
gjöld á sjúkrahúsum, skattar
hækka, héraðsdýralæknum í Þing-
eyjarumdæmi fækkar úr tveimur í
einn og greiðslur vegna búvöru-
samninga munu ekki fylgja neyslu-
vísitölu.
Eitt tollumdæmi
Alþingi samþykkti jafnframt
breytingu á tollalögum þannig að
landið verði eitt tollumdæmi og bú-
ast má við að félagsmálaráðuneytið
auglýsi embætti forstjóra nýrrar
þjónustu- og þekkingarmiðstöðvar
fyrir blinda, sjónskerta og dauf-
blinda. Undir þá stofnun færist
starfsemi Þjónustu- og endurhæf-
ingarstöðvar sjónskertra sem og
starfsemi Blindrabókasafnsins að
hluta til.
Þá mun Fjármálaeftirlitið hafa
meira fé til ráðstöfunar í ár en í
fyrra og álagningarhlutfall vá-
tryggingafélaga, verðbéfafyr-
irtækja, verðbréfamiðlana, lífeyr-
issjóða og Íbúðalánasjóðs hækkar til
að standa straum af þeim kostnaði.
Ýmislegt breytist um áramót
Morgunblaðið/Ómar
Hugsi Að mörgu er að huga þegar setið er á þingi.
49 frumvörp hafa verið samþykkt á
þinginu sem hófst 1. október og tekur
hluti þeirra gildi 1. janúar
Á NÝÁRSDAGSMORGUN má víða
sjá tóma tertukassa, útbrunna flug-
elda og fleira rusl eftir skotgleðina
kvöldið áður. Umhverfis- og sam-
göngusvið Reykjavíkurborgar
mælist til þess að borgarbúar fari
sjálfir með umbúðir sínar og aðrar
skotleifar í endurvinnslustöðvar
Sorpu sem verða opnaðar 2. janúar.
Flugeldar eiga ekki að fara í sorp-
tunnur heimila.
Risatertur og
skotkökur í
endurvinnslu
Ákveðið hefur verið að veita
leyfi til rannsókna á olíu og gasi
sem kynni að finnast í land-
grunni Íslands og lög um skatt-
lagningu slíkrar vinnslu taka
gildi 1. janúar. Lagður verður
sérstakur skattur á alla sem fá
leyfi til leitar, rannsókna og/
eða vinnslu olíu og gass, sem
einu nafni nefnast kolvetni.
Skatturinn er lagður á þegar
skattskyldur hagnaður viðkom-
andi fyrirtækis nær 20%. Þeir
sem eru undir því viðmiði
greiða aðeins vinnslugjald sem
tekur mið af því magni kolvetn-
is sem unnið er. Fjármálaráð-
herra mun skipa þriggja manna
nefnd til fimm ára sem ákvarð-
ar viðmiðunarverð á þessum
auðlindum í upphafi hvers mán-
aðar.
Kolvetnisskattur